ఖర్జూరాలు ఆరోగ్యానికి మంచిది. క్రమం తప్పకుండా ఖర్జూరం తినడం వల్ల నాడీ వ్యవస్థ పనితీరు మెరుగుపడుతుంది. కండరాలు బలోపేతం అవుతాయి. రోగనిరోధక శక్తిని పెంచడంలో ఖర్జూరం సహాయపడుతుంది. కంటి చూపును మెరుగుపరుస్తాయి. గుండె జబ్బులు, స్ట్రోక్ ప్రమాదాన్ని తగ్గించడంలోనూ ఖర్జూరాలు పాత్ర కీలకం.
ప్రకృతి అందించిన అద్భుత ఆహారం ఖర్జూరం. ఖర్జూరం శరీర ఆరోగ్యానికి మాత్రమే కాకుండా చర్మం, జుట్టుకు కూడా మేలు చేస్తుంది.అలాగే ఖర్జూరంలో మాంగనీస్, ఫోలిక్ యాసిడ్, మెగ్నీషియం, విటమిన్ ఎ, కాపర్ అధికంగా ఉంటాయి. ఈ పోషకాలు చర్మం, జుట్టుకు పోషణను అందిస్తుంది.
ఖర్జూరంతో డేట్ ఫేస్ స్క్రబ్ను కూడా తయారు చేసుకోవచ్చు. ఎలా తయారు చేసుకోవాలంటే.. ముందుగా నాలుగైదు ఖర్జూరాలను ఒక కప్పు పాలలో రాత్రంతా నానబెట్టుకోవాలి. తర్వాత ఉదయాన్నే లేచి మిక్సీలో వేసి మెత్తని పేస్ట్లా చేసుకోవాలి. తర్వాత ఈ పేస్ట్లో ఒక స్పూన్ తేనె, ఒక స్పూన్ సెమోలినా మిక్స్ చేయాలి. ఈ మిశ్రమాన్ని ముఖానికి అప్లై చేసి రెండు నిమిషాల పాటు స్క్రబ్ చేసుకోవాలి. తర్వాత నీళ్లతో ముఖాన్ని కడిగేసుకోవాలి.
నానబెట్టిన ఖర్జూరాలను మిక్సీలో పేస్ట్ చేసుకుని అందులో ఒక స్పూన్ ఫుల్ క్రీమ్ మిల్క్, ఒక స్పూన్ నిమ్మరసం కలపాలి. తర్వాత ఈ మిశ్రమాన్ని ముఖానికి పట్టించి పదిహేను నిమిషాల పాటు అలాగే ఉంచాలి. ఆరిన తర్వాత నీళ్లతో ముఖాన్ని కడగాలి. ఈ ప్యాక్ని వారానికి రెండు సార్లు వాడితో ముఖం కాంతులీనుతుంది.
ఖర్జూరాలను జుట్టుకు కూడా వినియోగించవచ్చు. ఇందుకోసం పన్నెండు ఖర్జూరాలను నీళ్లలో వేసి బాగా మరిగించాలి. తర్వాత ఖర్జూరాలను తీసివేసి ఆ నీళ్లు పూర్తిగా చల్లార్చుకోవాలి. తర్వాత ఆ నీళ్లతో జుట్టును కడిగేసుకోవాలి. అయితే వెంటనే షాంపూతో తల స్నానం చేయకూడదు. ఖర్జూరం నీళ్లతో జుట్టును తడిపిన తర్వాత రెండు నుంచి నాలుగు రోజుల వరకు తలస్నానం చేయకూడదు. జుట్టుకి ఖర్జూరం ఉపయోగించడం వల్ల వెంట్రుకల పెరుగుదల మెరుగుపడుతుంది. జుట్టు పొడిబారడం, రాలడం తగ్గుముఖం పడుతుంది.