Vastu Tips: చేతిలో డబ్బులు నిలవడం లేదా.. ఇంట్లో ఈ వస్తువులు ఉంచండి..!
Vastu Tips: ఇంట్లో డబ్బుకొరత ఉండకూడదంటే లక్ష్మిమాతని పూజించాలి. తల్లి కృప కోసం పూజలు, ఉపవాసాలు చేస్తారు. ఇవన్ని చేసినా కూడా
Vastu Tips: ఇంట్లో డబ్బుకొరత ఉండకూడదంటే లక్ష్మిమాతని పూజించాలి. తల్లి కృప కోసం పూజలు, ఉపవాసాలు చేస్తారు. ఇవన్ని చేసినా కూడా కొన్నిసార్లు ఫలితం ఉండదు. డబ్బుల సమస్య వేధిస్తూనే ఉంటుంది. అప్పులతో ఇబ్బందిపడుతుంటారు. చేతిలో డబ్బులు అస్సలు నిలవవు. దీనికి వాస్తు దోషం కారణం కావొచ్చు. ఇల్లు కట్టడం ముఖ్యం కాదు.. దానిని వాస్తు ప్రకారం నిర్మించారా లేదా అనేది ముఖ్యం. వాస్తు లోపాలుంటే చాలా ప్రతికూల పరిస్థితులు ఎదుర్కోవాల్సి ఉంటుంది. ఇలాంటి సమయంలో ఇంట్లో కొన్ని మార్పులు చేయాల్సి ఉంటుంది. వాస్తు ప్రకారం ఇంట్లో ఈ ఐదు వస్తువులను పెడితే డబ్బు అనుకూలంగా ఉంటుంది. ఆర్థిక పరిస్థితుల నుంచి గట్టెక్కుతారు.
1. వేణువు: వాస్తు దోషాలను తొలగించడానికి వేణువు అత్యంత ప్రభావవంతమైన వస్తువు. ఆర్థిక సమస్యల నుంచి బయటపడటానికి ఇంటికి తూర్పు లేదా ఉత్తర దిశలో వెండి వేణువును ఉంచాలి. ఇంట్లో బంగారం లేదా వెండి వేణువును ఉంచడం సాధ్యం కాకపోతే వెదురు వేణువునునైనా ఉంచవచ్చు.
2. గణపతి విగ్రహం: గణేశుడిని విఘ్నాలు హరించేవాడు అంటారు. వాస్తు ప్రకారం ఇంట్లో సమస్యలు తొలగిపోవాలంటే గణేశుడి విగ్రహాన్ని ఇంట్లో ఈశాన్య దిశలో అందరు చూడగలిగే విధంగా ఉంచాలి.
3. లక్ష్మిమాత, కుబేరుడి విగ్రహాలు: లక్ష్మిమాత, కుబేరుడు ఇంట్లో తప్పనిసరిగా ఉండాలి. లక్ష్మి సంపదకు అధిపతిగా భావిస్తారు. కుబేరుడి ఆశీస్సులుంటే ఆదాయం సిద్ధిస్తుంది. వాస్తు శాస్త్రం ప్రకారం లక్ష్మీ దేవి, కుబేరుడి విగ్రహాన్ని ఉంచడం వల్ల ఇంట్లో ఆనందం, శాంతి, శ్రేయస్సు లభిస్తుంది.
4. శంఖం: వాస్తు శాస్త్రం ప్రకారం శంఖాన్ని ఇంట్లో ఉంచుకోవడం వల్ల దోషం తొలగిపోతుంది. శాస్త్రాల ప్రకారం లక్ష్మీ దేవి చేతిలో అందమైన శంఖం ఉన్న ఫొటో ఉంటే ఇంటిలో ఆర్థిక సమస్యలు ఉండవు.
5. కొబ్బరికాయ: కొబ్బరికాయని లక్ష్మీదేవి అనుగ్రహంగా భావిస్తారు. కొబ్బరికాయను ఇంట్లో ఉంచుకోవడం చాలా శుభప్రదం. మత విశ్వాసాల ప్రకారం ఇంట్లో కొబ్బరికాయను ఉంటే లక్ష్మిమాత అనుగ్రహం ఉంటుందని నమ్మకం.
గమనిక: ఇక్కడ ఇవ్వబడిన సమాచారం మత విశ్వాసాలపై ఆధారపడి ఉంటుంది. దీనికి శాస్త్రీయ ఆధారాలు లేవు.