కోలీవుడ్లో టాప్.. తెలుగులో హవా చూపించలేకపోతున్న మ్యూజిక్ డైరెక్టర్ ఎవరంటే?
ఇంట గెలిచేశాం.. ఇక రచ్చ గెలవటమే తరువాయి అని ఫిక్స్ అయిపోతున్నారు మన స్టార్స్. ఇన్నాళ్లు మనం మన సినిమా అంటూ మడి కట్టుకు కూర్చున్న తమిళ సినిమా జనాలు కూడా ఇప్పుడు పక్క చూపులు చూస్తున్నారు. ఆల్రెడీ హీరోలు స్ట్రయిట్ తెలుగు సినిమా మీద ఖర్చీఫ్ వేస్తుంటే... ఇప్పుడు నా టర్న్ అంటున్నారు యంగ్ మ్యూజిక్ డైరెక్టర్ అనిరుధ్ రవిచందర్.
కోలీవుడ్లో టాప్ చైర్ అందుకున్నా... తెలుగులో మాత్రం హవా చూపించలేకపోతున్నారు మ్యూజిక్ సెన్సేషన్ అనిరుద్ రవిచంద్రన్. పవర్ స్టార్ పవన్ కల్యాణ్ హీరోగా తెరకెక్కిన అజ్ఞాతవాసి సినిమాతో టాలీవుడ్లో అడుగుపెట్టారు ఈ మ్యూజిక్ సెన్సేషన్.
అయితే ఫస్ట్ సినిమానే డిజస్టర్ కావటంతో అనిరుధ్కి పెద్దగా అవకాశాలు రాలేదు. జెర్సీ, గ్యాంగ్ లీడర్ సినిమాలు చేసినా పెద్దగా క్రేజ్ రాలేదు. రీసెంట్గా దేవరతో టాలీవుడ్ స్క్రీన్ మీద కూడా తొలి బ్లాక్ బస్టర్ అందుకున్నారు అనిరుధ్.
దేవర సక్సెస్తో వచ్చిన క్రేజ్ను అలాగే కంటిన్యూ చేసేందుకు ప్లాన్ చేసుకుంటున్నారు అనిరుధ్. అందుకే తన బీట్స్కు పర్ఫెక్ట్గా సెట్ అయ్యే కాంబినేషన్స్ను సెలక్ట్ చేసుకుంటున్నారు. బాలయ్య నెక్ట్స్ మూవీకి గ్రీన్ సిగ్నల్ ఇచ్చారు. గోపిచంద్ మలినేని కెప్టెన్సీలో బాలయ్య చేయబోయే సినిమాకు అనిరుధ్ బాణీలు అందించబోతున్నారన్నది టాలీవుడ్ సర్కిల్స్లో నయా అప్డేట్.
బన్నీ - త్రివిక్రమ్ కాంబినేషన్లో తెరకెక్కుతున్న పాన్ ఇండియా సినిమాకూ అనిరుధే సంగీతమందించబోతున్నారు. ఆల్రెడీ తివిక్రమ్ - అనిరుధ్ కాంబినేషన్లో మంచి మ్యూజికల్ హిట్స్ వచ్చాయి.
ఇప్పడు వీళ్లకు బన్నీ ఎనర్జీ కూడా యాడ్ అయితే ఆ సక్సెస్ సౌండ్ నెక్ట్స్ లెవల్లో ఉంటుందంటున్నారు మ్యూజిక్ లవర్స్. అంతేకాదు ఈ లైనప్ చూస్తుంటే అనిరుధ్ టాలీవుడ్లోనూ బిజీ అవ్వటం పక్కా అని ఫిక్స్ అవుతున్నారు.