Hyderabad: హైదరాబాద్ మరో బెంగళూరు కానుందా..? ఐటీ కారిడార్‌లో ట్యాంకర్ల క్యూ వెనుక అసలు నిజం ఇదే

కోట్లు పెట్టి అపార్ట్‌మెంట్లు కొంటున్నారు. గుక్కెడు నీటి కోసం ఎదురుచూస్తున్నారు. బోర్లు ఎండిపోతున్నాయి. ట్యాంకర్లే దిక్కవుతున్నాయి. ఒకప్పుడు హైదరాబాద్‌లో ఇల్లు కొనాలంటే రోడ్డు ఉందా, స్కూలు ఉందా, ఐటీ కంపెనీ ఎంత దూరంలో ఉందని చూసేవారు. ఇప్పుడు మరో ప్రశ్న కూడా అడగాల్సిన పరిస్థితి వస్తోంది. ఆ అపార్ట్‌మెంట్‌కు నీళ్లు వస్తాయా. కోట్లు పెట్టి ఫ్లాట్ కొన్నా రోజూ గుక్కెడు నీటి కోసం ట్యాంకర్ వైపు చూడాల్సి వస్తే ఆ ఇంటి విలువ ఎంత. ఎత్తైన భవనాలు ఆకాశాన్ని తాకుతున్నాయి. విలాసవంతమైన గేటెడ్ కమ్యూనిటీలు పుట్టుకొస్తున్నాయి. కానీ వాటికి అవసరమైన నీటి వనరులు మాత్రం పెరగడం లేదు. ఒకవైపు బోర్లు ఎండిపోతున్నాయి. మరోవైపు ట్యాంకర్ల కోసం రోజుల తరబడి ఎదురుచూడాల్సి వస్తోంది. నిన్నటివరకు ఐటీ ఉద్యోగాలకు చిరునామాగా ఉన్న పశ్చిమ హైదరాబాద్. ఇప్పుడు నీటి కష్టాలకు కేంద్రంగా మారుతోందా. రేపు ఇదే పరిస్థితి నగరమంతా విస్తరిస్తే హైదరాబాద్ బతుకులు ఎలా ఉంటాయి. ఐటీ కారిడార్‌లో ట్యాంకర్ల క్యూ గచ్చిబౌలి, కొండాపూర్, మాదాపూర్, నల్లగండ్ల, నానక్‌రామ్‌గూడ, మణికొండ, తెల్లాపూర్, హైటెక్ సిటీ ప్రాంతాల్లో నీటి అవసరాలు భారీగా పెరుగుతున్నాయి. ముఖ్యంగా భారీ అపార్ట్‌మెంట్లు, గేటెడ్ కమ్యూనిటీలు, హాస్టళ్లు, పీజీలు ఎక్కువగా ఉండటంతో రోజువారీ వినియోగం పెరిగింది. కొన్ని గేటెడ్ కమ్యూనిటీల్లో రోజుకు లక్ష నుంచి లక్షన్నర లీటర్ల నీటిని ట్యాంకర్ల ద్వారా తెప్పించుకుంటున్న పరిస్థితి ఉంది. ట్యాంకర్ల కోసం ముందుగానే బుకింగ్ చేయాల్సి వస్తోంది. కొన్ని ప్రాంతాల్లో...