Silver Reserves: వెండి నిల్వల రేసులో టాప్ దేశాలు ఇవే.. ఇండియా ర్యాంక్ ఎంత? కొత్త రూల్స్ ఎఫెక్ట్!
Silver Reserves: ప్రపంచంలో అత్యధిక వెండి నిల్వలు కలిగిన దేశాలను పరిశీలిద్దాం. కేంద్ర వాణిజ్య, పరిశ్రమల మంత్రిత్వ శాఖ పరిధిలోని విదేశీ వాణిజ్య డైరెక్టరేట్ జనరల్ (DGFT), వెండి దిగుమతులను నియంత్రించే లక్ష్యంతో ఒక కొత్త ముఖ్యమైన నోటిఫికేషన్ను జారీ చేసింది.
Silver Reserves: యూఎస్ జియోలాజికల్ సర్వే (USGS) నివేదికల ప్రకారం.. ప్రపంచంలోనే అత్యధికంగా వెండి నిల్వలు ఉన్న దేశాల జాబితా, ఉత్పత్తి వివరాలు ఇలా ఉన్నాయి. ఈ నేపథ్యంలో యునైటెడ్ స్టేట్స్ జియోలాజికల్ సర్వే (USGS) వారి ప్రపంచ నివేదిక ప్రకారం.. ప్రపంచంలో అత్యధిక వెండి నిల్వలు కలిగిన దేశాల వివరాలు వెల్లడయ్యాయి.
దక్షిణ అమెరికా దేశమైన పెరూ, సుమారు 1,40,000 మెట్రిక్ టన్నుల వెండి నిల్వలతో ప్రపంచంలోనే మొదటి స్థానంలో ఉంది. సుమారు 94,000 మెట్రిక్ టన్నుల నిల్వలతో ఆస్ట్రేలియా రెండవ స్థానంలో, 92,000 మెట్రిక్ టన్నుల నిల్వలతో రష్యా మూడవ స్థానంలో ఉన్నాయి. మెక్సికో (Mexico) నిల్వలు తక్కువగా ఉన్నప్పటికీ, ప్రపంచంలోనే అత్యధికంగా వెండిని ఉత్పత్తి చేసే దేశంగా మెక్సికో అగ్రస్థానంలో కొనసాగుతోంది.
ఇందులో భారతదేశం స్థానం ఎంత?: ప్రపంచ దేశాలతో పోలిస్తే వెండి నిల్వల పరంగా భారతదేశం 10వ స్థానంలో ఉంది. భారత్లో దాదాపు 8,000 మెట్రిక్ టన్నుల వెండి నిల్వలు ఉన్నట్లు అంచనా. అయితే, మన దేశంలో వెండి వాడకం (ముఖ్యంగా ఆభరణాలు, పరిశ్రమలు, సాంప్రదాయ వస్తువులు) చాలా ఎక్కువ.
దేశీయంగా ఉత్పత్తి తక్కువగా ఉండటం వల్ల భారత్ తన అవసరాల కోసం అత్యధిక భాగం విదేశీ దిగుమతులపైనే ఆధారపడుతోంది. భారత ప్రభుత్వం దేశీయ మార్కెట్ను క్రమబద్ధీకరించడానికి, విదేశీ మారక నిల్వలను కాపాడుకోవడానికి వెండి దిగుమతి నియమాలను కఠినతరం చేసింది. వెండిని గతంలో ఉన్న 'ఫ్రీ' జాబితా నుండి తొలగించి, 'రిస్ట్రిక్టెడ్' (పరిమిత/నియంత్రిత) జాబితాలోకి చేర్చారు.
అంటే ఇకపై విదేశాల నుండి వెండిని దిగుమతి చేసుకోవాలంటే వ్యాపారులు ప్రభుత్వ ముందస్తు అనుమతి లేదా లైసెన్స్ తీసుకోవడం తప్పనిసరి. ఈ ఆంక్షల వల్ల దిగుమతులు నెమ్మదించి, దేశీయ మార్కెట్లో ఫిజికల్ వెండి కొరత ఏర్పడే అవకాశం ఉంది. దీనివల్ల రాబోయే రోజుల్లో వెండి ధరలు అంతర్జాతీయ మార్కెట్ కంటే దేశీయ మార్కెట్లలో వేగంగా పెరిగే అవకాశం ఉందని నిపుణులు విశ్లేషిస్తున్నారు.