Best Scheme: డబ్బే.. డబ్బు.. నెలకు కేవలం రూ.1000 డిపాజిట్ చేస్తే చాలు.. చేతికి రూ.5.54. లక్షలు!
Best Scheme: నెలకు కేవలం 1000 రూపాయలే డిపాజిట్ చేస్తే చాలు తక్కువ సమయంలోనే లక్షలాది రూపాయలను పొందవచ్చు. ఏకంగా రూ.5.54 లక్షల వరకు చేతికి వస్తుంది. ఇది ప్రభుత్వ స్కీమ్. ఇందులో ఎలాంటి రిస్క్ ఉండదు. పైగా ప్రభుత్వం మీ డబ్బులకు పూర్తిగా భరోసా ఇస్తుంది..
Best Scheme: బాలికల భవిష్యత్తును సురక్షితం చేసేందుకు ప్రారంభించిన సుకన్య సమృద్ధి యోజన (SSY ). దేశంలో అత్యంత ప్రజాదరణ పొందిన చిన్న పొదుపు పథకాలలో ఒకటిగా నిలిచింది. దీని అతిపెద్ద ప్రత్యేకత కేవలం అధిక వడ్డీ రేటు మాత్రమే కాదు, దీని ప్రత్యేకమైన పెట్టుబడి నిబంధనలు కూడా. ప్రభుత్వం నిర్వహిస్తున్న చిన్న పొదుపు పథకాలలో సుకన్య సమృద్ధి యోజన ఒకటి. మహిళల కోసం ఉన్న కొన్ని పథకాలలో ఇది కూడా ఒకటి. చిన్న పొదుపు పథకాలలో అత్యధిక వడ్డీని అందించే పథకాలలో ఇది కూడా ఒకటి. సుకన్య సమృద్ధి యోజనలో చేసిన పెట్టుబడి మెచ్యూరిటీకి చేరుకోవడానికి కనీసం 15 సంవత్సరాలు పడుతుంది. అందుకే ఇది దీర్ఘకాలిక పెట్టుబడి కోసం రూపొందించిన పథకం.
సుకన్య సమృద్ధి యోజనలో ఎలా పెట్టుబడి పెట్టాలి?: సుకన్య సమృద్ధి యోజన పథకాన్ని ఏదైనా పోస్టాఫీసు లేదా బ్యాంకు నుండి పొందవచ్చు. మీకు 10 సంవత్సరాల కంటే తక్కువ వయస్సు ఉన్న ఆడపిల్ల ఉంటే మీరు ఆమె పేరు మీద ఖాతా తెరవవచ్చు. సంవత్సరానికి కనీస పెట్టుబడి రూ. 250 మాత్రమే. గరిష్ట పెట్టుబడి సంవత్సరానికి రూ. 1.5 లక్షలకు పరిమితం. పెట్టుబడి కాలం 15 సంవత్సరాలు. అమ్మాయికి 21 సంవత్సరాలు నిండినప్పుడు ఈ పథకం మెచ్యూరిటీ అవుతుంది. ఉదాహరణకు అమ్మాయికి 1 సంవత్సరం వయస్సు వచ్చినప్పుడు మీరు ఈ ఖాతాను తెరిచి 15 సంవత్సరాలు చెల్లించాలి. ఆ తర్వాత చెల్లించాల్సిన అవసరం లేదు.
అమ్మాయికి 21 సంవత్సరాలు వచ్చే వరకు ఖాతాలోని డబ్బుపై వడ్డీ చెల్లించడం కొనసాగుతుంది. 21 సంవత్సరాల వయస్సు తర్వాత, డబ్బును పూర్తిగా ఖాతా నుండి ఉపసంహరించుకోవచ్చు. అమ్మాయికి 18 ఏళ్లు నిండినప్పుడు ఆమె ప్రతి పక్షం రోజులకు ఒకసారి డబ్బును ఉపసంహరించుకోవడానికి అనుమతిస్తారు. ఆమె చదువు లేదా వివాహ ఖర్చుల కోసం 50% డబ్బును ఉపసంహరించుకోవచ్చు.
నెలకు రూ.1,000 ఇన్వెస్ట్ చేస్తే ఎంత రాబడి వస్తుంది?: మీరు మీ సుకన్య సమృద్ధి యోజన ఖాతాలో నెలకు రూ.1,000 చొప్పున డిపాజిట్ చేశారంటే సంవత్సరానికి రూ.12,000 అవుతుంది. అదే 15 సంవత్సరాలలో మీరు చెల్లించే మొత్తం రూ.1.8 లక్షలు అవుతుంది. ప్రస్తుత 8.2% వడ్డీ రేటు కొనసాగుతుందని ఊహిస్తే 21 సంవత్సరాల తర్వాత రూ.3.74 లక్షల వడ్డీతో సహా మొత్తం రాబడి రూ.5,54,206 అవుతుంది.
ఏడాదికి రూ.1.5 లక్షలు జమ చేస్తే..: ఈ పథకంలో ఒక కుటుంబం ప్రతి సంవత్సరం రూ.1.5 లక్షలు జమ చేస్తుందని అనుకుందాం.. వడ్డీ రేటు దాదాపు 8.2%. 15 సంవత్సరాలలో మీరు పెట్టిన పెట్టుబడి మొత్తం రూ.22.5 లక్షలు అవుతుంది. ఇక మొత్తం వడ్డీ, అసలు కలుపుకొని మీకు వచ్చేది రూ.45 లక్షల కంటే ఎక్కువ. పెట్టుబడి 15 సంవత్సరాలు మాత్రమే. కానీ ఆ తరువాత కూడా 6 సంవత్సరాల పాటు జోడించిన వడ్డీ కారణంగా మీ ఫండ్ మొత్తం చాలా ఎక్కువగా ఉంటుంది.