Sleeping Tips: ‘కునుకమ్మ ఎటు పోతివే..’ రాత్రిళ్లు కమ్మని నిద్ర కోసం ఇలా చేయండి..
రోజంతా ఉత్సాహంగా ఉండాలంటే శరీరానికి తగినంత విశ్రాంతి అవసరం. అందుకు రాత్రిళ్లు కనీసం 7 నుంచి 8 గంటల నిద్ర చాలా ముఖ్యం. తగినంత నిద్ర లేకపోవడం వల్ల అనేక సమస్యలు తలెత్తుఆయి. నిద్రలేమి మధుమేహం వంటి సమస్యలకు దారి తీస్తుంది. కానీ నేటి బిజీ లైఫ్‌లో చాలా మందికి నిద్రపోవడానికి కూడా తగినంత సమయం దొరకడం లేదు. మానసిక ఒత్తిడి లేదా ఇతర కారణాల వల్ల కూడా నిద్ర సరిగ్గా పట్టదు. ఫలితంగా అనేక ఆరోగ్య సమస్యలు ..
రోజంతా ఉత్సాహంగా ఉండాలంటే శరీరానికి తగినంత విశ్రాంతి అవసరం. అందుకు రాత్రిళ్లు కనీసం 7 నుంచి 8 గంటల నిద్ర చాలా ముఖ్యం. తగినంత నిద్ర లేకపోవడం వల్ల అనేక సమస్యలు తలెత్తుఆయి. నిద్రలేమి మధుమేహం వంటి సమస్యలకు దారి తీస్తుంది. కానీ నేటి బిజీ లైఫ్‌లో చాలా మందికి నిద్రపోవడానికి కూడా తగినంత సమయం దొరకడం లేదు.
మానసిక ఒత్తిడి లేదా ఇతర కారణాల వల్ల కూడా నిద్ర సరిగ్గా పట్టదు. ఫలితంగా అనేక ఆరోగ్య సమస్యలు తలెత్తుతాయి. మంచి నిద్ర కోసం ఈ కింది చిట్కాలు పాటిస్తే సరి. సరిపడా నిద్రపోవచ్చు.. రాత్రిళ్లు మంచి నిద్ర కోసం టీవీ, ఫోన్ లేదా ల్యాప్‌టాప్ లను దూరంగా పెట్టాలి. నిద్రపోవడానికి కనీసం 2 గంటల ముందు విద్యుత్ పరికరాలను వినియోగించడం మానుకోవాలి.
దాదాపు అందరూ టీ, కాఫీలకు బానిసలు. అందులో ఎలాంటి సందేహం లేదు. కానీ వాటిని అతిగా తాగవద్దు. నిద్రపోయే ముందు టీ, కాఫీలు అస్సలు తీసుకోకూడదు. మద్యం సేవించడం వల్ల కూడా నిద్రకు ఆటంకం కలుగుతుంది. కాబట్టి రాత్రిపూట మద్యానికి దూరంగా ఉండాలి. మద్యపానానికి మాత్రమే కాకుండా, ధూమపానానికి కూడా దూరంగా ఉండటం మంచిది.
నిద్రపోయే ముందు ధ్యానం చేస్తే మంచి నిద్ర మీ సొంతం అవుతుంది. ధ్యానం మనస్సును ప్రశాంతపరుస్తుంది. ఫలితంగా మంచి నిద్ర వస్తుంది. మీ మానసిక ఆరోగ్యం కూడా మెరుగుపడుతుంది.
వ్యాయామం కూడా చేయొచ్చు. ఇది మీ నిద్రను మెరుగుపరచడమే కాకుండా, మీ మొత్తం ఆరోగ్యంగా ఉంచుతుంది. అలాగే నిద్రపోయే ముందు ఎక్కువ నీళ్లు తాగకూడదు.