WhatsApp Facebook Down India: అరగంట బ్రేక్‌ తర్వాత తిరిగి ప్రారంభమైన వాట్సాప్‌ సేవలు.. కారణమేంటో తెలియాల్సి ఉంది.
WhatsApp Facebook Down India: ప్రముఖ సోషల్‌ మీడియా సైట్లు వాట్సాప్‌, ఫేస్‌బుక్‌, ఇన్స్టాగ్రామ్ సేవలు నిలిచిపోయాయి. భారత్‌ సహా ప్రపంచంలోని పలు దేశాల్లో ఈ సోషల్‌ మీడియా సైట్ల సేవలకు బ్రేక్‌ పడింది. దీంతో యూజర్లు ఇబ్బందులు ఎదుర్కొంటున్నారు...
Whats App Down
WhatsApp Facebook Down India: ప్రముఖ సోషల్‌ మీడియా సైట్లు వాట్సాప్‌, ఫేస్‌బుక్‌, ఇన్స్టాగ్రామ్ సేవలు ఒక్కసారిగా నిలిచిపోయి యూజర్లను కాసింత ఆందోళనకు గురి చేసింది. భారత్‌ సహా పలు దేశాల్లో సుమారు 30 నిమిషాలపాటు నిలిచిపోయిన సేవలు మళ్లీ ప్రారంభమయ్యాయి.
మెసేజ్‌లు సెండ్‌ కాకపోవడం, ఇన్స్టాగ్రామ్, ఫేస్‌బుక్‌లో ఫీడ్‌ రీఫ్రెష్‌ కాకపోవడంతో యూజర్లు గందరగోళానికి గురయ్యారు. అయితే సుమారు అరగంట తర్వాత ఈ సోషల్‌ మీడియా సైట్‌ సేవలు మళ్లీ ప్రారంభమయ్యాయి. ఇదిలా ఉంటే.. వాట్సాప్‌, ఇన్‌స్టాగ్రామ్‌లు ఫేస్‌బుక్‌ మాతృ సంస్థకు చెందిన కంపెనీలనే విషయం తెలిసిందే. ఈ మూడు సర్వీసులు ఒకేసారి నిలిచిపోవడం గమనార్హం. ఇంతకీ ఈ మూడు సోషల్‌ మీడియా సేవలు ఒకేసారి ఎందుకు నిలిచిపోయాయన్నదానిపై క్లారిటీ రావాల్సి ఉంది.