Money Astrology: ఆ రాశుల వారికి శనీశ్వరుడి కటాక్షం! వారికి ధన యోగం పట్టబోతోంది..!
సాధారణంగా అందరూ భయపడే శనీశ్వరుడు ఇప్పటి నుంచి దాదాపు ఏడాదిన్నర పాటు ఎనిమిది రాశుల వారి మీద అద్భుతంగా, అద్వితీయంగా సంపదల వర్షం కురిపించబోతున్నాడు. ఇందులో నాలుగు రాశుల వారికి అత్యంత అరుదైన శశ మహా పురుష యోగం పట్టబోతుండగా, మూడు రాశుల వారికి ఊహించని ధన యోగం పట్టబోతోంది.
సాధారణంగా అందరూ భయపడే శనీశ్వరుడు ఇప్పటి నుంచి దాదాపు ఏడాదిన్నర పాటు ఎనిమిది రాశుల వారి మీద అద్భుతంగా, అద్వితీయంగా సంపదల వర్షం కురిపించబోతున్నాడు. ఇందులో నాలుగు రాశుల వారికి అత్యంత అరుదైన శశ మహా పురుష యోగం పట్టబోతుండగా, మూడు రాశుల వారికి ఊహించని ధన యోగం పట్టబోతోంది. ఈ ఏడు రాశులుః మేషం, వృషభం, సింహం, కన్య, వృశ్చికం, ధనుస్సు, మకరం, కుంభం. ఇందులో వృషభం, సింహం, వృశ్చికం, కుంభ రాశుల వారు అపురూపమైన శశ మహా పురుష యోగాన్ని అనుభవించబోతున్నారు. మేషం, కన్య, ధనుస్సు, మకర రాశుల వారికి లక్ష్మీ కటాక్ష యోగం పట్టబోతోంది.
1 / 9
మేషం: ఈ రాశివారికి లాభ స్థానంలో శనీశ్వరుడి సంచారం నిజంగా ఒక వరప్రసాదంగా చెప్పవచ్చు. శనీ శ్వరుడు తన స్వక్షేత్రమైన కుంభరాశిలో మరో ఏడాదిన్నర సంచరించడం జరుగుతుంది. ఈ ఏడాదిన్నర కాలంలో ఈ రాశివారు తప్పకుండా కోటీశ్వరులు కావడం, ఆర్థిక సమస్యలన్నీ పూర్తిగా పరిష్కారం కావడం జరుగుతుంది. ఆర్థిక విషయాల్లో తమ మనసులో ఉన్న కోరికలు నెరవేరు తాయి. ఆర్థికంగా మెరుగుదలకు సంబంధించి ఎటువంటి ప్రయత్నం తలపెట్టినా నెరవేరుతుంది.
2 / 9
వృషభం: ఈ రాశివారికి దశమ కేంద్రంలో శనీశ్వరుడు స్వస్థానంలో సంచరిస్తున్నందువల్ల ఈ రాశివారికి శశ మహా పురుష యోగం పట్టింది. ఈ యోగ సమయంలో ఈ రాశివారు వృత్తి, ఉద్యోగ, వ్యాపారాల్లో బ్రహ్మాండంగా పురోగతి చెందడం జరుగుతుంది. ముఖ్యమైన జన సంబంధమైన, పౌర సంబం ధాలు అవసరమైన వృత్తి, ఉద్యోగాల్లో ఉన్నవారికి తిరుగుండదు. రాజకీయాలు, సినిమా, టీవీ, రియల్ ఎస్టేట్, మార్కెటింగ్ వంటి రంగాల వారికి అత్యంత శుభ ఫలితాలు అనుభవానికి వస్తాయి.
3 / 9
సింహం: ఈ రాశివారికి సప్తమ కేంద్రంలో శని సంచారం వల్ల శశ మహా పురుష యోగం పట్టింది. ఈ యోగం వల్ల జనాకర్షణ పెరుగుతుంది. రాజకీయాలు, సినిమా, టీవీ తదితర పబ్లిక్ రిలేషన్స్ రంగాలకు చెందిన వారు అత్యంత ప్రముఖ వ్యక్తులుగా గుర్తింపు పొందే అవకాశం ఉంది. శశ మహా పురుష యోగం వల్ల కీర్తి ప్రతిష్ఠలు బాగా పెరగడంతో పాటు ఉన్నత స్థాయి వ్యక్తులతో పరిచయాలు ఏర్పడడం, వృత్తి, ఉద్యోగాల్లో అధికార యోగంతోపాటు స్థిరత్వం ఏర్పడడం వంటివి జరుగుతాయి.
4 / 9
కన్య: ఈ రాశివారికి మరో ఏడాదిన్నర పాటు ఆదాయంలో గణనీయమైన పెరుగుదల ఉంటుంది. ఆర్థిక సమస్యలు పరిష్కారం కావడం, ఆర్థిక అవసరాలు తీరిపోవడం జరుగుతుంది. శత్రువులు, ప్రత్యర్థులు, పోటీదార్లు మటు మాయం అవుతారు. దీర్ఘకాలిక అనారోగ్యాల నుంచి కూడా ఆశించిన స్థాయిలో ఉపశమనం లభిస్తుంది. ఆస్తి వివాదాలు బాగా అనుకూలంగా పరిష్కారం అవుతాయి. జీవితం నల్లేరు మీద బండిలా సాగిపోతుంది. కుటుంబంలో సుఖ సంతోషాలు వెల్లి విరుస్తాయి.
5 / 9
వృశ్చికం: ఈ రాశివారికి చతుర్థ కేంద్రంలో స్వక్షేత్రంలో శనీశ్వరుడి సంచారం వల్ల శశ మహా పురుష యోగం ఏర్పడింది. కొద్ది ప్రయత్నంతో ప్రతి కార్యమూ, ప్రతి ప్రయత్నమూ సిద్ధిస్తుంది. సమాజంలో ముఖ్య మైన వ్యక్తుల్లో ఒకరుగా మారే అవకాశం ఉంది. రాజకీయ ప్రముఖులతో, ఉన్నతాధికారులతో, ఉన్నత స్థాయి వ్యక్తులతో లాభదాయకమై పరిచయాలు ఏర్పడతాయి. గృహ, వాహన యోగాలు పడతాయి. ఆస్తుల విలువ పెరగడం, ఆస్తులు కలిసి రావడం వంటివి కూడా జరిగే అవకాశం ఉంది.
6 / 9
ధనుస్సు: ఈ రాశివారికి తృతీయ స్థానంలో శనీశ్వరుడి సంచారం వల్ల తప్పకుండా ఆర్థికాభివృద్ధి ఉంటుంది. ఆర్థికపరంగా ఎటువంటి ప్రయత్నం తలపెట్టినా సఫలం అవుతుంది. ప్రతి రంగంలోనూ పురోగతి ఉంటుంది. వృత్తి, ఉద్యోగాల్లో తన మాటకు, చేతకు విలువ, చెల్లుబాటు ఉంటాయి. గౌరవనీయ మైన వ్యక్తులతో పరిచయాలు వృద్ధి చెందుతాయి. ఉద్యోగ, వివాహ ప్రయత్నాలు కొద్ది ప్రయ త్నంతో సఫలం అయ్యే అవకాశం ఉంటుంది. ముఖ్యంగా ఆరోగ్యం బాగా మెరుగుపడుతుంది.
7 / 9
మకరం: ఈ రాశివారికి ద్వితీయ స్థానంలో శనీశ్వరుడి సంచారం వల్ల ఏలిన్నాటి శని ప్రభావం కొద్దిగా ఉన్నప్పటికీ, శని ఈ రాశికి అధిపతి అయినందువల్ల, అందులోనూ ధన స్థానంలో ఉన్నందువల్ల తప్పకుండా ఆర్థికంగా ఆశించిన స్థానానికి చేరుకునే అవకాశం ఉంటుంది. ప్రత్యక్ష ఆదాయ మార్గాలు, పరోక్ష ఆదాయ మార్గాలు సత్ఫలితాలనిస్తాయి. అనేక మార్గాలలో ఆదాయం లభిస్తుంది. ఈ రాశివారి సేవలు రాజకీయంగా, సామాజికంగా కూడా బాగా ఉపయోగపడతాయి.
8 / 9
కుంభం: ఈ రాశిలో శనీశ్వరుడి సంచారం వల్ల ఈ రాశివారికి శశ మహా పురుష యోగం ఏర్పడింది. ఈ రాశివారు స్వయం కృషితో ఉన్నత స్థానాలకు చేరుకోవడం జరుగుతుంది. ఏ రంగానికి చెందిన వారైనప్పటికీ తప్పకుండా పురోగతి ఉంటుంది. ఉద్యోగ, ఆర్థిక స్థిరత్వాలు లభిస్తాయి. జనాకర్షణ బాగా పెరుగుతుంది. రాజకీయంగా ప్రాధాన్యం సంపాదించుకుంటారు. సేవా కార్యక్రమాల్లో విరివిగా పాల్గొంటారు. సమాజంలో కీర్తి ప్రతిష్ఠలు పెరుగుతాయి. వృత్తి, ఉద్యోగాల్లో ప్రాభవం, ప్రాబల్యం వృద్ధి చెందుతాయి.
