Kitchen Hacks: మసాలా దినుసులకు పురుగులు పట్టకూడదంటే ఇలా చేయండి..
వర్షాకాలంలో సాధారణంగా మసాలా దినుసులకు, బియ్యానికి పురుగుల పడుతూ ఉంటాయి. ఈ సీజన్‌లో ఎక్కువగా తేమగా ఉంటుంది. కాబట్టి ఈ తేమకు ఇంట్లోకి కూడా కీటకాలు ఎక్కువగా వస్తూ ఉంటాయి. ఈ కారణంగానే ఇంట్లోని సరుకులకు పురుగులు పడుతూ ఉంటాయి. భారత దేశంలో మసాలా దినుసులను, పొడులను ఎక్కువగా ఉపయోగిస్తూ ఉంటారు. కానీ వర్షా కాలంలోని తేమ వల్ల బియ్యానికి, మసాలా పొడులకు కీటకాలు..
వర్షాకాలంలో సాధారణంగా మసాలా దినుసులకు, బియ్యానికి పురుగుల పడుతూ ఉంటాయి. ఈ సీజన్‌లో ఎక్కువగా తేమగా ఉంటుంది. కాబట్టి ఈ తేమకు ఇంట్లోకి కూడా కీటకాలు ఎక్కువగా వస్తూ ఉంటాయి. ఈ కారణంగానే ఇంట్లోని సరుకులకు పురుగులు పడుతూ ఉంటాయి.
భారత దేశంలో మసాలా దినుసులను, పొడులను ఎక్కువగా ఉపయోగిస్తూ ఉంటారు. కానీ వర్షా కాలంలోని తేమ వల్ల బియ్యానికి, మసాలా పొడులకు కీటకాలు, పురుగుల పడతాయి. అయితే కొన్ని చిట్కాలతో మసాలా దినుసులకు, పొడులకు, బియ్యానికి పురుగులు పట్టకుండా చేయవచ్చు. అదెలాగో ఇప్పుడు చూద్దాం.
దాల్చిన చెక్కతో కూడా మసాలాలకు పురుగులు పట్టకుండా చేయవచ్చు. దాల్చిన చెక్క ముక్కలను బియ్యం, మసాలా పొడులు ఉన్న వాటిల్లో వేయాలి. ఇలా చేయడం వల్ల పురుగులు పట్టవు. దాల్చిన చెక్క సహజ కీటకనాశనిగా పని చేస్తుంది.
లవంగాలతో కూడా పురుగులు పట్టకుండా చేయవచ్చు. పంచదారకు చీమలు పట్టకూడదంటే.. ఒక చిన్న కవర్‌లో లవంగాలు వేసి.. ఈ డబ్బాలో ఉంచండి. ఇలా చేయడం వలన చీమలు పట్టకుండా ఉంటాయి. ఉప్పులో వేయడం వలన త్వరగా తేమగా అవ్వదు.
వేపాకులు, వెల్లుల్లి ఉంచడం వల్ల కూడా పురుగులు, కీటకాలు పట్టకుండా ఉంటాయి. అలాగే ఎప్పటికప్పుడు ఎండలో వేస్తూ ఉండాలి. ఇలా చేయడం వల్ల పురుగు పట్టకుండా ఉంటాయి. మసాలా దినుసులు డబ్బాల్లో కాకుండా.. ప్యాకెట్లలో నిల్వ ఉంచితే ఎక్కువ రోజులు నిల్వ ఉంటాయి. (NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)