అద్భుతమైన ఖగోళ విందు.. ఆగస్టులో ఆకాశాన్ని అలంకరించేందుకు 2 సూపర్‌మూన్‌లు..! అరుదైన బ్లూ మూన్‌తో సహా..

Sturgeon Moon August

ఈ నెలలో ఒకటి కాదు రెండు కాదు రెండు పౌర్ణమిలు కనిపించబోతున్నాయి. రెండూ సూపర్‌మూన్‌లే కావడంతో ఆగస్టు నెల స్కైవాచర్‌లకు ఆసక్తికరంగా మారనుంది. వీటిలో మొదటి పౌర్ణమి ఆగస్టు 1న కనిపిస్తుంది. దీనిని స్టర్జన్ మూన్ అని పిలుస్తారు. సూపర్ మూన్ కావడంతో ఈ చంద్రుడు సాధారణ పౌర్ణమి కంటే కొంచెం పెద్దగా, ప్రకాశవంతంగా కనిపిస్తాడు. ‘స్టర్జన్ మూన్’ అనే పేరుకు చారిత్రక ప్రాధాన్యత ఉంది. స్థానిక అమెరికన్లు, వలస అమెరికన్లు, యూరోపియన్లు పౌర్ణమిని గమనించినప్పుడు వాటికి నిర్దిష్ట పేర్లను కేటాయించారు.. చంద్రుని కక్ష్య సాధారణం కంటే భూమికి దగ్గరగా వచ్చినప్పుడు సూపర్‌మూన్ కనిపిస్తుంది. ఇది ఆకాశ వీక్షకులకు అద్భుతమైన దృశ్యం.

ఆగస్ట్ 1న 2:32 గంటలకు స్టర్జన్ చంద్రుడు గరిష్ట స్థాయికి చేరుకుంటాడు. సూర్యాస్తమయం తర్వాత ఇది ఆగ్నేయ హోరిజోన్ పైకి లేచినప్పుడు ఇది పూర్తిగా కనిపిస్తుంది. ‘సూపర్‌మూన్’ ట్యాగ్ సాధారణ పౌర్ణమి కంటే పెద్దదిగా, ప్రకాశవంతంగా ఆకాశంలో అద్భుతం ఆవిష్కృతమవుతంది. 2023 సంవత్సరం సూపర్‌మూన్ పరంగా చాలా ప్రత్యేకమైనది. ఇందులో అలాంటి నాలుగు సంఘటనలు జరుగుతాయి. ప్రత్యేకంగా ఆగస్ట్ 30 పౌర్ణమి బ్లూ మూన్ అవుతుంది. ఇది ఆగస్టు నెలలో వచ్చిన రెండవ పౌర్ణమి అవుతుంది.

ఈ సంవత్సరంలో జూలైలో కనిపించిన మొదటి సూపర్‌మూన్..
ప్రతి పౌర్ణమి పేరు దాని సాంస్కృతిక ప్రాముఖ్యతను కలిగి ఉంటుంది. వివిధ సంప్రదాయాలతో ముడిపడి ఉంటుంది. అంతకుముందు జూలై 3న ప్రపంచంలోని పలు ప్రాంతాల్లో సూపర్‌మూన్‌ కనిపించింది. ఇది సంవత్సరంలో మొదటి సూపర్‌మూన్. దీనిని ‘బక్ మూన్’ అని కూడా పిలుస్తారు. ఈ సమయంలో చంద్రుడు, భూమి మధ్య 361,934 కిమీ దూరంలో ఉంది. ఇది సాధారణం కంటే 22,466 కిమీ తక్కువ. సాధారణ పౌర్ణమితో పోలిస్తే, ఇది 5.8 శాతం పెద్దగా, 12.8 శాతం ప్రకాశవంతంగా కనిపించింది.

మరిన్ని ట్రెండింగ్ న్యూస్ కోసం క్లిక్ చేయండి..