Breaking News
  • దేశవ్యాప్తంగా దీపయజ్ఞం. ప్రధాని మోదీ పిలుపు మేరకు దీపాలు వెలిగించిన దేశ ప్రజలు. దీపం వెలిగించిన రాజకీయ, సినీ, క్రీడా ప్రముఖులు. దీపాల కాంతుల్లో దేదీప్యమానంగా వెలుగొందిన భారత్‌. తెలుగు రాష్ట్రాల్లో దీపాల కాంతులు. ప్రగతి భవన్‌లో దీపాలు వెలిగించిన సీఎం కేసీఆర్‌. తాడేపల్లిలోని తన నివాసంలో దీపాలు వెలిగించిన ఏపీ సీఎం జగన్‌. దీపాలు వెలిగించిన తెలుగు రాష్ట్రాల గవర్నర్‌లు తమిళిసై, భిశ్వభూషణ్. తమ తమ నివాసాల్లో దీపాలు వెలిగించిన మంత్రులు, ఎమ్మెల్యేలు. అత్యవసరసేవలు అందిస్తున్న వైద్యులు, పోలీసులు.. పారిశుద్ధ్య సిబ్బందికి దీపాలు వెలిగించి సంఘీభావం తెలిపిన ప్రజలు.
  • 130 కోట్ల ప్రజల మహాశక్తిని చాటిన భారతీయులు. దీప యజ్ఞంలో పాల్గొన్న రాష్ట్రపతి రామ్‌నాథ్‌ కోవింద్‌ దంపతులు. కుటుంబ సమేతంగా దీపం వెలిగించిన ఉపరాష్ట్రపతి వెంకయ్యనాయుడు. తన నివాసంలో దీపాలు వెలిగించిన ప్రధాని మోదీ. తమ తమ నివాసాల్లో దీపాలు వెలిగించిన కేంద్ర మంత్రులు, ఎంపీలు.
  • ప్రధాని మోదీకి సీఎం కేసీఆర్‌ ఫోన్‌. రాష్ట్రంలో ధాన్యం సేకరణకు 20 కోట్ల గన్నీ బ్యాగ్‌లు అవసరం. ప్రధాని మోదీతో ఫోన్‌లో మాట్లాడిన సీఎం కేసీఆర్‌. గన్నీ బ్యాగ్‌లకు తీవ్ర కొరత ఉందని వివరించిన సీఎం కేసీఆర్‌. పశ్చిమబెంగాల్‌లో గన్నీ బ్యాగ్‌ల పరిశ్రమలు తెరిపించాలన్న కేసీఆర్‌. పరిశ్రమలు తెరిపిస్తేనే గన్నీ బ్యాగ్‌ల సమస్య తీరుతుందన్న కేసీఆర్‌. పశ్చిమ బెంగాల్‌ నుంచి ప్రత్యేక రైళ్ల ద్వారా గన్నీ బ్యాగ్‌లు.. తీసుకొచ్చేందుకు అనుమతించాలని ప్రధాని మోదీకి కేసీఆర్‌ విజ్ఞప్తి. సంబంధిత శాఖలతో మాట్లాడతానని హామీ ఇచ్చిన ప్రధాని మోదీ.
  • ఒక్క తప్పుడు మెసేజ్‌ ఫార్వర్డ్‌ చేసినా కేసులు బుక్‌ చేస్తాం. వెరిఫై చేయకుండా సోషల్‌ మీడియాలో వీడియోలు షేర్‌ చేయొద్దు. డిజిటల్‌గా వెదికి పట్టుకుని అరెస్ట్‌ చేస్తాం. నిజాముద్దీన్‌ నుంచి వచ్చిన వారిలో ఎవరూ కావాలని.. కరోనా వ్యాప్తి చేశారనడానికి ఆధారాలు లేవు. -టీవీ9 ఎన్‌కౌంటర్‌ విత్‌ మురళీకృష్ణలో అంజనీకుమార్‌, సజ్జనార్‌.
  • కర్నూలులో కరోనా విజృంభణ. ఒకేరోజు 12 పాజిటివ్‌ కేసులు నమోదు. 12 మంది ఢిల్లీ సభలకు వెళ్లివచ్చిన వారే. కర్నూలులో మొత్తం 53 కరోనా కేసులు నమోదు. కాంటాక్ట్‌ కేసులపై దృష్టిపెట్టిన అధికారులు.

Vizag politics: మళ్ళీ విశాఖకు చంద్రబాబు.. వైసీపీ కౌంటర్ వ్యూహం

చంద్రబాబు పర్యటన సందర్భంగా ఎయిర్‌పోర్టు దగ్గర జరిగిన హైడ్రామాతో వార్తలతో హీటెక్కిన విశాఖ నగరం మరోసారి అదే దిశగా పయనిస్తూ వుంది. అందుకు చంద్రబాబు మరోసారి విశాఖకు రానున్నారన్న కథనాలు కారణమవుతుండగా.. వైసీపీ నేతలు కౌంటర్ వ్యూహంతో రెడీ అవుతున్నారు.
political heat in vizag city, Vizag politics: మళ్ళీ విశాఖకు చంద్రబాబు.. వైసీపీ కౌంటర్ వ్యూహం

Vizag city once again gearing up for political high drama: చంద్రబాబు పర్యటన సందర్భంగా ఎయిర్‌పోర్టు దగ్గర జరిగిన హైడ్రామాతో వార్తలతో హీటెక్కిన విశాఖ నగరం మరోసారి అదే దిశగా పయనిస్తూ వుంది. ఇందుకు ఒకవైపు టీడీపీ, ఇంకోవైపు వైసీపీ నేతలు రచిస్తున్న వ్యూహాలే ఉదాహరణ అని చెబుతున్నారు రాజకీయ పరిశీలకులు. చంద్రబాబు గో బ్యాక్ నినాదాలు చేసింది కేవలం వైసీపీ శ్రేణులేనని భావిస్తున్న టీడీపీ మరోసారి చంద్రబాబు పర్యటనకు ఏర్పాట్లు ప్రారంభించారు. అదే సమయంలో చంద్రబాబు మరోసారి వస్తే ఏం చేయాలన్నదానిపై వైసీపీ నేతలు.. ముఖ్యంగా ఎంపీ విజయసాయిరెడ్డి ద‌ృష్టి సారించినట్లు తెలుస్తోంది.

ఫిబ్రవరి 27న విశాఖ పర్యటనకు వచ్చిన టీడీపీ అధినేత చంద్రబాబుకు ఎయిర్‌పోర్టు ఆవరణలోనే చుక్కలు చూపించారు ఆయన పర్యటనను వ్యతిరేకిస్తున్న వారు. చంద్రబాబును అడ్డుకున్న వారెవరు అన్న దానిపై వైసీపీ, టీడీపీ నేతలు చెరో వాదన వినిపిస్తున్నారు. ఈ క్రమంలోనే టీడీపీ నేతలు రాష్ట్ర గవర్నర్ బిశ్వభూషణ్ హరిచందన్‌ను కలిసి వైసీపీ అరాచకాలకు పాల్పడుతోందని ఫిర్యాదు చేశారు. అదే సమయంలో చంద్రబాబు మరోసారి వైజాగ్ పర్యటనకు వస్తారని లీకులు వదులుతున్నారు.

చంద్రబాబు విశాఖ పర్యటనకు ఈసారి టీడీపీ నేతలు పక్కా వ్యూహాన్ని రచిస్తున్నట్లు తెలుస్తోంది. ఈసారి ఫ్లైట్‌లో కాకుండా ట్రెయిన్ లేదా రోడ్డు మార్గంలో విశాఖకు రావాలని చంద్రబాబు భావిస్తున్నారని తెలుస్తోంది. అందుకు అనుగుణంగా యాత్రా వ్యూహాన్ని రచించే బాధ్యతలను మాజీ మంత్రి యనమల రామకృష్ణుడుకు అప్పగించారని తాజా సమాచారం. రోడ్డు మార్గంలో వస్తే.. మార్గమధ్యంలో టీడీపీ శ్రేణులు పెద్ద ఎత్తున చంద్రబాబుతో జతకలిసి… విశాఖకు తరలే అవకాశాలుంటాయి. అప్పుడు చంద్రబాబు యాత్రను అడ్డుకోవడం వైసీపీ శ్రేణులకు సాధ్యం కాదని టీడీపీ వ్యూహం రచిస్తున్నట్లుగా తెలుస్తోంది.

మరోవైపు చంద్రబాబు వ్యూహానికి ప్రతి వ్యూహంతో వైసీపీ నేతలు సిద్దమవుతున్నారు. శనివారం విశాఖలో పర్యటించిన రాజ్యసభ సభ్యుడు విజయసాయి రెడ్డి… చంద్రబాబు మరోసారి వైజాగ్‌కు వస్తారన్న ప్రచారంపై సమాలోచనలు జరిపినట్లు తెలుస్తోంది. వైసీపీ కీలక నేతలతో ఆయన భేటీ అయ్యి.. ఈసారి చంద్రబాబు వ్యూహాన్ని ఎలా తిప్పికొట్టాలనే దానిపై సమాలోచనలు జరిపినట్లు విశ్వసనీయ సమాచారం.

ఒకవైపు టీడీపీ విశాఖ వ్యూహం.. మరోవైపు వైసీపీ ప్రతివ్యూహం.. ఈ రెండు చూస్తుంటే.. విశాఖ నగరం మరోసారి రాజకీయ కార్యకలాపాలతో హీటెక్కడం ఖాయంగా కనిపిస్తోందని రాజకీయ పరిశీలకులు అభిప్రాయం వ్యక్తం చేస్తున్నారు.

Related Tags