IND vs BAN 2nd T20I: ఒకే దెబ్బకు భువీ, బుమ్రా రికార్డులు బ్రేక్ చేయనున్న అర్షదీప్.. అవేంటంటే?

Arshdeep Singh

Arshdeep Singh Key Record in 2nd T20I: భారత్, బంగ్లాదేశ్ మధ్య మూడు మ్యాచ్‌ల టీ20 సిరీస్‌లో రెండో మ్యాచ్ బుధవారం ఢిల్లీలో జరగనుంది. తొలి మ్యాచ్‌లో గెలిచిన టీమిండియా రెండో మ్యాచ్‌లో కూడా గెలిచి సిరీస్‌ను కైవసం చేసుకోవాలని కోరుతోంది. ఈ సమయంలో, టీమిండియా ఫాస్ట్ బౌలర్ అర్ష్‌దీప్ సింగ్ కూడా తన పేరు మీద పెద్ద రికార్డు సృష్టించగలడు. అర్ష్‌దీప్ సింగ్ భువనేశ్వర్ కుమార్, జస్ప్రీత్ బుమ్రా రికార్డులపై దృష్టి పెట్టాడు. అతను అత్యధిక వికెట్ల పరంగా ఈ బౌలర్లను అధిగమించగలడు.

తొలి టీ20లో భారత జట్టు ఏకపక్ష విజయం సాధించింది. ఈ సమయంలో, అర్ష్‌దీప్ సింగ్ చాలా అద్భుతంగా బౌలింగ్ చేశాడు. 3.5 ఓవర్లలో 14 పరుగులిచ్చి 3 వికెట్లు తీశాడు. జట్టుకు తొలి వికెట్ అందించిన అతను.. ఆ తర్వాత బంగ్లాదేశ్ చివరి వికెట్‌ను కూడా తీశాడు. ఈ కారణంగా అర్ష్‌దీప్ సింగ్ ప్లేయర్ ఆఫ్ ది మ్యాచ్‌గా ఎంపికయ్యాడు.

అర్ష్‌దీప్ సింగ్ రెండవ అత్యంత విజయవంతమైన బౌలర్ అవుతాడా?

ఇప్పుడు రెండో టీ20 మ్యాచ్‌లో భువనేశ్వర్ కుమార్, జస్ప్రీత్ బుమ్రా వంటి బౌలర్లను అర్ష్దీప్ సింగ్ అధిగమించగలడు. అర్ష్‌దీప్ తన కెరీర్‌లో ఇప్పటివరకు 55 టీ20 ఇంటర్నేషనల్ మ్యాచ్‌లు ఆడాడు. ఈ కాలంలో 86 వికెట్లు పడగొట్టాడు. బంగ్లాదేశ్‌తో జరిగిన రెండో మ్యాచ్‌లో 5 వికెట్లు తీస్తే, అత్యధిక వికెట్ల పరంగా రెండో స్థానంలో నిలుస్తాడు.

ప్రస్తుతం భారత్ తరపున అంతర్జాతీయ టీ20ల్లో అత్యధిక వికెట్లు తీసిన రికార్డు యుజ్వేంద్ర చాహల్ పేరిట ఉంది. 80 మ్యాచ్‌లు ఆడి 96 వికెట్లు తీశాడు. 87 మ్యాచుల్లో 90 వికెట్లు తీసిన భువనేశ్వర్ కుమార్ రెండో స్థానంలో ఉన్నాడు. జస్ప్రీత్ బుమ్రా మూడో స్థానంలో ఉన్నాడు. 70 మ్యాచ్‌లు ఆడి 89 వికెట్లు తీశాడు. అయితే, అర్ష్‌దీప్ సింగ్ 5 వికెట్లు పడగొట్టిన వెంటనే ఈ బౌలర్లను అధిగమించి, చాహల్ వెనుకాల ఉంటాడు. నాలుగు వికెట్లు తీస్తే బుమ్రాను అధిగమించి భువనేశ్వర్ కుమార్‌ను సమం చేస్తాడు.

జస్ప్రీత్ బుమ్రా ఇప్పుడు భారత్ తరపున చాలా తక్కువ టీ20 మ్యాచ్‌లు ఆడుతున్నారు. కాగా భువనేశ్వర్ కుమార్ జట్టుకు దూరమయ్యాడు. ఇలాంటి పరిస్థితుల్లో వారిని అధిగమించేందుకు అర్ష్‌దీప్‌ సింగ్‌కు సువర్ణావకాశం లభించింది.

మరిన్ని క్రీడా వార్తల కోసం ఇక్కడ క్లిక్ చేయండి..