సాధారణంగా ఎనిమిదేళ్ల పిల్లలు పోలీసులంటే భయపడుతుంటారు. వారు కనిపిస్తే చాలు ఆమడ దూరం పరిగెడతారు. కానీ ఓ చిన్నారి మాత్రం తన తల్లి పెట్టే చిత్రహింసలు తట్టుకోలేక పోలీస్ స్టేషన్ కు వెళ్లాడు. తల్లిపై కంప్లైంట్ చేసి..
Child Complaint Police
Follow us on
సాధారణంగా ఎనిమిదేళ్ల పిల్లలు పోలీసులంటే భయపడుతుంటారు. వారు కనిపిస్తే చాలు ఆమడ దూరం పరిగెడతారు. కానీ ఓ చిన్నారి మాత్రం తన తల్లి పెట్టే చిత్రహింసలు తట్టుకోలేక పోలీస్ స్టేషన్ కు వెళ్లాడు. తల్లిపై కంప్లైంట్ చేసి, చర్యలు తీసుకోవాలని ఏడుస్తూ చెప్పాడు. బాలుడి తీరుతో విస్తుపోయిన పోలీసులు అతనికి, తల్లికి నచ్చజెప్పారు. బీహార్‌లోని సీతామడి పోలీస్ స్టేషన్ కు ఎనిమిదేళ్ల బాలుడు ఏడుస్తూ వెళ్లాడు. అక్కడ ఉన్న పోలీసులకు తన తల్లిపై ఫిర్యాదు చేశాడు. తనకు అన్నం పెట్టట్లేదని కంప్లైంట్ ఇచ్చాడు. అన్నం అడిగితే పెట్టడం లేదని, దారుణంగా కొడుతోందని కన్నీటిపర్యంతమయ్యాడు. సమయానికి అన్నం పెట్టడం లేదని, ఒక్కోసారి తాను తింటుంటే ప్లేట్ లాక్కుంటుతందని చెప్పాడు. చిన్నారి ఇచ్చిన కంప్లైంట్ కు అక్కడి పోలీసులు షాక్ అయ్యారు. ఏడుస్తున్న బాలుడ్ని ఓదార్చి అన్నం పెట్టారు. తృప్తిగా తిన్నాక వివరాలు సేకరించారు. తాను నాలుగో తరగతి చదువుతున్నానని, నాన్న మరో చోట ఉంటాడని తాను తల్లి తో కలిసి ఉంటానని చెప్పాడు.వివరాల ఆధారంగా పోలీసులు బాలుడి ఇంటికి వెళ్లారు.
చిన్నారి తల్లితో మాట్లాడగా తాను అలాంటిదేమీ చేయడం లేదని, అల్లరి చేస్తుంటాడని అలాంటి పరిస్థితుల్లో కోపం పట్టలేక తిడుతుంటానని ఆమె చెప్పారు. చిన్నారిని మంచిగా చూసుకోవాలని, సమయానికి భోజనం పెట్టి స్కూల్ కు పంపించాలని తల్లిని మందలించారు. బాలుడు కంప్లైంట్ చేసిన దృశ్యాలు సోషల్ మీడియాలో వైరల్ అయ్యాయి. వీటిని చూసిన నెటిజన్లు భిన్నాభిప్రాయాలు వ్యక్తం చేస్తున్నారు.
