Sourav Ganguly: ఆ మరపురాని విజయానికి 20 ఏళ్లు.. బ్రిటన్ పార్లమెంట్‌లో బెంగాల్‌ టైగర్‌కు ఘన సన్మానం..
2002 జులై 13న లార్డ్స్‌ వేదికగా జరిగిన నాట్‌వెస్ట్‌ ఫైనల్‌లో ఇంగ్లండ్‌పై అద్భుత విజయం సాధించింది టీమిండియా. మ్యాచ్‌ విజయం అనంతరం గంగూలీ షర్ట్‌ విప్పి గాల్లోకి గిరాగిరా తిప్పిన ఫొటోలు, వీడియోలు అప్పట్లో సంచలనం రేపాయి. కాగా ఈ మ్యాచ్‌ జరిగి (జులై 13) సరిగ్గా ఇరవై ఏళ్లయ్యాయి.
2002 జులై 13న లార్డ్స్‌ వేదికగా జరిగిన నాట్‌వెస్ట్‌ ఫైనల్‌లో ఇంగ్లండ్‌పై అద్భుత విజయం సాధించింది టీమిండియా. మ్యాచ్‌ విజయం అనంతరం గంగూలీ షర్ట్‌ విప్పి గాల్లోకి గిరాగిరా తిప్పిన ఫొటోలు, వీడియోలు అప్పట్లో సంచలనం రేపాయి. కాగా ఈ మ్యాచ్‌ జరిగి (జులై 13) సరిగ్గా ఇరవై ఏళ్లయ్యాయి.
ఈ సందర్భంగా టీమ్‌ఇండియా మాజీ కెప్టెన్‌, బీసీసీఐ అధ్యక్షుడు సౌరభ్‌ గంగూలీని బ్రిటిష్‌ పార్లమెంట్ ఘనంగా సత్కరించింది. ఈ అవార్డు కోసం ఆరు నెలల క్రితం బ్రిటన్ పార్లమెంట్ బీసీసీఐ అధ్యక్షుడిని సంప్రదించింది.
కాగా బ్రిటన్ పార్లమెంట్‌లో తనకు సత్కారం జరిగిందని బెంగాల్‌ టైగర్‌ తెలిపాడు. ప్రతి ఏడాది ఈ అవార్డును ఇస్తుంటార‌ని, తనకు ఈసారి ద‌క్కిన‌ట్లు సౌరవ్ తెలిపారు.
ఈ సన్మాన కార్యక్రమంలో గంగూలీ సతీమణి డోనా గంగోపాధ్యాయ కూడా పాల్గొన్నారు.
సౌరవ్ కూతురు సనా లండన్‌లో చదువుకుంది. ఈసారి బోర్డు అధ్యక్షుడు తన పుట్టినరోజును అక్కడే గడిపారు. ఇంగ్లండ్‌లో భారత జట్టు పర్యటన కూడా కొనసాగుతోంది.