గబ్బిలాలకు జబ్బులు రావు.. కానీ వాటి వలన మనుషులకు వస్తాయి.. ఎందుకో తెలుసా..
గబ్బిలాల ద్వారా మనుషులకు అనేక ప్రమాదకరమైన వ్యాధులు వస్తాయి. అయితే ఇవి మన నివాస ప్రాంతాలకు దూరంగా ఉన్నప్పటికీ వైరస్ ద్వారా వ్యాది వ్యాపిస్తుంది. కానీ గబ్బిలాలకు మాత్రం ఎలాంటి వ్యాధులు రావు. ఎందుకో తెలుసుకుందామా.
గబ్బిలాలు మనుషుల నుంచి చాలా దూరంగా జీవిస్తాయి. అయినా వైరస్ ఎలా మనుషులకు వ్యాపిస్తుంది.. గబ్బిలాలు ఎందుకు జబ్బు పడవు అనే విషయాలపై శాస్త్రవేత్తలు వివరణ ఇచ్చారు. కాన్వర్సేషన్ నివేదిక ప్రకారం గబ్బిలాల ద్వారా ఎపోలా, నిపా , రెబీస్ వైరస్ కేసులు వచ్చాయి.
గబ్బిలాలు ఎగరడానికి చాలా శక్తి అవసరమని ఇటీవల ఓ నివేదికలో వెల్లడైంది. తీపి, ప్రోటిన్ అధికంగా ఉండే పదార్ఖాలను మనుషులు ఎక్కువగా తీసుకుంటారు. అలాగే గబ్బిలాలు కూడా పండ్లు, పూల రసాలు, కీటకాలను తింటాయి. అలాగే రక్తం కూడా తాగుతాయి. ఇలా గబ్బిలం శరీరంలో ఉండే వైరస్ పండ్లను తింటున్నప్పుడు లాలాజలం ద్వారా మనషులకు చేరుతుంది.
గబ్బిలాలు సముహంగా నివసిస్తాయి. వైరస్ వ్యాప్తి చెందిన వెంటనే ఇతర గబ్బిలాలకు సోకుతుంది. ఇలా క్రమంగా సంక్రమణ మానవులు ఉపయోగించే చుట్టుపక్కల వస్తువులకు వ్యాపిస్తుంది. ఇన్ఫెక్షన్ సోకినప్పుడు పండ్లు తినకూడదని నిపుణులు సూచించారు. గతంలో ఇలా తినడం వలన నిపా వైరస్ వచ్చింది.
గబ్బిలాలకు రోగ నిరోధక శక్తి ఎక్కువగా ఉంటుంది. అందుకే వీటికి వివిధ వైరస్ లు వచ్చిన అవి జబ్బు పడవు. గబ్బిలాల ద్వారా మనషులు అనారోగ్యానికి గురవుతారు.
వైరస్ వల్ల వచ్చే వ్యాధులతో పోరాడేందుకు వాటి శరీరంలో రోగ నిరోదక శక్తి బలంగా ఉంటుంది. ప్రపంచంలో 1200 కంటే ఎక్కువ జాతుల గబ్బిలాలు ఉన్నాయి. అందువల్ల, ఒకటి లేదా ఇతర జాతుల ద్వారా సంక్రమణ వ్యాప్తి చెందే ప్రమాదం ఉంది.