4,300 ఏళ్ల నాటి ప్రాచీన సమాధి అరుదైన నిధి లభ్యం..? పురావస్తు శాస్త్రవేత్తల విస్తుపోయే ఆవిష్కరణ!

చైనాలోని ఇన్నర్ మంగోలియా ప్రాంతంలో పురావస్తు శాస్త్రవేత్తలు ఒక అత్యంత అరుదైన, చారిత్రాత్మక ఆవిష్కరణను వెలికితీశారు. జైజితా స్టోన్ సిటీ పరిధిలో జరిపిన ఉత్ఖననాల్లో దాదాపు 4,300 ఏళ్ల క్రితం (క్రీ.పూ. 2300 నాటి) నాటి ఒక ప్రాచీన సమాధి బయటపడింది. ఈ సమాధిలో కనుగొన్న అరుదైన మట్టి బొమ్మలు, ఆభరణాలు పురావస్తు ప్రపంచాన్ని ఆశ్చర్యపరిచాయి.

డ్రాగన్, ఫీనిక్స్ జంట లభ్యం:

ఈ సమాధిలోని ప్రధాన విశేషం ఏమిటంటే, మట్టితో తయారు చేసిన డ్రాగన్, ఫీనిక్స్ శిల్పాలు లభించడం. ప్రాచీన చైనీస్ సంస్కృతిలో డ్రాగన్, ఫీనిక్స్ కలయికను అత్యంత పవిత్రంగా, శక్తివంతంగా భావిస్తారు. ఉత్తర చైనా ప్రాంతంలో ఇంతటి ప్రాచీన కాలానికి చెందిన ఈ రెండు జీవుల రూపాలు ఒకే చోట లభించడం ఇదే తొలిసారి అని పరిశోధకులు తెలిపారు.

సమాధిలో పూడ్చిపెట్టిన వ్యక్తికి కుడివైపున డ్రాగన్ బొమ్మను, ఎడమవైపున రెక్కలు చాచి ఎగురుతున్నట్లున్న ఫీనిక్స్ బొమ్మను ఉంచారు. ఆ కాలపు ఆచారాలు, ఆత్మల నమ్మకాలు, మరణానంతర జీవితంపై వారికీ ఉన్న విలక్షణమైన విశ్వాసాలకు ఈ శిల్పాల అమరిక నిదర్శనమని భావిస్తున్నారు.

ఇవి కూడా చదవండి

మిర్చి ఆకులను పారేస్తున్నారా? కంటి చూపు నుండి గుండె ఆరోగ్యం వరకు.

ఒంటికి చలువ చేసే గోండ్ కతీరా,అద్భుతమైన ఆరోగ్య ప్రయోజనాలు తెలిస్తే

వర్షాకాలంలో మీ దాబా ఫ్లోరింగ్‌ నాచు పట్టిందా? ఈ సింపుల్ ట్రిక్స్‌

మలైకా అరోరా సీక్రెట్ నైట్ స్కిన్‌కేర్ రొటీన్.. మెరిసే చర్మం కోసం

టర్కోయిస్ జేడ్, ఉన్నత హోదా:

సమాధిలో కేవలం శిల్పాలు మాత్రమే కాకుండా, మృతుడి మెడ భాగానికి కుడివైపున అత్యంత విలువైన టర్కోయిస్ రత్నాలతో చెక్కబడిన జేడ్ బి డిస్క్ కూడా లభించింది. ఆ కాలంలో ఇలాంటి ఖరీదైన జేడ్ వస్తువులు, సంక్లిష్టమైన ఆభరణాలు కేవలం సమాజంలోని అత్యున్నత అధికారులు లేదా నాయకులకు మాత్రమే దక్కేవి.

అంతేకాకుండా, మృతుడి పంటిపై జరిపిన విశ్లేషణల ప్రకారం, అతను ఆ రోజుల్లో అధిక నాణ్యత గల మాంసాహారంతో పాటు జొన్నలు ఎక్కువగా ఆహారంగా తీసుకునేవాడని తేలింది. ఈ ఆహారపు అలవాట్లు, లభించిన ఆభరణాలు ఆ వ్యక్తి యొక్క ఉన్నత సామాజిక హోదాను స్పష్టంగా సూచిస్తున్నాయి.

చరిత్రను తిరిగి రాస్తున్న ఆవిష్కరణ:

లాంగ్‌షాన్ సంస్కృతి కాలానికి చెందిన ఈ సమాధి, చైనా సంస్కృతిలో డ్రాగన్, ఫీనిక్స్‌లు సంకేతాలుగా ఎలా అభివృద్ధి చెందాయో తెలుసుకోవడానికి పురావస్తు శాస్త్రవేత్తలకు ఒక కీలకమైన ఆధారంగా మారింది. నాగరికత ప్రారంభ దశలోనే ఇలాంటి సంక్లిష్టమైన శిల్పకళ, క్రతువులు ఉండటం చైనా పురాతన చరిత్రపై కొత్త వెలుగులు నింపుతోంది.

మరిన్ని ట్రెండింగ్ న్యూస్ కోసం క్లిక్ చేయండి..