Rafael Nadal: కెరీర్‌కు ఓటమితో కన్నీటి వీడ్కోలు పలికిన టెన్నిస్ రారాజు.. ఏమన్నాడంటే?

Rafael Nadal

Davis Cup 2024: టెన్నిస్ కోర్టులో తిరుగులేని రారాజుగా పేరు తెచ్చుకున్న రఫెల్ నాదల్ తన కెరీర్‌కు గుడ్ బై చెప్పాడు. మంగళవారం డేవిడ్ కప్ క్వార్టర్ ఫైనల్స్‌లో స్పెయిన్ ఓడిపోయింది. దీంతో నాదల్ కెరీర్ కూడా ముగిసింది. ఫైనల్ మ్యాచ్‌లో స్పెయిన్ దిగ్గజం నెదర్లాండ్స్‌కు చెందిన బోటిక్ వాన్ డి జాండ్‌స్చుల్ప్‌తో తలపడి 6-4, 6-4 తేడాతో ఓడిపోయాడు.

ఈ ఓటమితో రఫెల్ నాదల్ తన 20 ఏళ్ల రంగుల టెన్నిస్ కెరీర్‌ను ముగించాడు. ఈ ఇరవై ఏళ్లలో రాఫెల్ నాదల్ సాధించిన విజయాల జాబితా కింది విధంగా ఉంది..

1080 సింగిల్స్ విజయం

92 సింగిల్స్ అవార్డులు

63 సింగిల్స్ అవార్డులు (క్లే కోర్ట్)

36 మాస్టర్స్ అవార్డులు (1000 30సె)

30 గ్రాండ్ స్లామ్ ఫైనల్స్

22 గ్రాండ్ స్లామ్ టైటిల్స్

14 రోలాండ్ గారోస్ టైటిల్స్

2 ఒలింపిక్స్ బంగారు పతకాలు

ది కింగ్ ఆఫ్ క్లే..

రాఫెల్ నాదల్‌ను క్లే కోర్టు రాజుగా పిలుస్తారు. ఇందుకు నిదర్శనంగా క్లే కోర్టులో 63 సింగిల్స్ టైటిల్స్ సాధించాడు. ముఖ్యంగా ఫ్రెంచ్ ఓపెన్ క్లే కోర్టులో 14 సార్లు గ్రాండ్ స్లామ్ టైటిల్ నెగ్గి చరిత్ర సృష్టించాడు.

అలాగే, నొవాక్ జకోవిచ్ (24) తర్వాత అత్యధిక గ్రాండ్‌స్లామ్ ప్లేయర్‌గా కూడా రాఫెల్ నాదల్ రికార్డు సృష్టించాడు. స్పెయిన్ క్రీడాకారుడు తన కెరీర్‌లో రికార్డు స్థాయిలో 22 గ్రాండ్‌స్లామ్‌లు సాధించాడు. అదనంగా, అతను US ఓపెన్ 4 సార్లు, వింబుల్డన్ 2 సార్లు, ఆస్ట్రేలియన్ ఓపెన్ 2 సార్లు గెలిచాడు. ఇప్పుడు తన కెరీర్‌లో చివరి టోర్నీలో ఓడిపోయిన రఫెల్ నాదల్ కన్నీళ్లతో వీడ్కోలు పలికాడు.

మరిన్ని క్రీడా వార్తల కోసం ఇక్కడ క్లిక్ చేయండి..