ఎండాకాలంలో నిమ్మరసం తాగేముందు ఈ భయంకర నిజాలు తెలుసుకోండి.. లేకపోతే ఏమవుతుందో తెలుసా..?
ఎండాకాలం వచ్చిందంటే చాలు.. గొంతు తడారిపోతుంది. ఆ దాహాన్ని తీర్చుకోవడానికి మనకు వెంటనే గుర్తొచ్చేది చల్లని నిమ్మరసం. శరీరానికి విటమిన్ సి అందిస్తూ, ఇన్స్టంట్గా ఎనర్జీని ఇచ్చే ఈ డ్రింక్ వేసవిలో ఒక వరప్రసాదం లాంటిది. అయితే ఏదైనా మితంగా ఉంటేనే ముద్దు.. అతి అయితే అరిష్టం అన్నట్లు, నిమ్మరసం విషయంలో కూడా ఇదే సూత్రం వర్తిస్తుంది. కేవలం డిటాక్స్ పేరుతో రోజుకు పదిసార్లు నిమ్మరసం తాగే వారు తాజా పరిశోధనలు వెల్లడిస్తున్న ఈ షాకింగ్ నిజాలను తెలుసుకోవాల్సిందే.
జీర్ణవ్యవస్థపై పంజా: చాలామంది ఉదయాన్నే నిద్రలేవగానే పరగడుపున నిమ్మరసం తాగడం ఆరోగ్యానికి మంచిదని భావిస్తారు. అయితే ఇది అందరికీ వర్తించదు. ముఖ్యంగా జీర్ణవ్యవస్థ బలహీనంగా ఉన్నవారు లేదా గ్యాస్ట్రిక్ సమస్యలతో బాధపడేవారు ఖాళీ కడుపుతో నిమ్మరసం తీసుకుంటే, అందులోని సిట్రిక్ యాసిడ్ కడుపులోని ఆమ్ల స్థాయిలను అమాంతం పెంచేస్తుంది. దీనివల్ల కడుపులో మంట, వికారం, ఎసిడిటీ, గ్యాస్ వంటి సమస్యలు తలెత్తుతాయి. దీర్ఘకాలంలో ఇది పేగుల గోడలపై ప్రభావం చూపి అల్సర్లు రావడానికి కూడా కారణం కావచ్చు.
ఎముకల పటుత్వం దెబ్బతినే ప్రమాదం: నిమ్మరసం అతిగా తాగడం వల్ల శరీరంలోని పొటాషియం స్థాయిలలో అసమతుల్యత ఏర్పడుతుంది. నిమ్మకాయలోని ఆమ్ల గుణాలు శరీరంలోని క్యాల్షియం శోషణపై ప్రభావం చూపుతాయి. దీనివల్ల ఎముకలు క్రమంగా తమ బలాన్ని కోల్పోయి బలహీనపడతాయి. కొంతమందిలో కీళ్ల నొప్పులు లేదా ఆర్థరైటిస్ వంటి సమస్యలు ఉన్నవారికి, నిమ్మరసం అతిగా తీసుకోవడం వల్ల ఆ నొప్పులు మరింత తీవ్రమయ్యే అవకాశం ఉందని వైద్యులు హెచ్చరిస్తున్నారు.
చర్మ సమస్యలు: నిమ్మరసం తాగితే చర్మం కాంతివంతంగా మారుతుందని మనం వింటుంటాం. కానీ నిమ్మకాయకు ఫోటో సెన్సిటివిటీ పెంచే గుణం ఉంటుంది. నిమ్మరసం ఎక్కువగా తాగిన వారు ఎండలోకి వెళ్లినప్పుడు సూర్యరశ్మి ప్రభావం వారి చర్మంపై ఎక్కువగా ఉంటుంది. దీనివల్ల చర్మంపై దద్దుర్లు రావడం, ఎర్రగా కందిపోవడం లేదా విపరీతమైన దురద రావడం వంటి సమస్యలు ఎదురవుతాయి. ముఖ్యంగా సెన్సిటివ్ స్కిన్ ఉన్నవారు వేసవిలో నిమ్మరసం విషయంలో జాగ్రత్తగా ఉండాలి.
దంతాల ఎనామెల్కు ముప్పు: నిమ్మకాయలోని అధిక ఆమ్లత్వం దంతాల పైపొర అయిన ఎనామెల్ను క్రమంగా కరిగించేస్తుంది. నిమ్మరసం తాగిన తర్వాత దంతాలు జివ్వుమనడం లేదా పిప్పి పళ్ళు రావడం వంటివి జరిగే అవకాశం ఉంది. అందుకే నిమ్మరసం తాగిన వెంటనే మంచి నీటితో నోటిని శుభ్రం చేసుకోవాలని దంతవైద్యులు సూచిస్తుంటారు.
ఆరోగ్యకరమైన మార్గం ఏది?: నిమ్మరసం వల్ల కలిగే ప్రయోజనాలను మాత్రమే పొందాలంటే కొన్ని నియమాలు పాటించాలి. రోజుకు ఒక గ్లాసు లేదా గరిష్టంగా రెండు గ్లాసుల నిమ్మరసం సరిపోతుంది. నిమ్మరసంలో కొద్దిగా తేనె కలిపి తీసుకోవడం వల్ల ఆమ్ల ప్రభావాన్ని కొంతవరకు తగ్గించవచ్చు. పరగడుపున తాగినప్పుడు ఏవైనా ఇబ్బందులు అనిపిస్తే, బ్రేక్ఫాస్ట్ చేసిన తర్వాత తీసుకోవడం ఉత్తమం.