MS Dhoni: ఉప్పొంగిన అభిమానం.. ధోనీ కోసం సైక్లింగ్ చేస్తూనే 2400 కిలోమీటర్లు.. ఎవరో తెలిస్తే ఆశ్చర్యపోవాల్సిందే..

MS Dhoni

MS Dhoni: టీమిండియా మాజీ కెప్టెన్, చెన్నై సూపర్ కింగ్స్ సారధి మహేంద్ర సింగ్ ధోనీకి ఫ్యాన్ ఫాలోయింగ్ గురించి ప్రత్యేకించి చెప్పుకోవనక్కర్లేదు. ఇక కొన్ని సందర్భాలలో ధోనిపై అభిమానులు చూపించే అభిమానం ఎంతటివారినైనా అబ్బురపరుస్తుంది.  ఈ క్రమంలోనే తాజాగా ఓ అభిమాని ధోని కోసం ఏకంగా 2400 కీ.మీ దూరం సైక్లింగ్ చేసుకుంటూ.. ఢిల్లీ నుంచి చెన్నైకి పయనమయ్యాడు. ఢిల్లీ యూనివర్సిటీలో ఫాకల్టీగా చేస్తున్న గౌరవ తనేజాకు ధోనీ అంటే అమితమైన ప్రేమ ఇష్టం. ఓ వైపు బాడీ బిల్డర్‌గా, న్యూట్రీషన్‌గా, యూట్యూబర్‌గా రాణిస్తూనే ధోనిపై తన అభిమానాన్ని చూపిస్తుంటాడు తనేజా. ఇక తాజాగా ఐపీఎల్ 16వ సీజన్ జరుగుతున్న నేపథ్యంలో ‘దేశ్ కా ధోని’ అనే క్యాంపెయిన్‌తో.. చెన్నైలో ధోనిని కలుసుకునేందుకు ఢిల్లీ నుంచి సైక్లింగ్ చేసుకుంటూ బయలుదేరాడు. అలా 2400 కి.మీ దూరం చేరుకున్న క్రమంలో తన ట్విట్టర్ ఖాతా ద్వారా అభిమానులకు తెలియజేశాడు.

అయితే ఇది తెలిసిన తర్వాత ధోని అభిమానులతో పాటు క్రికెట్ అభిమానులంతా ఆశ్చర్యపోతున్నారు. ఓ యూనివర్సీటిలో ఫాకల్టీగా ఉన్న వ్యక్తి కూడా ధోనిపై ఇంతలా అభిమానం చూపించడం నిజంగా అద్భుతమని, ధోనిని కలిసేందుకు ఢిల్లీ నుంచి రావచ్చు కానీ సైక్లింగ్ చేసుకుంటూ వచ్చేంత అభిమానం అంటే చాలా గ్రేట్ అంటూ తనేజా అభిమానాన్ని మెచ్చుకుంటున్నారు. ధోని కోసం మరి ఇంతలా ఎలా చేయగలుగుతున్నారో నాకు అర్థం కావడంలేదు, ఎవరైనా నాకు కొంచెం చెప్పండంటూ మరో నెటిజన్ రాసుకొచ్చారు.

కాగా, చెన్నై కెప్టెన్ ఎంఎస్ ధోనికి ఇదే చివరి సీజన్ అనే ప్రచారం కూడా సాగుతోంది. ఈ క్రమంలోనే గౌరవ్ తనేజా చివరిసారిగా అయినా ధోనిని చెపాక్ మైదానంలో చూసేందుకు ఆరాటపడుతున్నారని పలువురు  అభిప్రాయపడుతున్నారు.

మరిన్ని క్రికెట్ వార్తల కోసం క్లిక్ చేయండి..