Asia Cup: ఫ్యాన్స్‌కు గుడ్‌న్యూస్.. ఆసియా కప్‌ షెడ్యూల్ వచ్చేసింది.. భారత్-పాక్ మ్యాచ్ ఎప్పుడంటే?

Asia Cup 2026 Schedule

Under 19 Asia Cup 2026: యువ క్రికెట్‌లో మరోసారి భారత్-పాకిస్థాన్ సమరం మోగనుంది. U19 ఆసియా కప్ 2026 షెడ్యూల్ వచ్చేసింది. నవంబర్ 8న ఒమన్ వేదికగా రెండు జట్లు తలపడనున్నాయి. గతేడాది ఫైనల్ జ్ఞాపకాలు ఇంకా తాజాగానే ఉండటంతో ఈ మ్యాచ్‌పై భారీ ఆసక్తి నెలకొంది. ఆసియా క్రికెట్ కౌన్సిల్ (ACC) 2026 పురుషుల అండర్-19 ఆసియా కప్ పూర్తి షెడ్యూల్‌ను ప్రకటించింది. ఈసారి టోర్నీకి ఒమన్ ఆతిథ్యమిస్తోంది. నవంబర్ 5 నుంచి నవంబర్ 14 వరకు మొత్తం తొమ్మిది రోజుల పాటు పోటీలు జరగనున్నాయి. టోర్నీలో మొత్తం 8 జట్లు పాల్గొంటాయి. వీటిని రెండు గ్రూపులుగా విభజించారు. ప్రతి గ్రూప్‌లో నాలుగు జట్లు ఉంటాయి.

గ్రూప్ A

భారత్ U19

పాకిస్థాన్ U19

యూఏఈ U19

నేపాల్ U19

గ్రూప్ B

శ్రీలంక U19

బంగ్లాదేశ్ U19

అఫ్గానిస్థాన్ U19

మలేషియా U19

ప్రతి గ్రూప్‌లో టాప్-2లో నిలిచిన జట్లు సెమీఫైనల్‌కు అర్హత సాధిస్తాయి. లీగ్ దశలో మొత్తం 12 మ్యాచ్‌లు జరుగుతాయి. సెమీఫైనల్స్ నవంబర్ 12న, ఫైనల్ నవంబర్ 14న జరగనుంది.

ఎక్కువమంది చదివినది: IND vs WI: రాంచీలో శ్రేయస్ సేన సరికొత్త చరిత్రకు సిద్ధం..? ఇప్పటి వరకు ఎవరూ సాధించని రికార్డ్‌పై కన్ను!

నవంబర్ 8.. భారత్ vs పాకిస్థాన్..!

టోర్నీలో అందరి దృష్టిని ఆకర్షిస్తున్న మ్యాచ్ ఇదే. భారత్ U19 vs పాకిస్థాన్ U19 పోరు నవంబర్ 8న జరగనుంది. ఒమన్‌లోని ఓసీఏ గ్రౌండ్ 1 ఈ హై-వోల్టేజ్ మ్యాచ్‌కు వేదిక కానుంది. మ్యాచ్ భారత కాలమానం ప్రకారం ఉదయం 10:30 గంటలకు ప్రారంభమవుతుంది.

గతేడాది U19 ఆసియా కప్ ఫైనల్‌లో కూడా భారత్-పాకిస్థాన్ తలపడ్డాయి. 2025 డిసెంబర్‌లో దుబాయ్‌లో జరిగిన ఆ టైటిల్ పోరులో పాకిస్థాన్ U19 ఏకంగా 191 పరుగుల తేడాతో విజయం సాధించింది. ఫర్హాన్ యూసఫ్ నేతృత్వంలోని పాకిస్థాన్ జట్టు టైటిల్ గెలుచుకుని, రెండోసారి అండర్-19 ఆసియా కప్‌ను సొంతం చేసుకుంది. ఈ నేపథ్యంలో 2026 టోర్నీలో భారత్-పాక్ మ్యాచ్‌కు మరింత ప్రాధాన్యం ఏర్పడింది.

పూర్తి షెడ్యూల్ ఇదే..

50 ఓవర్ల ఫార్మాట్‌లో టోర్నీ..

U19 ఆసియా కప్ 2026 మొత్తం 50 ఓవర్ల ఫార్మాట్‌లోనే జరగనుంది. గతేడాది UAEలో నిర్వహించిన టోర్నీ కూడా ఇదే విధానంలో జరిగింది. ప్రతి మ్యాచ్ భారత కాలమానం ప్రకారం ఉదయం 10:30 గంటలకు ప్రారంభమవుతుంది. ఫైనల్ మినహా మిగిలిన మ్యాచ్ రోజుల్లో డబుల్-హెడర్‌లు ఉంటాయి.

ఎక్కువమంది చదివినది: IND vs WI 2nd T20I: 2వ టీ20 నుంచి అతన్ని పీకేయాల్సిందే.. ఆ టీమిండియా డేంజరస్ ప్లేయర్ ఎంట్రీ?

గతేడాది ఓటమికి భారత్ బదులు తీర్చుకుంటుందా?

2025 U19 ఆసియా కప్ ఫైనల్‌లో పాకిస్థాన్ చేతిలో భారత్ ఓటమి ఎదుర్కొంది. ఈసారి గ్రూప్ దశలోనే మరోసారి రెండు జట్లు ఎదురుపడుతున్నాయి. ఫలితంగా నవంబర్ 8 మ్యాచ్ సాధారణ లీగ్ గేమ్ కంటే ఎక్కువ ఉత్కంఠను పంచే అవకాశం ఉంది.

అయితే రెండు జట్లకూ ముందుగా గ్రూప్ దశలోని ఇతర మ్యాచ్‌లు కీలకమే. భారత్ నవంబర్ 6న నేపాల్‌తో తొలి మ్యాచ్ ఆడుతుంది. ఆ తర్వాత నవంబర్ 8న పాకిస్థాన్‌తో, నవంబర్ 10న UAEతో తలపడుతుంది.