అగ్రస్థానంలో ఐడియా నెట్‌వర్క్.. చాలా రోజుల తర్వాత మొదటిస్థానం.. వెనకబడ్డ దేశీ టెలికాం సంస్థలు..

సర్వీసు ప్రొవైడర్ల వాయిస్ క్వాలిటీ విషయంలో ఐడియా అగ్రస్థానంలో నిలిచిందని టెలికాం రెగ్యులేటరీ అథారిటీ ఆఫ్ ఇండియా(ట్రాయ్) తెలిపింది. ఇటీవల విడుదల చేసిన తాజా సమాచారం ప్రకారం నవంబర్ నెలలో అత్యధిక కాల్ క్వాలిటీ యూజర్ రేటింగ్‌ ను వోడాఫోన్ ఐడియా పొందింది. దీంతో ఎయిర్‌టెల్, బిఎస్ఎన్ఎల్, రిలయన్స్ జియో నెట్ వర్క్ లను అధిగమించింది.

4.9 రేటింగ్‌తో అగ్రస్థానంలో దూసుకెళుతుంది. వొడాఫోన్ 4.6/5, బిఎస్‌ఎన్‌ఎల్ 4.1/5 రేటింగ్ తో తర్వాత స్థానంలో ఉన్నాయి. ఎయిర్‌టెల్ మరియు రిలయన్స్ జియో రెండూ 3.8/5 రేటింగ్‌తో వెనుకబడి ఉన్నాయి.ఇదిలా ఉంటే ఇండోర్, అవుట్ డోర్ కాల్ నాణ్యత పరంగా ఐడియా 4.9/5, 4.8/5 రేటింగును పొందింది. అలాగే ఇండోర్, అవుట్ డోర్ కాల్ నాణ్యత పరంగా వోడాఫోన్ 4.6/5, 4.3/5, ఎయిర్‌టెల్ 3.9, 3.5, బిఎస్‌ఎన్‌ఎల్ 3.9 మరియు 4.3, జియో 3.9, 3.6 రేటింగులు లభించాయి. అక్టోబర్ నెలలో కాల్ నాణ్యత పరంగా బిఎస్ఎన్ఎల్ 3.7 రేటింగ్ పొందింది. దీని తరువాత ఎయిర్‌టెల్ 3.5, ఐడియా 3.3, జియో 3.2, వోడాఫోన్ 3.1 రేటింగ్ ను పొందింది.