Kali Puja 2023: కాళీ దేవత విగ్రహం పక్కన నక్క.. అమ్మవారికి నక్కకు ఉన్న సంబంధం ఏమిటంటే

పురాణాల ప్రకారం మహామాయ దేవి ఉగ్ర రూపం కాళీ దేవి. దశమహావిద్యా రూపం మహామాయ మొదటి రూపం. శక్తి-ఉపాసనకు అధిపతి ఆరాధ్యా దేవి. కాళి దేవిని బెంగాలీలు తమ సొంత కుమార్తెగా భావించి పూజిస్తారు. మనం సాధారణంగా చూసే కాళీ మాత తన పాదాన్ని శివుని వక్షస్థలం మీద ఉంచి కత్తి పట్టుకుని ఉంటుంది. నాలుగు చేతుల్లో ఒక చేతిలో తెగిన తల, మరో చేతిలో కత్తి, మిగిలిన రెండు చేతులు దీవెనలు ఇస్తున్నట్లు ఉంటాయి. చూడడానికి కొంచెం భయంగొలిపే రీతిగా ఉంటుంది కాళీ మాత రూపం. కాళీ పక్కన ఆమె వాహనం నక్క ఉంటుంది.  అమ్మవారు రక్తం కారుతున్న తలని పట్టుకుని పెద్ద నాలికను బయట పెట్టి పుర్రెలతో ఉన్న దండను ధరించి ఉంటుంది. అయితే బెంగాలీలు కాళి ఒక రూపాన్ని మాత్రమే పూజిస్తారు. అయితే వాస్తవంగా కాళికి చెందిన అనేక రూపాలు ఉన్నాయి.  ప్రశాంతంగా ఉన్న కాళీ, అష్టరూపి కాళీ, రుద్రావతారం లో కాళీ, ధ్యానం చేస్తున్న కాళీ ఇలా రకరకాల రూపాల్లో అమ్మవారు కొలువుదీరారు.

నక్క వాహనం ఎందుకు?

కాళీ మాత దగ్గర నక్క ఉన్న ఫోటోలు దర్శనం ఇస్తాయి. ఉగ్ర మూర్తి అమ్మవారి చెంతన  ఉన్న నక్క కు సంబంధించిన పురాతన కథ ఉంది. పురాతన కాలం నుంచి సాధారణంగా నక్క రాత్రిపూట చీకట్లో ఆహారం కోసం శ్మశానవాటికలో తిరుగుతూ ఉంటుంది. ఒకానొక సమయంలో రాత్రి వేళల్లో పల్లెల్లో నక్కల బెడద ఎక్కువైంది. ఒక నక్క పిలిచినప్పుడు.. నక్కలు గుంపులుగా అక్కడకు చేరుకోవడం ప్రారంభించాయి. వాతావరణం మొత్తం స్తబ్దంగా..  చీకటిగా మారిన సమయంలో నక్కల బీభత్సానికి ఎవరూ ఇంటి నుండి బయటకి అడుగు పెట్టడానికి సాహసించలేదు. అయితే ప్రస్తుతం అలాంటి దృశ్యం ఇప్పుడు లేదు. దహన సమయాల్లో నక్కల ఉనికి ఎక్కువగా కనిపిస్తుంది. తంత్ర శాస్త్ర ప్రకారం దహన సంస్కారాల్లో నక్కకు గొప్ప పాత్ర ఉంది. అదీకాక పూర్వ కాలంలో పల్లెల్లో చాలా నక్కలు ఉండేవి. పెంపుడు జంతువులపై దాడులు, చీకటి రాత్రుల్లో పిల్లలు తరచుగా దాడులు చేసేవి. నక్కలు చాలా తెలివైనవి. భయంకరమైనవి. ఈ జంతువు పర్యావరణ వ్యవస్థను తేలిక చేయడంలో కీలక పాత్ర పోషించింది.

విష్ణు పురాణం కూడా నక్కను కాళీ దేవి వాహనంగా పేర్కొంది. వాసుదేవుడు కృష్ణుడిని తీసుకుని గోకులానికి వెళ్లడానికి యమునా నదిని దాటుతున్నప్పుడు.. కాళీ దేవి అతనికి దారి చూపడానికి నక్క రూపంలో కనిపించిందని విష్ణు పురాణంలో పేర్కొంది. వాస్తవానికి నక్కలు కూడా తెలివైనవి, ఆప్యాయత కలిగి ఉంటాయి.

ఇవి కూడా చదవండి

పట్టుదల ఉంటే ఏదైనా సాధ్యమే స్టీల్ గిన్నెలతో చేసిన డ్రమ్ సెట్!

ఢిల్లీలో బాణాసంచాపై నిషేధం.. బాణాసంచా కాల్చి సందడి చేసిన ప్రజలు..

గోవర్ధన పూజ విధానం.. ఎన్ని రకాల నైవేద్యాలు సమర్పిస్తారంటే

ఈ 4 రాశులకు చెందిన వ్యక్తుల స్నేహం గొప్ప వరం.. ఆ రాశులేమిటంటే

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

గమనిక: పైన పేర్కొన్న అంశాలను మత గ్రంథాల ఆధారంగా ప్రజల సాధారణ ఆసక్తులను దృష్టిలో ఉంచుకుని ఇవ్వడం జరిగింది. దీనిని టీవీ9 తెలుగు ధృవీకరించడం లేదు