Viral: ఫ్యామిలీతో కలిసి హోటల్‌కెళ్లిన మహిళ.. కట్‌చేస్తే.. గోడపై ఫొటోను చూసి ఒక్కసారిగా..

Representative Image

ఓ బ్రిటీష్ కుటుంబం వేసవి సెలవుల నిమిత్తం హాలిడే ఎంజాయ్ చేసేందుకు వేరే దేశం వెళ్లింది. అక్కడ వారు బస నిమిత్తం ఓ హోటల్‌లో దిగారు. ఇంతవరకు బాగానే ఉంది. అందరూ కలిసి దిగిన రోజు సాయంత్రం డిన్నర్ చేసేందుకు ఆ హోటల్‌లోని రెస్టారెంట్‌కి వెళ్లారు. అక్కడ గోడకున్న ఓ ఫోటో చూడగానే ఆ ఫ్యామిలీ దెబ్బకు షాక్ అయింది. ఇది నిజంగానే జరుగుతుందా.? అని ఆశ్చర్యపోయింది. ఇంతకీ అసలేం జరిగిందంటే..?

వివరాల్లోకెళ్తే.. జెన్నీ స్టీవెన్సన్ అనే మహిళ వాస్తవానికి బ్రిటన్‌లో నివాసముండేది. అయితే రెండేళ్ల క్రితం బ్రిటన్ నుంచి స్వీడన్‌కు కుటుంబంతో కలిసి మారింది. ఇక ఆమె తన కుటుంబంతో కలిసి వేసవి సెలవుల్లో మొదటి ‘స్కీ ట్రిప్’ ముగించుకుని తిరిగి ఇంటికి వస్తుండగా.. ఎయిర్‌బిఎన్‌బి అనే ఓ హోటల్‌లో బస చేశారు. ఆ హోటల్ రద్దీ ప్రాంతానికి దూరంగా ఉండటంతో.. అక్కడ పెద్దగా జనాల రాకపోకలు తక్కువ. ఇదిలా ఉండగా.. దిగిన రోజు సాయంత్రం సదరు మహిళ తన కుటుంబంతో కలిసి భోజనం చేసేందుకు హోటల్ రెస్టారెంట్‌కి వెళ్లింది. అక్కడ వారంతా డైనింగ్ టేబుల్‌పై కూర్చుండగా.. ఎదురుగా గోడకు వేలాడుతున్న ఓ పెయింటింగ్ చూసి ఆశ్చర్యపోయారు.

సదరు మహిళ నాలుగేళ్ల కూతురు మొదటిగా ఆ పెయింటింగ్ చూసి.. ‘అమ్మా.! చూడు, గోడపై బర్నీ చిత్రం ఉంది’ అని పేర్కొందట. ఆ తర్వాత జెన్నీ కూడా ఆ చిత్రాన్ని పరిశీలించి చూడగా.. అందులో ఉన్న అమ్మాయి ముఖం.. అచ్చం తన ఏడేళ్ల కొడుకు బర్నీ ముఖంతో పోలి ఉందని గుర్తించింది. అంతే.! ఆ పెయింటింగ్ చూడగానే జెన్నీ, ఆమె కుటుంబం ఒక్కసారిగా బిత్తరపోయింది. ఆ పెయింటింగ్ వెనుక కథేంటి అన్నది అక్కడున్న సిబ్బందిని అడిగి తెలుసుకుంది.

‘ఫ్లవర్స్ ఇన్ ది మెడో’ పేరుతో ఈ పెయింటింగ్‌ను స్వీడిష్ కళాకారుడు కార్ల్ లార్సన్ రూపొందించాడట. ఆ పెయింటింగ్‌లో ఒక అమ్మాయి పూలతో నిలబడి ఉంటుంది. ఇక ఆ అమ్మాయి ముఖం అచ్చం తన అబ్బాయి బర్నీ మాదిరిగా ఉండటంతోనే జెన్నీ ఆశ్చర్యాన్ని గురవుతుంది. కాగా, ఈ అరుదైన ఘటనకు సంబంధించిన విషయాలను జెన్నీ తన ఫాలోవర్స్‌తో సోషల్ మీడియా వేదికగా పంచుకుంది. దీనిపై నెటిజన్లు వరుసపెట్టి కామెంట్స్‌తో హోరెత్తించారు.

ఇది చదవండి: ఇలాంటి ఐడియాలు ఎలా వస్తాయి బ్రో.! కారు నెంబర్ ప్లేట్‌లో ఏముందో తెలిస్తే..

మరిన్ని వైరల్ వార్తల కోసం ఇక్కడ క్లిక్ చేయండి