ప్రీమియం లుక్, హెల్త్‌పై ఫోకస్​ మరిన్ని ఫీచర్లతో బోట్‌ కొత్త స్మార్ట్‌వాచ్​! ధర తెలిస్తే షాక్

తక్కువ ధరలో ప్రీమియం రూపం, పెద్ద తెర, ఆరోగ్య పర్యవేక్షణ సదుపాయాలు కావాలనుకునేవారికి boAt Chrome Endeavour ఆసక్తికరమైన ఎంపికగా నిలుస్తోంది. ముఖ్యంగా వ్యాయామం చేసేవారికి ఉపయోగపడే AI కోచ్‌తో పాటు గుండె వేగం, రక్తంలోని ఆక్సిజన్ స్థాయి, నిద్ర, ఒత్తిడి వంటి అంశాలను గమనించే సదుపాయాలు ఇందులో ఉన్నాయి.

ప్రీమియం డిజైన్​..

boAt Chrome Endeavour స్మార్ట్‌వాచ్‌కు ప్రీమియం మెటల్ బాడీని అందించారు. స్టీల్ బ్లాక్ స్ట్రాప్ కారణంగా చేతికి ఇది రిచ్, క్లాసీ లుక్‌ను ఇస్తుంది. రోజువారీ దుస్తులతో పాటు ఫార్మల్ వేర్‌పైనా సరిపోయేలా దీని రూపకల్పన ఉంది. ఇందులో 1.96-ఇంచుల AMOLED డిస్‌ప్లేను అందించారు. 4.97 సెం.మీ పరిమాణంలో ఉండే ఈ తెరపై అక్షరాలు, చిత్రాలు స్పష్టంగా కనిపించేలా రూపొందించారు. ఎండలో బయట ఉన్నప్పటికీ సమాచారాన్ని సులభంగా చూసే అవకాశం ఉంది. Always-On Display సదుపాయంతో పాటు క్లౌడ్ ఆధారిత వాచ్ ఫేస్‌లను మార్చుకునే అవకాశం కూడా ఉంది.

ఆరోగ్యంపై నిరంతర నిఘా!

ఫిట్‌నెస్‌పై ఆసక్తి ఉన్నవారిని దృష్టిలో పెట్టుకుని ఇందులో AI కోచ్ సదుపాయాన్ని అందించారు. వినియోగదారుల వ్యాయామ విధానాన్ని విశ్లేషించి తగిన సూచనలు ఇచ్చేలా ఇది పనిచేస్తుంది. గుండె వేగం, SpO2, నిద్ర, ఒత్తిడి స్థాయిలను పర్యవేక్షించే సెన్సర్లు కూడా ఉన్నాయి. స్టెప్ కౌంటర్, క్యాలరీ లెక్కింపు వంటి ఆరోగ్య సంబంధిత సదుపాయాలు లభిస్తాయి.

బ్లూటూత్ కాలింగ్ కోసం మైక్రోఫోన్, స్పీకర్‌ను ఇందులో పొందుపరిచారు. వాచ్ నుంచే నేరుగా మాట్లాడటంతో పాటు డయల్ ప్యాడ్, కాల్ హిస్టరీ వంటి సదుపాయాలు ఉన్నాయి. నీటి నిరోధకత ఉండటంతో వర్షం, చెమట వంటి వాటి నుంచి కూడా రక్షణ లభిస్తుంది. భారత మార్కెట్లో boAt Chrome Endeavour ధర రూ.4,299గా ఉంది. రూ.4,500లోపు బడ్జెట్‌లో AMOLED తెర, మెటల్ డిజైన్, AI కోచ్, ఆరోగ్య పర్యవేక్షణ, బ్లూటూత్ కాలింగ్ వంటి సదుపాయాలు కోరుకునేవారికి ఇది ఆసక్తికరమైన ఎంపికగా చెప్పవచ్చు.