గబ్బిలాలు లక్ష్మి స్వరూపం అట.. దేవతలుగా పూజించే గ్రామం.. ఆర్దిక ఇబ్బందులు, అనారోగ్యం ఆ గ్రామస్తులను తాకవట..
రాత్రి సంచరించే జీవుల్లో గబ్బిలాలు ఒకటి. వీటి గురించి అనేక మూఢనమ్మకాలు ఉన్నాయి. దురదృష్టాన్ని కలిగిస్తాయని ఎక్కువ మంది నమ్ముతారు. చీకటి పడుతుండగా గబ్బిలాలు ఇక్కడ , అక్కడ ఎగురుతూ ఉండటం మీరు చూసి ఉంటారు. పగలు గబ్బిలాలు చెట్లపై తలక్రిందులుగా వేలాడుతూ ఉంటాయి. అయితే ఈ గబ్బిలాలను కొన్ని దేశాలవారు ఆహారంగా తింటారు. మన దేశంలో ఒక గ్రామంలో మాత్రం గబ్బిలలాలు దేవుడిగా పూజిస్తారు. ఆ గ్రామం ఎక్కడ ఉంది? ఎందుకు గబ్బిలలను దేవుళ్ళగా పూజిస్తారో తెలుసా..!
Updated on: Aug 24, 2025 | 8:03 AM
ఎగరరే ఏకైక క్షీరదాలు గబ్బిలాలు. కొంతమందికి ఇవి అంటే భయం. పగలు చెట్లపై తలక్రిందులుగా వేలాడుతూ నిద్రపోతాయి. రాత్రి సమయంలో చురుకుగా ఉండి సంచరిస్తాయి. ఈ గబ్బిలలను ఆహారంగా తినే దేశాలు ఉన్నాయి. అంతేకాదు వీటి వలన కొన్ని రకాల వ్యాధులు వస్తయని నమ్మకం. అయితే ఈ వింత, భయానక జీవిని పూజించే ఒక గ్రామం ఉంది. వినడానికి వింతగా అనిపించినా నమ్మాలి. బీహార్లోని వైశాలి జిల్లాలోని సర్సాయి గ్రామ ప్రజలు గబ్బిలాలను దేవతలుగా పూజిస్తారు. ఈ సంప్రదాయం ఎలా వచ్చింది? తెలుసుకుందాం..
గబ్బిలాలను పూజించే గ్రామం.
బీహార్లోని వైశాలి జిల్లాలోని సర్సాయి గ్రామ ప్రజలు గబ్బిలాలను భక్తితో పూజిస్తారు. గబ్బిలాలను ఈ గ్రామ ప్రజలు లక్ష్మీదేవి చిహ్నంగా పూజిస్తారు. గ్రామస్తులు గబ్బిలాలను అదృష్టం, శ్రేయస్సుకు చిహ్నంగా భావిస్తారు. ఈ గబ్బిలాలు ఎల్లప్పుడూ తమను రక్షిస్తాయని చెబుతారు. అందువల్ల ఇవి చెడు శకునాల నుంచి తమను రక్షించే దైవిక దూతలని గ్రామస్తులు నమ్ముతారు. ఈ గ్రామ ప్రజలు లక్ష్మీదేవి స్వరూపమని నమ్ముతున్నందున ఇప్పటివరకు తమకు ఎటువంటి ఆర్థిక సమస్యలు రాలేదని ఆ గ్రామస్తులు చెబుతారు. ఏ ఆధ్యాత్మిక కార్యక్రమం, వేడుకకైనా ఈ గబ్బిలాలు తప్పనిసరిగా ఉండాలని ఇక్కడి ప్రజలు నమ్ముతారు. అందువల్ల శుభకార్యాలు జరిగినప్పుడు గబ్బిలాలకు సాంప్రదాయ నైవేద్యాలు సమర్పిస్తారు.
ఈ ఆచారం ఇలా ఉద్భవించింది.
గబ్బిలాలను పూజించే ఆచారం మధ్య యుగాలలో ఉద్భవించిందని చెబుతారు. మధ్య యుగాలలో ఈ గ్రామంలోని ప్రజలు ఒక అంటువ్యాధితో బాధపడుతున్నారు. ఈ సమయంలో గబ్బిలాలు గ్రామంలోకి వచ్చాయి. ఈ గబ్బిలాలు వచ్చిన తర్వాత ఈ అంటువ్యాధి నిర్మూలించబడిందని చెబుతారు. అప్పటి నుంచి గబ్బిలాలు తమని రక్షిస్తాయనే నమ్మకంతో పూజిస్తున్నారు. నేటికీ గ్రామంలో గబ్బిలం ఒక దైవంగా పూజలను అందుకుంటూనే ఉంది.
ఈ గ్రామంలో యాభై వేలకు పైగా గబ్బిలాలు ఉన్నాయి.
నమ్మడం కష్టం.. కానీ సర్సాయి గ్రామంలో సరస్సు చుట్టూ ఉన్న ప్రాంతంలో దాదాపు 50,000 గబ్బిలాలు కనిపిస్తాయి. అవి ఇక్కడి పాత సరస్సు దగ్గర రావి, మర్రి, బడువా చెట్లలో నివసిస్తాయి. పర్యాటకులు ఈ గబ్బిలాలను చూడటానికి మాత్రమే ఇక్కడికి వస్తారు. ఇక్కడి చుట్టూ ఉన్న వాతావరణం గబ్బిలాలకు నివాస స్థలం. ఇక్కడి ప్రజల ఈ నమ్మకం గబ్బిలాల సంతానోత్పత్తికి పెంచేందుకు కూడా దారితీసింది.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు.
