Face Glowing Tips: ఈ దీపావళికి ముఖం మెరిసి పోవాలంటే.. ఈ హోమ్మేడ్ చిట్కాలు బెస్ట్..
అందరిలో కంటే అందంగా, స్పెషల్గా కనిపించాలని ఆడవారు అనుకుంటూ ఉంటారు. అందులోనూ పండుగలు వచ్చాయంటే.. మరింత అందంగా తయారవుతారు. మరి ఇలాంటి సమయంలో మీ ముఖం అందంగా మెరవాలంటే ఇలా చేయండి..
పండుగలు వచ్చాయంటే ఇంట్లో ఉండే హడావిడి మామూలుగా ఉండదు. పండగ పేరు చెప్పి ఆడవాళ్లకు మరింత పని ఉంటుంది. ఈ క్రమంలో అన్ని పనులు చేసి ముఖం డల్గా, నీరసంగా ఉంటుంది. కానీ ఈ చిట్కాలు ట్రై చేశారంటే.. ఈ దీపావళి పండక్కి మీ ముఖం మెరిసి పోవాల్సిందే.
అప్పటికప్పుడు ముఖంలో మంచి గ్లో కనిపించాలంటే.. ఈ కుంకుమ పువ్వు ఫేస్ ప్యాక్ ట్రై చేయండి. కుంకుమ పువ్వులను రాత్రి పాలలో నానబెట్టండి. ఉదయాన్నే ఇందులో కొద్దిగా తేనె, శనగ పిండి కలపండి. ఈ ప్యాక్ ఓ పావుగంట ఉంచి.. గోరు వెచ్చటి నీటితో కడిగితే చర్మం మెరిసి పోతుంది.
పసుపుతో కూడా స్కిన్ని మెరిపించుకోవచ్చు. శనగ పండిలో కొద్దిగా పసుపు, తేనె, పెరుగు కలపండి. ఇదంతా చిక్కని పేస్టులా ఉండాలి. ఈ మిశ్రమాన్ని ఓ పది నిమిషాలు ముఖానికి అప్లై చేసి.. ఆ తర్వాత చల్లటి నీటితో కడిగేయండి. మంచి గ్లో వస్తుంది.
రోజ్ వాటర్తో కూడా మంచి గ్లో తెచ్చుకోవచ్చు. కొద్దిగా రోజ్ వాటర్ను ఓ గిన్నెలో వేసుకోండి. అందులో దూదిని ముంచి ముఖం అంతా స్ప్రెడ్ చేయాలి. ఇలా గంటకు ఒకసారి చేస్తే.. ముఖం ఫ్రెష్గా, గ్లో తయారవుతుంది.
బాదం నూనెతో కూడా ముఖాన్ని కాంతివంతంగా మార్చుకోవచ్చు. ముందు రోజు రాత్రి పడుకునే ముందు ముఖానికి బాదం నూనె రాసి సున్నితంగా మసాజ్ చేసుకోండి. ఉదయం గోరువెచ్చటి నీటితో కడిగేస్తే మంచి రిజల్ట్ ఉంటుంది.