మరోసారి అందుబాటులోకి బోల్ట్ ఫోన్లు.. ఫీచర్లు చూసి హాట్ కేకుల్లా కొనేశారుగా
Boltt Ace 5G.. తక్కువ ధరలో 5G ఫోన్ కొనాలని చూస్తున్నవారికి Boltt బ్రాండ్ గుడ్ న్యూస్ చెప్పింది. తాజాగా విడుదలైన Boltt Ace 5G, Bolt Evo స్మార్ట్ఫోన్లు తొలి సేల్లోనే పూర్తిగా అమ్ముడయ్యాయి. దీంతో మరోసారి విక్రయానికి తేదీని ప్రకటించింది. సెప్టెంబర్ 15న మధ్యాహ్నం 12 గంటలకు Flipkartలో ఈ రెండు ఫోన్లు అందుబాటులోకి రానున్నాయి.
Updated on: Sep 16, 2026 | 6:10 AM
బడ్జెట్ ధరలో పెద్ద స్క్రీన్, భారీ బ్యాటరీ, 5G కనెక్టివిటీ కావాలనుకునేవారికి Boltt కొత్త ఫోన్లు ఆసక్తికరంగా మారాయి. తొలి సేల్లో మంచి స్పందన అందుకున్న Ace 5G, Evo మోడళ్లను మరోసారి విక్రయించేందుకు కంపెనీ సిద్ధమైంది. రూ.9,999 ప్రారంభ ధరతో లభించే Boltt Evoపై ఇప్పుడు కొనుగోలుదారుల దృష్టి పడింది.
రూ.9,999కే Boltt Evo!
Boltt Ace 5G ధర రూ.12,999గా ఉంది. Boltt Evo ప్రారంభ ధర రూ.9,999. సెప్టెంబర్ 15న మధ్యాహ్నం 12 గంటలకు Flipkartలో రెండూ మళ్లీ సేల్కు వస్తాయి. రెండు ఫోన్లలోనూ 6.79 అంగుళాల HD+ LCD టచ్స్క్రీన్ ఉంది. 120Hz రిఫ్రెష్ రేట్, 600 నిట్స్ గరిష్ట ప్రకాశం లభిస్తాయి. Ace 5Gలో Unisoc T8200 చిప్సెట్, 8GB వరకు RAM, 128GB స్టోరేజ్ ఉన్నాయి. Evoలో Unisoc T7250 ప్రాసెసర్, 6GB RAM, 128GB స్టోరేజ్ ఉన్నాయి. రెండు మోడళ్లలోనూ microSD కార్డ్ ద్వారా స్టోరేజ్ను 1TB వరకు పెంచుకోవచ్చు.
6000mAh బ్యాటరీ.. 64MP కెమెరా!
కెమెరాల విషయానికి వస్తే Boltt Ace 5Gలో 64MP ప్రధాన కెమెరాతో డ్యూయల్ కెమెరా సెటప్ ఉంది. Evoలో 50MP ప్రైమరీ కెమెరా, 2MP మాక్రో కెమెరా ఉన్నాయి. రెండు ఫోన్లలోనూ 8MP ఫ్రంట్ కెమెరా లభిస్తుంది. బ్యాటరీ విషయంలో రెండు మోడళ్లలోనూ 6000mAh సామర్థ్యం ఉంది. అయితే Ace 5Gలో మాత్రమే 18W ఫాస్ట్ ఛార్జింగ్ సపోర్ట్ అందించారు. Android 16పై పనిచేసే ఈ ఫోన్లలో 5G, 4G LTE, Wi-Fi, Bluetooth, USB Type-C వంటి కనెక్టివిటీ సదుపాయాలు ఉన్నాయి. తక్కువ ధరలో పెద్ద డిస్ప్లే, భారీ బ్యాటరీ, 5G సదుపాయం కోరుకునేవారికి ఈ రెండు మోడళ్లు ఆసక్తికరమైన ఎంపికలుగా నిలిచే అవకాశం ఉంది.
