KKR IPL Final Records and Stats: IPL 2024 ఫైనల్ మ్యాచ్ ఆదివారం, మే 26, చెన్నైలోని చెపాక్ మైదానంలో జరగనుంది. ఈ మ్యాచ్కు అన్ని ఏర్పాట్లు దాదాపు పూర్తయ్యాయి. కోల్ కతా నైట్ రైడర్స్, సన్ రైజర్స్ హైదరాబాద్ ఆటగాళ్లు కఠోర సాధన చేసి టైటిల్ పోరుకు కూడా సిద్ధమయ్యారు. ఐపీఎల్ చరిత్రలో సన్రైజర్స్ హైదరాబాద్ మూడో ఫైనల్ ఆడనుండగా, కేకేఆర్ నాలుగోసారి కూడా టైటిల్ మ్యాచ్లో కనిపించనుంది. KKR ఇప్పటి వరకు 3 సార్లు IPL ఫైనల్స్లో పాల్గొంది. అందులో ఓసారి ఓడిపోయి 2సార్లు గెలిచింది.
గౌతమ్ గంభీర్ కెప్టెన్సీలో కోల్కతా నైట్ రైడర్స్ రెండుసార్లు టైటిల్ గెలుచుకోగా, ఇయాన్ మోర్గాన్ కెప్టెన్సీలో, ఆ జట్టు ఐపీఎల్ 2021లో ఒకసారి ఫైనల్స్కు చేరుకుంది. KKR అన్ని ఫైనల్ మ్యాచ్ల రికార్డులు, గణాంకాలను ఓసారి పరిశీలిద్దాం..
మొదటిసారిగా, KKR IPL 2012 ఫైనల్స్కు చేరుకుంది. చెన్నై సూపర్ కింగ్స్ను 5 వికెట్ల తేడాతో ఓడించి మొదటిసారి టైటిల్ను గెలుచుకుంది. తొలుత బ్యాటింగ్ చేసిన చెన్నై కోల్కతాకు 191 పరుగుల కష్టమైన లక్ష్యాన్ని అందించింది. దీనిని గౌతమ్ గంభీర్ నాయకత్వంలో KKR చివరి ఓవర్లో సాధించింది. మన్విందర్ బిస్లా (89 పరుగులు), జాక్వెస్ కలిస్ (69 పరుగులు) రాణించడంతో నైట్ రైడర్స్ విజయం సాధించింది.
తొలి టైటిల్ గెలిచిన రెండేళ్ల తర్వాత మళ్లీ KKR ట్రోఫీని గెలుచుకుంది. IPL 2014 చివరి మ్యాచ్లో, KKR పంజాబ్ కింగ్స్ (అప్పటి కింగ్స్ XI పంజాబ్)పై 200 పరుగుల లక్ష్యాన్ని ఛేదించింది. మనీష్ పాండే 94 పరుగులతో అద్భుతమైన ఇన్నింగ్స్ ఆడగా, యూసుఫ్ పఠాన్ 36 పరుగులు చేసి తన జట్టును రెండోసారి ఐపీఎల్ విజేతగా నిలిపాడు.
ఇయాన్ మోర్గాన్ కెప్టెన్సీలో కోల్కతా IPL 2021లో ఫైనల్స్లోకి ప్రవేశించింది. అయితే, చెన్నై వంటి బలీయమైన జట్టు ముందు KKR తన మూడవ టైటిల్ గెలిచే అవకాశాన్ని కోల్పోయింది. మొదట బ్యాటింగ్ చేసిన చెన్నై 193 పరుగుల లక్ష్యాన్ని నిర్దేశించింది. దీనికి సమాధానంగా నైట్ రైడర్స్ మొత్తం 165 పరుగులు చేసి టైటిల్ మ్యాచ్లో 27 పరుగుల తేడాతో ఓడిపోయింది.
మరిన్ని క్రీడా వార్తల కోసం ఇక్కడ క్లిక్ చేయండి..