ఆ నలుగురికి ఇస్మార్ట్ సత్తి.. గ్రీన్ ఛాలెంజ్ సవాల్

గ్రీన్ ఛాలెంజ్.. ఇప్పుడు దేశ వ్యాప్తంగా మొదలైన ఉద్యమం. ముఖ్యంగా తెలుగు రాష్ట్రాల్లో సందడిగా సాగుతున్న ఛాలెంజ్ కార్యక్రమం. టీఆర్ఎస్ ఎంపీ జోగినపల్లి సంతోష్ విసిరిన ఈ ఛాలెంజ్.. రోజురోజుకూ రాష్ట్ర సరిహద్దులు దాటుతూ కొనసాగుతోంది. ఇందులో భాగంగా రామగుండం ఎమ్మెల్యే కోరుకంటి చందర్.. ఇస్మార్టు సత్తికి కూడా ఈ గ్రీన్ ఛాలెంజ్‌ను విసిరారు. దీంతో సత్తి రామగుండం ఎమ్మెల్యే సవాల్‌ను స్వీకరించి.. ఓ మొక్కను నాటారు. ఆ తర్వాత  మరో నలుగురికి ఈ గ్రీన్ ఛాలెంజ్‌ను విసిరారు. మంత్రి కేటీఆర్ తనయుడు హిమాన్ష్‌, ప్రముఖ హాస్యనటుడు బ్రహ్మానందం, నటుడు ప్రియదర్శి, బిగ్ బాస్ కంటెస్టెంట్ శివజ్యోతిలకు ఈ సవాల్ విసిరారు. తనలాగే మీరు కూడా మొక్కలు నాటలని కోరాడు. అయితే ఇస్మార్ట్ సత్తి సవాల్ స్వీకరించిన బ్రహ్మీ.. మొక్కను నాటారు.

కాగా, గ్రీన్ ఛాలెంజ్ ఉద్యమాన్ని ప్రారంభించిన ఎంపీ జోగినపల్లి సంతోష్ కుమార్‌కు ఇస్మార్ట్ సత్తి ధన్యవాదాలు తెలిపారు. అలాగే తన ఛాలెంజ్ స్వీకరించి.. మొక్క నాటిన బ్రహ్మానందంకు కూడా కృతజ్ఞతలు తెలిపారు.