ఈ వన్‌ప్లస్ స్మార్ట్‌ఫోన్‌ మీ దగ్గర ఉంటే ఛార్జింగ్ టెన్షన్‌కు గుడ్‌బై చెప్పేయచ్చని తెలుసా

ప్రీమియం స్మార్ట్‌ఫోన్ మార్కెట్లో OnePlusకు ప్రత్యేకమైన క్రేజ్ ఉంది. ఇప్పుడు OnePlus 16 పేరుతో రాబోతున్న కొత్త ఫ్లాగ్‌షిప్ మోడల్ టెక్ ప్రియుల్లో ఆసక్తిని పెంచుతోంది. లీకైన సమాచారం ప్రకారం భారీ బ్యాటరీతో పాటు కెమెరా, డిస్‌ప్లే, ప్రాసెసింగ్ విభాగాల్లోనూ ఈ ఫోన్ ఆకట్టుకునే స్పెసిఫికేషన్లతో వచ్చే అవకాశం కనిపిస్తోంది.

భారీ బ్యాటరీ..

OnePlus 16లో ప్రధాన ఆకర్షణగా 9000mAh భారీ బ్యాటరీ నిలవనుంది. సాధారణ ప్రీమియం స్మార్ట్‌ఫోన్లతో పోలిస్తే ఇది చాలా ఎక్కువ కెపాసిటీ. ఎక్కువ సమయం గేమింగ్, వీడియో స్ట్రీమింగ్, సోషల్ మీడియా వినియోగం చేసే వారికి ఈ బ్యాటరీ ఉపయోగకరంగా ఉండే అవకాశం ఉంది. బ్యాటరీ మేనేజ్‌మెంట్ కోసం తక్కువ వోల్టేజ్ డిశ్చార్జ్ చిప్‌ను కూడా ఉపయోగించనున్నట్టు సమాచారం.

డిస్‌ప్లే విషయానికి వస్తే 6.78-అంగుళాల BOE స్క్రీన్‌ను OnePlus 16లో అందించనున్నట్టు తెలుస్తోంది. ఇందులో ఏకంగా 185Hz రిఫ్రెష్ రేట్ ఉండొచ్చని లీకులు చెబుతున్నాయి. దీంతో స్క్రోలింగ్, గేమింగ్, వీడియో ప్లేబ్యాక్ సమయంలో మరింత స్మూత్ విజువల్ ఎక్స్‌పీరియన్స్ లభించే అవకాశం ఉంది.

కెమెరాలోనూ భారీ అప్‌గ్రేడ్..

పర్ఫార్మెన్స్ కోసం Qualcomm నుంచి వచ్చే Snapdragon 8 Elite Gen 6 Pro ప్రాసెసర్‌ను OnePlus 16లో ఉపయోగించనున్నట్టు అంచనాలు ఉన్నాయి. కెమెరా విభాగంలోనూ OnePlus భారీ మార్పులకు సిద్ధమైనట్టు తెలుస్తోంది. వెనుక భాగంలో 200MP మెయిన్ కెమెరాతో పాటు రెండు 50MP లెన్స్‌లు ఉండొచ్చని సమాచారం. సెల్ఫీలు, వీడియో కాల్స్ కోసం ముందు భాగంలో 50MP కెమెరాను అందించే అవకాశం ఉంది.

లాంచ్ విషయానికి వస్తే OnePlus 16 ముందుగా అక్టోబర్‌లో చైనా మార్కెట్లోకి వచ్చే అవకాశం ఉందని టెక్ వర్గాల్లో ప్రచారం జరుగుతోంది. ధర సుమారు 4,999 యువాన్లుగా ఉండొచ్చని అంచనాలు ఉన్నాయి. భారత మార్కెట్లోకి వచ్చినప్పుడు ధర దాదాపు రూ.71,000 వరకు ఉండే అవకాశం ఉందని తెలుస్తోంది. అయితే OnePlus 16 స్పెసిఫికేషన్లు, ధర, లాంచ్ తేదీపై OnePlus నుంచి అధికారిక ప్రకటన రావాల్సి ఉంది.