ICC Awards: ఇంగ్లండ్ బ్యాండ్ వాయించాడు.. కట్‌చేస్తే.. తొలిసారి ఐసీసీ నుంచి స్పెషల్ అవార్డ్ అందుకున్నాడు..
Yashasvi Jaiswal ICC Player of the Month Award: ఇటీవల ఇంగ్లండ్‌తో జరిగిన టెస్ట్ సిరీస్‌లో పేలుడు ప్రదర్శన చేసినందుకు భారత క్రికెట్ జట్టు ఓపెనింగ్ బ్యాట్స్‌మెన్ యశస్వి జైస్వాల్‌కు బహుమతి లభించింది. అతను ఫిబ్రవరి నెలలో ICC ప్లేయర్ ఆఫ్ ది మంత్‌గా ఎంపికయ్యాడు.
Yashasvi Jaiswal ICC Player of the Month Award: ఇంగ్లండ్‌తో ఇటీవల ముగిసిన ఐదు మ్యాచ్‌ల టెస్టు సిరీస్‌లో అద్భుత బ్యాటింగ్‌కు గాను యశస్వి జైస్వాల్‌కు ఐసీసీ నుంచి భారీ బహుమతి లభించింది. ఐసీసీ ప్లేయర్ ఆఫ్ ద మంత్‌గా యశస్వి తొలిసారి ఎంపికయ్యాడు. ఫిబ్రవరి నెలలో ఈ అవార్డుతో ఐసీసీ సత్కరించింది. న్యూజిలాండ్‌ మాజీ కెప్టెన్‌ కేన్‌ విలియమ్సన్‌, శ్రీలంక ఆటగాడు పాతుమ్‌ నిస్సాంక కూడా యశస్వి అవార్డు రేసులో ఉన్నారు. ఈ ఇద్దరు ఆటగాళ్లను వదిలిపెట్టిన యశస్వి.. ఈ అవార్డును సాధించాడు.
యశస్వి తన అంతర్జాతీయ కెరీర్‌ను ప్రారంభించిన విధంగా చాలా తక్కువ మంది బ్యాట్స్‌మెన్ మాత్రమే చేయగలరు. ఈరోజు అతను టెస్టుల్లో అత్యుత్తమ ఓపెనర్‌గా పేరుగాంచాడు. ప్రపంచ టెస్ట్ ఛాంపియన్‌షిప్ ప్రస్తుత సైకిల్‌లో అతను టాప్ స్కోరర్ ఉన్నాడంటేనే, ఎలాంటి బ్యాటింగ్ చేశాడో అర్థం చేసుకోవచ్చు. ఇప్పటి వరకు 9 టెస్టుల్లో 16 ఇన్నింగ్స్‌ల్లో 68 సగటుతో 1028 పరుగులు చేశాడు. ఇందులో మూడు సెంచరీలు, 4 హాఫ్ సెంచరీలు సాధించాడు.
Presenting the ICC Player of the Month for February 🙌
Congratulations, Yashasvi Jaiswal 👏👏
🗣️🗣️ Hear from the #TeamIndia batter on receiving the award@ybj_19 pic.twitter.com/tl1tJepdFJ
— BCCI (@BCCI) March 12, 2024
ఇంగ్లండ్‌తో జరిగిన 5 టెస్టుల సిరీస్‌లో యశస్వి వరుసగా రెండు డబుల్ సెంచరీలు సాధించాడు. మొత్తం సిరీస్‌లో యశస్వి 712 పరుగులు చేశాడు. తన బ్యాట్‌తో రెండు డబుల్ సెంచరీలు సాధించాడు. ఈ సిరీస్‌లో 68 ఫోర్లు, 26 సిక్సర్లు బాదాడు. జైస్వాల్ ఇంగ్లండ్‌పై గొప్ప ఫామ్‌లో కనిపించాడు. వైజాగ్‌లో జరిగిన రెండో టెస్టు తొలి ఇన్నింగ్స్‌లో 219 పరుగులు చేసి, ఆపై రాజ్‌కోట్‌లో జరిగిన తర్వాతి టెస్టులో రెండో ఇన్నింగ్స్‌లో డబుల్ సెంచరీ సాధించి భారత్ సిరీస్‌లో ఆధిక్యాన్ని సంపాదించడంలో కీలక పాత్ర పోషించాడు.
Congratulations to @ybj_19 on being named ICC Men’s Player of the Month for February 2024! His outstanding performance of 712 runs against England in the recent Test series with 2 hundreds and three fifties, speaks volumes. Keep shining, Yashasvi! 🇮🇳 @ICC || @BCCI pic.twitter.com/dUojehnvPF
— Jay Shah (@JayShah) March 12, 2024
ఈ రెండు డబుల్ సెంచరీల సహాయంతో హైదరాబాద్‌లో జరిగిన తొలి టెస్టులో ఓడిన తర్వాత ఇంగ్లండ్‌తో జరిగిన టెస్టు సిరీస్‌లో భారత్ పునరాగమనం చేసి వరుసగా 4 మ్యాచ్‌లు గెలిచి 4-1తో సిరీస్‌ని కైవసం చేసుకుంది. రాజ్‌కోట్ టెస్టులో, అతను 12 సిక్సర్లతో ఒక ఇన్నింగ్స్‌లో అత్యధిక సిక్సర్ల రికార్డును కూడా సమం చేయడం తెలిసిందే.
22 ఏళ్ల 49 రోజుల వయసులో వరుసగా డబుల్ సెంచరీలు బాది, సర్ డొనాల్డ్ బ్రాడ్‌మాన్, వినోద్ కాంబ్లీ తర్వాత టెస్టుల్లో 2 డబుల్ సెంచరీలు సాధించిన ప్రపంచంలోనే మూడో అతి పిన్న వయస్కుడిగా నిలిచాడు. ఫిబ్రవరిలో ఆడిన మూడు టెస్టుల్లో 20 సిక్సర్లతో సహా యశస్వి 112 సగటుతో 560 పరుగులు చేశాడు.
మరిన్ని క్రీడా వార్తల కోసం ఇక్కడ క్లిక్ చేయండి..
