
India vs West Indies: వెస్టిండీస్తో సిరీస్ కోసం టీమిండియా కరీబియన్ దీవిలో అడుగుపెట్టింది. ఈ సిరీస్లో రోహిత్ సారథ్యంలోని టీమిండియా 2 టెస్టులు, 3 వన్డేలు ఆడనుంది. ఆ తర్వాత 5 టీ20 మ్యాచ్లు ఆడనుంది. అయితే, టీ20ఐలకు హార్దిక్ కెప్టెన్గా ఉండనున్నాడు. ఈ సిరీస్కు ముందు, టీమిండియా ఆటగాళ్లు సరదాగా గడుపుతున్నారు. ఈ మేరకు బీసీసీఐ సోషల్ మీడియాలో ఓ వీడియోను షేర్ చేసింది. విశేషమేమిటంటే ఈ వీడియోను ఇషాన్ కిషన్ షూట్ చేశాడు.
ఈ వీడియోలో టీమిండియా ఆటగాళ్లు బీచ్ వాలీబాల్ ఆడుతూ కనిపించారు. వాలీబాల్ మ్యాచ్ కోసం టీమిండియాను 2 జట్లుగా విభజించారు. ఒక జట్టులో విరాట్ కోహ్లీ, రాహుల్ ద్రవిడ్ సహా సీనియర్ ఆటగాళ్లు ఉన్నారు. మరొక జట్టులో మహమ్మద్ సిరాజ్, బ్యాటింగ్ కోచ్ విక్రమ్ రాథోడ్ సహా ముఖ్యమైన ఆటగాళ్లు ఉన్నారు. టీమిండియా ఆటగాళ్లకు మరో 2 రోజులు విశ్రాంతి తీసుకుని, ఆ తర్వాత ప్రాక్టీస్ ప్రారంభించనున్నారు.
జులై 12 నుంచి ప్రారంభమయ్యే తొలి టెస్టు మ్యాచ్కు ముందు భారత జట్టు వార్మప్ మ్యాచ్ ఆడనుంది. జులై 6న స్థానిక జట్టుతో టీమ్ ఇండియా వార్మప్ మ్యాచ్ ఆడనుంది. దీని ద్వారా కరేబియన్ దీవుల పరిస్థితులకు తగ్గట్టుగా ప్రణాళిక రచించారు.
భారత టెస్టు జట్టు: రోహిత్ శర్మ (కెప్టెన్), శుభ్మన్ గిల్, అజింక్యా రహానే (వైస్ కెప్టెన్), కేఎస్ భరత్ (వికెట్ కీపర్), రవీంద్ర జడేజా, శార్దూల్ ఠాకూర్, అక్షర్ పటేల్, విరాట్ కోహ్లీ, జైస్వాల్, రుతురాజ్ గైక్వాడ్, ఇషాన్ కిషన్ (వికెట్ కీపర్), రవిచంద్రన్ అశ్విన్, మహ్మద్ సిరాజ్, ముఖేష్ కుమార్, జయదేవ్ ఉనద్కత్, నవదీప్ సైనీ.
భారత వన్డే జట్టు: రోహిత్ శర్మ (కెప్టెన్), శుభ్మన్ గిల్, ఇషాన్ కిషన్ (వికెట్-కీపర్), హార్దిక్ పాండ్యా (వైస్ కెప్టెన్), రుతురాజ్ గైక్వాడ్, విరాట్ కోహ్లీ, శార్దూల్ ఠాకూర్, రవీంద్ర జడేజా, అక్షర్ పటేల్, సూర్య కుమార్ యాదవ్, సంజు శాంసన్ (వికెట్-కీపర్), యుజ్వేంద్ర చాహల్, కుల్దీప్ యాదవ్, జయదేవ్ ఉనద్కత్, మొహమ్మద్. సిరాజ్, ఉమ్రాన్ మాలిక్, ముఖేష్ కుమార్.
1వ టెస్ట్: జూలై 12-16 – విండ్సర్ పార్క్, డొమినికా (7:30 PM IST)
2వ టెస్ట్: జూలై 20-24 – క్వీన్స్ పార్క్ ఓవల్, ట్రినిడాడ్ (7:30 PM IST)
వన్డే సిరీస్..
1వ ODI: జూలై 27 – కెన్సింగ్టన్ ఓవల్, బార్బడోస్ (7:00 PM IST)
2వ ODI: జూలై 29 – కెన్సింగ్టన్ ఓవల్, బార్బడోస్ (7:00 PM IST)
3వ ODI: ఆగస్టు 1 – బ్రియాన్ లారా క్రికెట్ అకాడమీ, ట్రినిడాడ్ (7:00 PM IST)
టీ20ఐ సిరీస్..
1వ T20I: ఆగస్టు 3 – బ్రియాన్ లారా క్రికెట్ అకాడమీ, ట్రినిడాడ్ (8:00 PM IST)
2వ T20I: ఆగష్టు 6 – నేషనల్ స్టేడియం, గయానా (8:00 PM IST)
3వ T20I: ఆగస్ట్ 8 – నేషనల్ స్టేడియం, గయానా (8:00 PM IST)
4వ T20I: ఆగస్టు 12 – బ్రోవార్డ్ కౌంటీ స్టేడియం, ఫ్లోరిడా (8:00 PM IST)
5వ T20I: ఆగస్టు 13 – బ్రోవార్డ్ కౌంటీ స్టేడియం, ఫ్లోరిడా (8:00 PM IST)
అయితే, వెస్టిండీస్తో జరిగే టీ20 సిరీస్కు టీమ్ఇండియా ఎంపిక కాలేదు. ప్రస్తుత సమాచారం ప్రకారం వన్డే సిరీస్ తర్వాత టీ20 జట్టును భారత్ ప్రకటించనుంది.
మరిన్ని క్రీడా వార్తల కోసం ఇక్కడ క్లిక్ చేయండి..