Ruturaj Gaikwad: ఐపీఎల్ 2025 కి ముందే RCB ని గెలికిన గైక్వాడ్! ఆవేశంలో ఫ్యాన్స్..

Ruturaj Gaikwad

చెన్నై సూపర్ కింగ్స్ (సీఎస్‌కే) కెప్టెన్ రుతురాజ్ గైక్వాడ్, బెంగళూరులో జరిగిన ఒక ఈవెంట్ సందర్భంగా రాయల్ ఛాలెంజర్స్ బెంగళూరు (ఆర్సీబీ) పై చేసిన సరదా వ్యాఖ్యతో నెట్టింట తీవ్ర చర్చకు దారితీశారు. ఇన్ఫోసిస్ నిర్వహించిన బెంగళూరులోని INFYusion ఈవెంట్‌లో గైక్వాడ్ పాల్గొన్నారు. కార్యక్రమాన్ని ప్రారంభించమని అడిగినప్పుడు, ఆయనకు అందించిన మైక్ పనిచేయకపోవడం ఒక చిన్న అసౌకర్యానికి దారితీసింది. దీనికి స్పందనగా గైక్వాడ్, “ఇది ఆర్సీబీ అభిమాని పనా” అని చమత్కరించారు. ఈ కామెంట్స్ అక్కడి ఆడియన్స్ నుంచి సంబరాలు, వ్యతిరేకతలు రెండూ సమానంగా వచ్చాయి.

గైక్వాడ్‌ చమత్కారం సీఎస్‌కే అభిమానులను ఆకట్టుకోగా, ఆర్సీబీ అభిమానులకు అసహనం కలిగించింది. సీఎస్‌కే, ఆర్సీబీ మధ్య చారిత్రక ప్రత్యర్థిత్వం ఉందని అందరికీ తెలుసు. ఈ రెండు జట్ల మధ్య జరిగిన మ్యాచ్‌లు ఎప్పుడూ హై వోల్టేజ్ డ్రామాతో నిండిపోయి ఉంటాయి. ఈ ఏడాది, ఆర్సీబీ, సీఎస్‌కేను ప్లేఆఫ్ అవకాశాల నుంచి దూరం చేయడంతో, సోషల్ మీడియాలో ఇరుజట్ల అభిమానుల మధ్య తీవ్ర విమర్శలు చోటుచేసుకున్నాయి. ఈ సంఘటనలో కూడా ఆ ఇర్ష్య గమనించవచ్చు.

ఇది గైక్వాడ్ చేసిన మొదటి వ్యాఖ్య మాత్రమే కాదు. తన కెప్టెన్సీ ప్రారంభ మ్యాచ్‌ను గుర్తుచేసుకుంటూ గైక్వాడ్, ఆ మ్యాచ్ కూడా ఆర్సీబీపై జరిగి, తన జట్టు విజయం సాధించిన విషయాన్ని చెప్పారు. “నా మొదటి కెప్టెన్సీ మ్యాచ్ ఆర్సీబీతో జరిగింది. ఆ మ్యాచ్‌లో మేము గెలిచాం. ఇది నాకు గుర్తుండిపోయే క్షణం. అలాగే, ఎంఎస్ ధోనిని కెప్టెన్‌గా మారుస్తూ ఆ జట్టుకు నాయకత్వం వహించటం ఒక గొప్ప అనుభవం,” అని గైక్వాడ్ అన్నారు.

గైక్వాడ్‌కు సీఎస్‌కే కెప్టెన్సీ బాధ్యతలు ఈ ఐపీఎల్ 2024 సీజన్ ప్రారంభానికి కొద్ది రోజుల ముందే అప్పగించబడ్డాయి. ఎంఎస్ ధోనీ నాయకత్వం నుంచి గైక్వాడ్‌కి పగ్గాలు చేరాయి. ఐపీఎల్‌లో గైక్వాడ్ అద్భుతమైన ప్రదర్శన చేశాడు – 2021లో 635 పరుగులు, 2023లో 590 పరుగులు, 2024లో 583 పరుగులు సాధించాడు. అయితే, పూర్తి స్థాయి కెప్టెన్‌గా మొదటి సీజన్ గైక్వాడ్ ఆశించిన విధంగా లేకుండా, సీఎస్‌కే ప్లేఆఫ్స్‌కి చేరుకోలేకపోయింది.