RCB: ఆర్సీబీ డ్రెసింగ్ రూంలో వీడియో.. కోహ్లీ ఏం చెప్పాడంటే..
ఆదివారం జరిగిన మ్యాచ్లో ముంబైపై 54 పరుగుల తేడా విజయం సాధించటంతో రాయల్ ఛాలెంజర్స్ బెంగళూరు ఆటగాళ్లు ఆనందం వ్యక్తం చేశారు...
ఆదివారం జరిగిన మ్యాచ్లో ముంబైపై 54 పరుగుల తేడా విజయం సాధించటంతో రాయల్ ఛాలెంజర్స్ బెంగళూరు ఆటగాళ్లు ఆనందం వ్యక్తం చేశారు. జట్టు సభ్యులు డ్రెసింగ్ రూంలో సంబురాలు చేసుకున్నారు. ఈ వీడియోను సోషల్ మీడియాలో పోస్ట్ చేశారు. ఈ వీడియో సోషల్ మీడియాలో వైరల్గా మారింది. డివిలియర్స్ కోహ్లీని అనుకరిస్తూ చేసిన యాక్టింగ్ అందరిని ఆకర్షించింది. అనంతరం జట్టు సభ్యుల ఆటపై కెప్టెన్ కోహ్లీ మాట్లాడారు. గ్లెన్ మాక్స్వెల్ బాగా ఆడారని.. హర్షల్ పటేల్ హ్యాట్రిక్తో అదరగొట్టారని చెప్పాడు. చాహల్, మాక్స్వెల్ క్రమం తప్పకుండా వికెట్లు తీశారన్నారు. ఈ విజయంతో బెంగళూరు గాడిలో పడిందని… మొత్తం 10 మ్యాచ్ల్లో ఆరింటిలో విజయం సాధించి పాయింట్ల పట్టికలో మూడో స్థానంలో ఉందన్నారు. ఆర్సీబీ ఫ్లే ఆఫ్కు వెళ్లాలంటే మరో రెండు మ్యాచ్ల్లో విజయం సాధించాల్సి ఉంటుందని కోహ్లీ చెప్పాడు.
ముంబైపై విజయం సాధించడానికి భరత్, మాక్స్వెల్ బ్యాటింగే కారణమని చెప్పుకొచ్చారు. భరత్ బ్యాటింగ్ చేసిన విధానం నచ్చిందన్నారు. మ్యాక్సీ చాలా చక్కగా బౌలర్లను ఎదుర్కొని బౌండరీలు కొట్టారని చెప్పారు. మేం మైదానంలో చేయాలనుకున్నది చేశామని చెప్పారు. రాయల్ ఛాలెంజర్స్ బెంగళూరు బుధవారం రాజస్తాన్ రాయల్స్తో తలపడనుంది. ఐపీఎల్ రెండో దశలో మూడు మ్యాచులు ఆడిన బెంగళూరు రెండింటిలో ఓడిపోయి.. ఒక మ్యాచ్లో గెలిచింది. ఈ మూడు మ్యాచుల్లో ఏబీ డివిలియర్స్ అంతగా రాణించలేదు. అతడి ఆటపై అభిమానులు భారీ అంచనాలు పెట్టుకున్నారు.
Read also: AB de Villiers: తండ్రి ఔటవడంతో కుర్చీని తన్నేసిన డివిలియర్స్ కొడుకు.. వైరల్గా మారిన వీడియో..
