పాత, చిరిగిన బట్టలతో ఇల్లు తుడుస్తున్నారా..? ఓర్నాయనో పెద్ద కథే.. వాస్తుశాస్త్రం ఏం చెబుతుందంటే

పరిశుభ్రత అనేది మన జీవితాలకు, కుటుంబాలకు, ఇళ్లకు, శ్రేయస్సు, సౌభాగ్యం, శాంతిని తెస్తుంది. ఇల్లు శుభ్రం చేసేటప్పుడు మనం ఉపయోగించే వస్తువులపై శ్రద్ధ పెట్టడం ముఖ్యం. ప్రాచీన కాలం నుండి ఇల్లు తుడిచే పద్ధతులలో మార్పులు వచ్చాయి. ఆధునిక యుగంలో మాపుల వాడకం సర్వసాధారణం అయినప్పటికీ, కొంతమంది ఇప్పటికీ ఇల్లు తుడవడానికి పాత, వాడిన, చిరిగిన బట్టలను ఉపయోగిస్తున్నారు. ఇది శుభమా లేక అశుభమా అనే ప్రశ్నకు ప్రఖ్యాత జ్యోతిష్కులు.. వాస్తుశిల్పి డాక్టర్ బసవరాజ్ గురూజీ పలు ఆసక్తికర విషయాలను పంచుకున్నారు. జ్యోతిష్య శాస్త్రం ప్రకారం.. చంద్రుడు, శుక్రుడు, సూర్యుడు అనే మూడు గ్రహాలు ఇంటి శుభ్రతకు బాధ్యత వహిస్తాయి. వీటిలో, చంద్రుడు – శుక్రుడి పాత్ర అత్యంత ముఖ్యమైనది. చంద్రుడు శాంతి, సహనం, ఓర్పు, మనశ్శాంతికి అధిపతి. శుక్రుడు విలాసవంతమైన జీవితం, మంచి బట్టలు, ఆహారానికి అధిపతి. ఇంటిని శుభ్రంగా ఉంచడానికి ఈ గ్రహాల ప్రభావం చాలా అవసరం.

పాత, మురికి లేదా చిరిగిన బట్టలతో ఇంటిని తుడిస్తే, ఇంట్లో ప్రతికూల శక్తుల ప్రభావం పెరుగుతుందని డాక్టర్ బసవరాజ్ గురూజీ హెచ్చరిస్తున్నారు. అటువంటి బట్టలను ఉపయోగించడం వల్ల బయటి నుండి చెడు శక్తులు ఇంట్లోకి ప్రవేశించే అవకాశం ఉంది. చంద్రుని ప్రభావం ఉన్నప్పుడు, మన భావోద్వేగాలు కలత చెందవచ్చు.. భార్యాభర్తల మధ్య, పిల్లల మధ్య గొడవలు, కుటుంబ సభ్యుల మధ్య విభేదాలు పెరగవచ్చు. శుక్రుని ప్రభావం తగ్గినప్పుడు, ముఖ కాంతి తగ్గుతుంది.. ఇది వ్యక్తిత్వంపై ప్రతికూల ప్రభావాన్ని చూపుతుంది.

చిరిగిన బట్టలు ధరించడం లేదా వాటితో ఇంటిని తుడవడం కూడా అశుభం. చిరిగిన బట్టలకు రాహువు కారక గ్రహం, దాని ప్రభావం ప్రమాదవశాత్తు సంఘటనలు, కోపం – తక్షణ ప్రతిచర్యలను పెంచుతుంది. ఇటీవలి కాలంలో చిరిగిన బట్టలు ధరించడం ఫ్యాషన్‌గా మారినప్పటికీ, అది అశుభంగా పరిగణించబడదన్నారు.

పాత బట్టలతో ఇంటిని తుడవడం వల్ల ఇంట్లో అస్థిరత, అశాంతి, అధిక నిద్ర, విచారం, ఒంటరితనం కలగవచ్చు. సూర్యోదయం – సూర్యాస్తమయం సమయంలో ఇంటిని తుడవడం కూడా ఇంటిపై సూర్యుని ప్రభావాన్ని ప్రభావితం చేస్తుంది. సూర్యుడు ఆరోగ్యానికి మూలం కాబట్టి, పాత బట్టలను ఉపయోగించడం వల్ల ఇంటి సభ్యులకు ఆరోగ్య సమస్యలు కూడా రావచ్చు. రాజకీయ నాయకులు, వ్యాపారవేత్తలు, ఇంజనీర్లు, ఏ వృత్తిలో ఉన్నవారైనా వారి కెరీర్‌లో చిన్నపాటి అడ్డంకులను ఎదుర్కోవచ్చు.

అందువల్ల, ఇంటిని శుభ్రపరచడానికి కొత్త బట్టలు లేదా తగిన శుభ్రపరిచే సాధనాలను ఉపయోగించడం అత్యంత శుభప్రదం. ఇంటిని శుభ్రపరచడానికి పాత – చిరిగిన బట్టలను ఉపయోగించవద్దని, ఇంట్లో సానుకూల శక్తిని, ప్రశాంతమైన వాతావరణాన్ని కొనసాగించేందుకు వాస్తు సూచనలు పాటించాలని.. గురూజీ సలహా ఇచ్చారు.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..