Breaking News
  • ఢిల్లీ: భారత్ లో విజృంభిస్తున్న కరోనా వైరస్. ఒక లక్ష 82 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 182143. దేశ వ్యాప్తంగా యాక్టీవ్ కేసులు: 89995. కరోనా నుంచి డిశ్చార్జ్ అయిన బాధితులు: 86984. దేశం మొత్తం కరోనా తో మృతుల సంఖ్య : 5164. కేంద్ర ఆరోగ్య మంత్రిత్వ శాఖ.
  • ఆదిలాబాద్: తెలంగాణ పై మిడతల ప్రభావం లేదు. రైతులు అందోళన చెందాల్సిన అవసరం లేదు. మిడుతలు దిశను‌ మార్చుకున్నాయి. తెలంగాణలో మిడతల వచ్చాయనే ప్రచారం అబద్ధం. మిడుతల వల్ల తెలంగాణ కు ముప్పు లేదు. మిడతలు దాడి చేస్తే ఎదుర్కోవడానికి సర్వసన్నద్దంగా ఉన్నాం. రైతులు భయబ్రాంతులు గురయ్యేలా, నష్టపోయేల అసత్య వార్తలు రాయవద్దని కోరుతున్నాం. మహారాష్ట్ర లో ఉ‌న్న మిడతలు తెలంగాణ లో ఉన్నట్లుగా చూపుతున్నారు ఇది అబద్దం.. రైతులు నమ్మవద్దని కోరుతున్నాం. - రెహ్మన్, సునిత శాస్త్రవేత్తలు మిడుతల పై సర్కార్ నియమించిన హైపవర్ కమీటి సభ్యులు
  • చిత్తూరు జిల్లా : ఆంధ్ర తమిళనాడు సరిహద్దుల్లో మిడతల దండు. అయితే ఇవి మహారాష్ట్రనుంచి వచ్చిన మిడతల దండు కాదంటున్న అధికారులు. కుప్పం సరిహద్దులోని తమిళనాడు వేపనపల్లి లో ప్రత్యక్షమైన మిడతల దండు. రాత్రికి రాత్రే పంటలు నాశనం చేస్తున్న మిడతలు. పచ్చగా కనిపించిన ప్రతి చెట్టుని తినేస్తున్న మిడతలు. అరటి చెట్లను వదలని మిడతలు. రంగంలోకి దిగిన అధికారులు..మిడతల పై ఫెర్టిలైజర్స్ చల్లి తరిమి కొట్టే ప్రయత్నం.
  • విశాఖ: మావొయిస్ట్ ఈస్ట్ డివిజన్ కార్యదర్శి అరుణ పేరుతో లేఖ విడుదల. మావోయిస్టులపై పోలీసులు దుశ్ప్రచారం అపాలి. మన్యంలో మావోయిస్టులు కరోనా వ్యాపిస్తున్నారని పోలీసులు తప్పుడు ప్రచారం చేస్తున్నారు. కూంబింగ్ పేరుతో గిరిజన గూడేల్లో భయాందోళనలకు గురిచేస్తున్నారు. మన్యంలో ఈపీడీసీఎల్ అధికారులు అవినీతికి పాల్ఫడుతున్నారు. పెదబయలు ఏఈ సోమరాజు, పాడేరు ఏడీఈ భాస్కరరావు అవినీతిపై విచారణ జరపాలి. ఉద్యోగాలు పేరుతో తీసుకున్న లంచాలను తిరిగి వసూళ్ళు చేయాలి. లేఖలో పేర్కొన్న మావోయిస్టులు.
  • రుతుపవనాలు ఇంకా కేరళ తీరానికి తాకలేదు. దీని పై మేము క్రమం తప్పకుండా మానిటరింగ్ చేస్తున్నాం. జూన్ 1 నుండి పరిస్థితులు అనుకూలంగా ఉంటాయని అనుకుంటున్నాం. ఆగ్నేయ అరేబియా సముద్రం, లక్షద్వీప్ సమీపంలో ఈ రోజు అల్ప పీడనం ఏర్పడింది. జూన్ 2 కి తుఫానుగా మారుతుందని మేము అనుకుంటున్నాం. జూన్ 3 సాయంత్రం నాటికి గుజరాత్ ,ఉత్తర మహారాష్ట్ర తీరం వైపుకు చేరుకుంటుంది. మృత్యుంజయ్ మోహపాత్రా, ఢిల్లీ IMD.
  • జమ్మూ కాశ్మీర్‌లో సీనియర్ ఐఎఎస్ అధికారి కి కరోనా పాజిటివ్‌. ఆయనతో పాటు సమావేశానికి హాజరైన పలువురు అధికారులు,వైద్యులను హోమ్ క్వారంటైన్ లో వెళ్లాలని సూచన.
  • మొబైల్ సేవల కోసం 11 అంకెల నంబరింగ్ ప్లాన్‌ను ట్రాయ్ సిఫారసు చేసినట్లు కొన్ని మీడియా సంస్థల లో వార్తలు వచ్చాయి. TRAI సిఫారసు ప్రకారం,దేశం లో 10-అంకెల నెంబర్ కొనసాగుతుంది. మేము 11-అంకెల నంబరింగ్ ప్లాన్‌కు మార్చడాన్ని ఖండిస్తున్నాం. టెలికాం రెగ్యులేటరీ అథారిటీ ఆఫ్ ఇండియా.

అటు రాయపాటి..ఇటు జేసీ.. దేశం నేతలు ఉక్కిరిబిక్కిరి

cbi rta raids irk tdp leaders, అటు రాయపాటి..ఇటు జేసీ.. దేశం నేతలు ఉక్కిరిబిక్కిరి

ఒకపక్క రాయపాటి సాంబశివరావు.. మరోపక్క జేసీ దివాకర్ రెడ్డి.. సీబీఐ దాడులు ఒకవైపు.. ఆర్టీఏ సీజులు మరోవైపు.. ఇద్దరు టీడీపీ నేతలను ఉక్కిరి బిక్కిరి చేస్తున్నాయి. ట్రాన్స్‌ట్రాయ్ కంపెనీ నాది కాదు.. ఇప్పుడు నాకందులో ఏ బాధ్యతా లేదని మొత్తుకుంటున్నా సీబీఐ వినడం లేదు. ఆధారాలతో రాయపాటిని అతలాకుతలం చేస్తోంది. సోమ, మంగళవారం ఆకస్మిక దాడులతో రాయపాటిని, ఆయన కుటుంబీకులకు చెమటలు పట్టించింది సీబీఐ. మరోవైపు రెండు నెలల క్రితం సీజ్ అయిన బస్సులను ఎలాగోలా కోర్టు ఆదేశాలతో తిరిగి తెచ్చుకున్న జేసీ దివాకర్ రెడ్డికి ఏపీ ఆర్టీఏ అధికారులు మంగళవారం మరోసారి షాకిచ్చారు. జేసీ బ్రదర్స్‌కు చెందిన ఆరు బస్సులను మళ్ళీ సీజ్ చేశారు. దేశం నేతలే టార్గెటా? లేక వారి వ్యాపారాల్లోనే లొసుగులున్నాయా? ఈ చర్చ ఇప్పుడు తెలుగు రాష్ట్రాల్లో జోరందుకుంది.

బెంగళూరు, హైదరాబాద్, గుంటూరు నగరాల్లోని టీడీపీ నేత, మాజీ ఎంపీ రాయపాటి సాంబశివరావుకు చెందిన ఆఫీసులపై సీబీఐ ఏకకాలంలో దాడులు నిర్వహించింది. హైదరాబాద్‌ కావూరి హిల్స్‌లోని ట్రాన్స్‌ట్రాయ్ ఆఫీసుతోపాటు.. రాయపాటి కార్యాలయంలో తనిఖీలు ముందుగా ప్రారంభమయ్యాయి. ఆ తర్వాత గుంటూరు, బెంగళూరులోనూ తనిఖీలు కొనసాగాయి. యూనియన్ బ్యాంకు కన్సార్షియంతోపాటు ఇండియన్‌ బ్యాంక్‌ ఇచ్చిన ఫిర్యాదుతో అధికారులు దాడులు నిర్వహించారు. ఇండియన్‌ బ్యాంక్‌ నుంచి 300 కోట్ల రూపాయలు రుణం తీసుకున్నారు రాయపాటి సాంబశివరావు. ఈ విషయంలో రాయపాటి బ్యాంక్‌ను మోసం చేశారంటూ రాయపాటిపై గతంలోనే సీబీఐ కేసు నమోదు చేసింది.

cbi rta raids irk tdp leaders, అటు రాయపాటి..ఇటు జేసీ.. దేశం నేతలు ఉక్కిరిబిక్కిరి

రాయపాటి సాంబశివరావు ఫౌండర్ ప్రమోటర్ చైర్మెన్‌గా వ్యవహరించిన ట్రాన్స్‌ట్రాయ్ కంపెనీ యూనియన్ బ్యాంకు లీడ్ బ్యాంకుగా వున్న బ్యాంకుల కన్సార్షియం నుంచి 2013లో తీసుకున్న 264 కోట్ల రూపాయల రుణం, దాని తాలూకు వడ్డీ మొత్తానికి సంబంధించి హైదరాబాద్ సీబీఐలో ఫిర్యాదు దాఖలైంది. దీని విచారణకు ప్రస్తుతం సారథ్యం వహిస్తున్న చెరుకూరి శ్రీధర్ గానీ, అంతకు ముందు ఫౌండర్ ప్రమోటర్ ఛైర్మెన్‌గా వుండి ప్రస్తుతం డైరెక్టర్‌గా వ్యవహరిస్తున్న సాంబశివరావు గానీ సహకరించడం లేదని యూనియన్ బ్యాంకు సీబీఐకిచ్చిన ఫిర్యాదులో పేర్కొంది. దీనికి సంబంధించి హైదరాబాద్ కావూరి హిల్స్‌ కార్యాలయంతోపాటు బెంగళూరు, గుంటూరు నగరాల్లోని ట్రాన్స్‌ట్రాయ్ ఆఫీసులలో దాడులకు సీబీఐ అధికారులు శ్రీకారం చుట్టారు. గుంటూరులోని రాయపాటి నివాసంపైనా సీబీఐ అధికారులు దాడులు నిర్వహించారు. సేకరించిన సాధారణ సమాచారంతో ఎఫ్ఐఆర్ రూపొందించారు సీబీఐ అధికారులు.

FIR AGAINST RAYAPATI’S TRANSTROY

cbi rta raids irk tdp leaders, అటు రాయపాటి..ఇటు జేసీ.. దేశం నేతలు ఉక్కిరిబిక్కిరి cbi rta raids irk tdp leaders, అటు రాయపాటి..ఇటు జేసీ.. దేశం నేతలు ఉక్కిరిబిక్కిరి cbi rta raids irk tdp leaders, అటు రాయపాటి..ఇటు జేసీ.. దేశం నేతలు ఉక్కిరిబిక్కిరి
అయితే గుంటూరు ఆఫీసులో రాయపాటి చాంబర్‌లో వున్న లాకర్ అందరినీ ఉరుకులు పరుగులు పెట్టించింది. దాని తాళంచెవి తమ దగ్గర లేదని రాయపాటి కుమారుడు చెప్పడంతో అందులో ఏదో రహస్యముందని అందరూ భావించారు. దానికి సంబంధించి రాయపాటి కుమారుడిని ప్రశ్నించారు. వివరాలు చెప్పకపోవడంతోపాటు కీస్ హైదరాబాద్‌లో వున్నాయంటూ రాయపాటి కుమారుడు సమాధానమివ్వడంతో సీబీఐ అధికారులు మరింత పట్టుదలకు పోయారు. దాంతో హైదరాబాద్‌లో వున్న రాయపాటి సాంబశివరావు.. హుటాహుటిన తన వద్ద వున్న లాకర్ తాళం చెవులను గుంటూరుకు పంపించారు. దాంతో ఆ లాకర్‌ను కూడా సీబీఐ అధికారులు తెరిచారు. దాంతో ఉత్కంఠకు తెరపడింది.

లాకర్‌లో ఉన్న పలు పత్రాలను పరిశీలించిన సీబీఐ అధికారులు.. వాటికి సంబంధించిన వివరాలను కుటుంబీకుల నుంచి అడిగి తెలుసుకున్నట్లు సమాచారం. అవే పత్రాలకు సంబంధించి రాయపాటి సాంబశివరావును వేరుగా ప్రశ్నించి సమాచారం సేకరించారు అధికారులు. ఈ దర్యాప్తు కొనసాగుతుందని సిబిఐ అధికారులు తెలియజేశారు.

మరోవైపు అనంతపురం దిగ్గజ రాజకీయ వేత్త, మాజీ మంత్రి జేసీ దివాకర్ రెడ్డికి చెందిన ట్రావెల్స్‌పై ఏపీ ఆర్టీఏ అధికారులు దాడులు నిర్వహించారు. జేసీ ట్రావెల్స్‌కు చెందిన ఆరు బస్సులు సీజ్‌ చేశారు. నిబంధనలకు విరుద్ధంగా నడుస్తున్నాయని సీజ్‌ చేసినట్లు అధికారులు తెలిపారు. మరో ట్రావెల్స్‌కు చెందిన రెండు బస్సుల పత్రాలను అధికారులు పరిశీలిస్తున్నారు. నిజానికి దివాకర్ రెడ్డికి వరుసగా దెబ్బలు తగులుతూనే వున్నాయి.

 

cbi rta raids irk tdp leaders, అటు రాయపాటి..ఇటు జేసీ.. దేశం నేతలు ఉక్కిరిబిక్కిరి

రెండు నెలల క్రితం దాడులు నిర్వహించిన ఆర్టీఏ అధికారులు దివాకర్ ట్రావెల్స్‌కు చెందిన 26 బస్సులను సీజ్ చేశారు. దాంతో జేసీ బ్రదర్స్ కోర్టును ఆశ్రయించారు. కోర్టు ఆదేశాల మేరకు సీజ్ చేసిన బస్సుల్లో 18ని విడుదల చేశారు. తాజాగా కల్యాణదుర్గం, హిందూపురం, అనంతపురంలలో దివాకర్ ట్రావెల్స్‌పై ఆర్టీఏ అధికారులు దాడులు నిర్వహించారు. ఆరు బస్సులను సీజ్ చేసి, మరో రెండింటి పేపర్లను పరిశీలిస్తున్నారు.

Related Tags