Heart Health: గుండె ఆరోగ్యం కోసం ఖాళీ కడుపుతో తప్పక తాగాల్సిన 5 డ్రింక్స్.. లిస్టులో ఏమేం ఉన్నాయంటే..?
Heart Health: రోజువారీ జీవితంలో ఎదురయ్యే ఒత్తిడి, ఆందోళన ఆరోగ్యంపై.. ముఖ్యంపై గుండె పనితీరుపై చెబు ప్రభావం చూపుతాయి. ఈ కారణంగానే గుండె సంబంధిత సమస్యలతో బాధపడేవారి సంఖ్య కూడా నానాటీకి పెరుగుతోంది. గుండె ఆరోగ్యం కోసం జాగ్రత్తలు తీసుకోకుంటే ప్రాణాంతక పరిస్థితులను ఎదుర్కోవాల్సి ఉంటుంది. ఈ మేరకు ఉదయాన్నే ఖాళీ కడుపుతో కొన్ని రకాల డ్రింక్స్ తాగితే గుండె ఆరోగ్యం మెరుగుపడుతుందని నిపుణులు చెబుతున్నారు.
నిమ్మకాయ-తేనె నీరు: ఉదయాన్నే గోరువెచ్చని నీటిలో నిమ్మకాయ రసం, తేనె కలిపి తాగితే శరీరానికి విటమిన్ సి, యాంటీ ఆక్సిడెంట్లు లభిస్తాయి. ఫలితంగా రోగ నిరోధక శక్తి మెరుగుపడడంతో పాటు గుండెపోటు, రక్తపోటు ప్రమాదం తగ్గుతాయి. జీర్ణవ్యవస్థ కూడా మెరుగుపడుతుంది.
క్రాన్బెర్రీ జ్యూస్: క్రాన్‌బెర్రీస్‌లో యాంటీఆక్సిడెంట్లు, పాలీఫెనాల్స్, విటమిన్స్, మినరల్స్ పుష్కలంగా ఉంటాయి. ఇవి హృదయ సంబంధ వ్యాధుల ప్రమాదాన్ని తగ్గించడం ద్వారా గుండె ఆరోగ్యాన్ని కాపాడతాయి. చక్కెర కలపకుండా క్రాన్బెర్రీ జ్యూస్‌ని ఉదయాన్నే ఖాళీ కడుపుతో తాగితే గుండెకు మరింత మేలు జరుగుతుంది.
సీజన్‌ మారినప్పుడు ఫ్లూ, జలుబు చాలా సాధారణం. చల్లని గాలి కారణంగా పొడి దగ్గు, జలుబు చికాకు పెడుతుంది. సమయానికి జలుబు నివారణకు తగిన చర్యలు తీసుకోకపోతే, న్యుమోనియా వచ్చే అవకాశం మరింత పెరుగుతుంది. జ్వరం-జలుబు ఎక్కువ కాలం తగ్గకపోతే, తప్పనిసరిగా యాంటీబయాటిక్స్ సహాయం తీసుకోవాలి. కేవలం పారాసిటమాల్ తీసుకోవడం వల్ల జలుబు, దగ్గు తగ్గిపోదు. కానీ వీటి నుంచి ఉపశమనం పొందడానికి కొన్ని ప్రత్యక జాగ్రత్తలు కూడా తీసుకోవాలి.
బీట్‌రూట్ జ్యూస్: బీట్‌రూట్ జ్యూస్ నైట్రేట్‌లతో సహా అనేక రకాల పోషకాలకు పవర్‌హౌస్. ఇది రక్త నాళాలను విస్తరించి రక్త ప్రసరణను క్రమబద్ధీకరిస్తుంది. తద్వారా ఉదయాన్నే బీట్‌రూట్ రసం తాగడం వల్ల మీ గుండెకు కూడా మేలు జరుగుతుంది.
గ్రీన్ టీ: క్యాటెచిన్స్ అనే యాంటీ ఆక్సిడెంట్లు కలిగిన గ్రీన్ టీ గుండె ఆరోగ్యానికి ఉపయోగపడుతుంది. ఖాళీ కడుపుతో ఒక కప్పు గ్రీన్ టీ తాగడం వల్ల కొలెస్ట్రాల్ స్థాయిలు తగ్గుతాయి. ఫలితంగా రక్తనాళాల పనితీరును మెరుగుపరచడంతో పాటు రక్తపోటు, గుండెపోటు రిస్క్ తగ్గుతుంది.