Fatty Liver: యువతలో ఫ్యాటీ లివర్ ప్రాబ్లమ్.. అశ్రద్ధ చేస్తే కష్టమే!
లివర ఆరోగ్యంగా పని చేస్తేనే.. శరీరం మొత్తం ఆరోగ్యంగా ఉంటుంది. శరీరంలోని వ్యర్థాలను, మలినాలను బయటకు పంపించడంలో కాలేయం ఎంతో చక్కగా పని చేస్తుంది. లివర్ సరిగా పని చేయకపోతే.. ఇతర శరీర భాగాలపై కూడా ఎఫెక్ట్ పడుతుంది. ప్రస్తుత కాలంలో చాలా మంది ఫ్యాటీ లివర్‌తో బాధ పడుతున్నారు..
ఈ మధ్య కాలంలో లివర్ ఫెయిల్ అయి చాలా మంది చనిపోతున్నారు. లివర్ ఫెయిల్ అవ్వడానికి బ్యాడ్ కొలెస్ట్రాల్ కూడా ఒక కారణం. కొలెస్ట్రాల్ పెరిగిపోవడం వల్ల లివర్ పని తీరు తగ్గి.. ఒక్కటేసారి ప్రాణాల మీదకు వస్తుంది. అయితే ఈ సమస్య ఎక్కువగా యువతలో ఉండటం చర్చనీయాంశంగా మారింది.
లివర్ ఆరోగ్యంగా పని చేసేందుకు కూడా కొన్ని రకాల ఆహారాలు తీసుకోవాలి. లివర్ ఫెయిల్ అయ్యే ముందు కొన్ని లక్షణాలను కనిపిస్తాయి. వాటితో మనం జాగ్రత్త పడొచ్చు. పాదాలు, కాళ్లు, చేతులు కూడా ఉబ్బినట్లు కనిపిస్తాయి. ఎన్ని రోజులు అయినా తగ్గకుండా ఉంటే వెంటనే పరీక్షలు చేయించుకోండి.
జంక్ ఫుడ్ తినడం, ఆల్కహాల్, ధూమ పానం, నిద్రలేమి, ఒత్తిడి వంటి అనేక కారణాల వల్ల ఫ్యాటీ లివర్‌కు దారి తీస్తుందని పలు అధ్యయనాలు చెబుతున్నాయి. కడుపులో లివర్ ఉన్న చోట చర్మ పైకి ఉబ్బుతుంది. దీన్ని నొక్కితే నొప్పిగా ఉంటుంది. ఇది కూడా ఒక లక్షణంగా చెప్పొచ్చు.
అదే విధంగా కడుపులో నొప్పి రావడం, గ్యాస్, అసిడిటీ ఎక్కువగా ఉండటం, ఆకలి అస్సలు లేకపోవడం, వాంతులుగా ఉండటం, వికారంగా ఉన్నా ఫ్యాటీ లివర్ సమస్య ఉన్నటే. అలాగే పని చేయకపోయినా ఊరికే అలిసి పోవడం, చికాకుగా ఉండటం కూడా లక్షణంగా చెప్పొచ్చు.
ఏ పనీ చేయలేక పోవడం, శరీరం నిస్సత్తువగా మారడం, నిద్ర సరిగా లేకపోవడం, పొట్ట ఉబ్బడం, కారణం లేకుండా చర్మంపై దురద, దద్దుర్లు రావడం కూడా ఫ్యాటీ లివర్‌కు లక్షణాలుగా చెప్పొచ్చు. ఇలాగే దీర్ఘకాలికంగా ఉంటే క్యాన్సర్‌గా మారి లివర్ ఫెయిల్ అవుతుంది. (NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నా వైద్య నిపుణుల్ని సంప్రదించడం మేలు.)