Breaking News
  • రోజురోజుకీ కరోనా పాజిటివ్‌ కేసులు పెరుగుతుండటంతో కేంద్రం అప్రమత్తమయ్యింది. గడచిన 24 గంటల్లోనే 438 మంది వైరస్‌ బారిన పడ్డారంటే పరిస్థితి ఎంత ప్రమాదకరంగా ఉందో అర్థం చేసుకోవచ్చు. దేశ వ్యాప్తంగా కరోనా కేసులకు పది ప్రాంతాలు డేంజర్‌ స్పాట్స్‌గా ఉన్నాయని కేంద్రం ప్రకటించింది.
  • అసలే జనం భయంతో బతికేస్తున్నారు. ఈ టైమ్‌లో కరోనాపై అవాకులు చవాకులు పేల్చేవాళ్లు ఎక్కువయ్యారు. కొందరు ఫేక్‌ న్యూస్‌ పోస్టు చేస్తుంటే కొందరు విధులు నిర్వర్తిస్తున్న పోలీసులపై, వైద్యులపై ఇష్టారాజ్యాంగా వ్యవహరిస్తున్నారు. తెలంగాణ సీఎం కేసీఆర్‌ మొత్తం రాష్ట్ర పరిస్థితిని ఆరా తీస్తున్నారు.
  • ఏలూరులో ఒక్కసారిగా ఎనిమిది కరోనా పాజిటివ్‌ కేసులు తెరమీదకు వచ్చాయి. ఇంకెన్ని ఉంటాయోనని ప్రజలు భయపడుతుంటే అలాంటి హై రిస్క్‌ జోన్‌లో నిరంతరం పని చేస్తున్నారు పోలీసులు. ప్రస్తుతం సిటీలో 144 సెక్షన్‌ అమలవుతోంది. కుటుంబాలకు దూరంగా రెడ్‌జోన్‌లో పోలీసులు విధులు నిర్వర్తిస్తున్నారు.
  • ప్రతీది కరోనా కాదు.. పొడిదగ్గు తుమ్ములు ఉంటే వాయుకాలుష్యం. దగ్గు, తెమడ, ముక్కు కారడం, తుమ్ములు వస్తే జలుబు. దగ్గు, తెమడ, తుమ్ములు, ముక్కు కారడం, ఒంటి నొప్పులు, బలహీనత, తేలికపాటి జ్వరం ఫ్లూ లక్షణాలు. పొడిదగ్గు, తుమ్ములు, ఒంటి నొప్పులు, అధిక జ్వరం, బలహీనత, శ్వాస తీసుకోవడంలో ఇబ్బంది ఇవన్నీ కొవిడ్‌-19 లక్షణాలు. ప్రతీది కరోనా కాదు.. కంగారు పడొద్దు..
  • నిజాముద్దీన్ మర్కజ్ కేసులో ఢిల్లీ క్రైం బ్రాంచ్ నోటీసులు. తబ్లీఘీ-జమాత్ చీఫ్ మౌలానా సాద్ సహా 7గురు నిందితులకు నోటీసులు. నిబంధనలు ఎందుకు అతిక్రమించారో రాతపూర్వక వివరణ ఇవ్వాలని ఆదేశం. నిందితుల ఇళ్లకు నోటీసులు పంపించిన క్రైం బ్రాంచ్.

Pawan Kalyan deadline: బీజేపీతో బ్రేకప్‌కు డెడ్‌లైన్.. స్పెషల్ డే మార్చి 13

బీజేపీతో స్నేహం మొన్ననే చిగురించినా.. అప్పుడే బ్రేకప్ దిశగా అడుగులు వేస్తోంది జనసేన పార్టీ. మోదీతోపాటు బీజేపీ జాతీయ నేతలతో జగన్ దోస్తీగా మెలగడంపై పవన్ కల్యాణ్ గుర్రుగా వున్నారని సమాచారం. బీజేపీ, వైసీపీ కలిసినట్లుగా తేలితే విడిపోవడం ఖాయమని ఆయన ఇదివరకే ప్రకటించారు. అయితే తాజాగా ఆయన మరో డెడ్‌లైన్ పెట్టుకున్నట్లు సమాచారం.
pawankalyan new deadline for breakup, Pawan Kalyan deadline: బీజేపీతో బ్రేకప్‌కు డెడ్‌లైన్.. స్పెషల్ డే మార్చి 13

Janasena cheif Pawan Kalyan’s new deadline for break-up with BJP: బీజేపీతో బ్రేకప్‌కు పవన్ కల్యాణ్ డేట్ ఫిక్స్ చేసుకున్నారా? పరిశీలిస్తే అదే కనిపిస్తుందంటున్నారు రాజకీయ పరిశీలకులు. మొన్నీమధ్యే జత కట్టారు కదా.. అప్పుడే బ్రేకప్ ఏంటనిపిస్తున్నా జరిగిన, జరుగుతున్న పరిణామాలు చూస్తుంటే అంతేనంటున్నారు. వైసీపీ అధినేత జగన్ ఈ మధ్య బీజేపీకి దగ్గరవుతున్నట్లు కనిపించడంతో పవన్ కల్యాణ్ బీజేపీకి దూరమవ్వాలని భావిస్తున్నట్లు సమాచారం.

ఇదీ చదవండి: తాగునీటి కొరత నివారణకు కొత్త ప్లాన్

ఆయన దోస్తీ కట్టారు. కానీ అప్పుడే ఝలక్ పడింది. తన రాజకీయ ప్రత్యర్థి కొత్త సిగ్నల్స్‌ పంపారు. దీంతో ఇప్పుడు ఆ సేనాని డైలామాలో పడ్డారు. తన దారెటు? అనేది తేల్చుకోలేకపోతున్నారు. అయితే ఇప్పుడు ఆయనకు ఓ అవకాశం వచ్చింది. ఆ టెస్ట్‌ పూర్తయితే ఏదో ఒక నిర్ణయం తీసుకునే పనిలో ఆయన పడ్డారట. ఇంతకీ పవన్ కల్యాణ్ (Pawan Kalyan)కు ఎదురైన పరీక్ష ఏంటి ? ఆ తర్వాత ఏం నిర్ణయం తీసుకోబోతున్నారు?

ఇదీ చదవండి: జీవో 107పై మడతపేచీ.. రేపట్నించి టీడీపీ ప్లాన్ ఇదే

ఏపీ రాజకీయాల్లో బీజేపీకి జనసేన దగ్గరైంది. కలిసి ఉమ్మడి కార్యాచరణ ముందుకు వెళుతోంది. కలిసి పోరాటాలు చేద్దామని అనుకునే టైమ్‌లో…పవన్‌కు ఓ స్పీడ్‌ బ్రేకర్‌ వచ్చి పడింది. అదే జగన్‌,బీజేపీ దోస్తీ. ఇటీవల ఢిల్లీ వెళ్లిన జగన్‌ ప్రధాని నరేంద్రమోదీ, కేంద్ర హోంశాఖ మంత్రి అమిత్‌షాను కలిశారు. ప్రధాని గంటన్నరకు పైగా సమావేశం అయ్యారు. ఈ మీటింగ్‌ తర్వాత కేంద్ర మంత్రివర్గంలో వైసీపీ చేరుతుందని ప్రచారం జరిగింది. కేబినెట్‌లో చేరాలని ప్రధాని జగన్‌ను ఆహ్వానించారని టాక్‌ పుట్టుకొచ్చింది. అయితే వైసీపీ నేతలు మాత్రం ఈ ప్రచారాన్ని ఖండించారు. ఇటు జగన్‌,బీజేపీ బంధంపై జనసేన అధినేత పవన్‌ కల్యాణ్‌ కూడా రియాక్ట్‌ అయ్యారు. జగన్‌తో బీజేపీ కలిస్తే..తాను దూరమవుతానని చెప్పారు.

ఇదీ చదవండి: జగన్ ప్రభుత్వానికి అమరావతి హైకోర్టు షాక్

ఇప్పుడు పవన్‌ బీజేపీతో కలిసి ఉంటారా? లేదా అనేందుకు తాజా డెడ్‌లైన్‌ మార్చి 13 అని ప్రచారం జరుగుతోంది. ఇటీవల రాజ్యసభ ఎన్నికల నోటిఫికేషన్ వెలువడింది. ఏపీలో నాలుగు సీట్లకు ఎన్నికలు జరగబోతున్నాయి. ఈ సీట్లకు నామినేషన్‌ దాఖలుకు చివరి తేదీ మార్చి 13. నాలుగు సీట్లలో ఒక సీటు బీజేపీకి జగన్‌ ఇస్తారని తెలుస్తోంది. ఆ ఒక సీటుకు బీజేపీ తరపున నామినేషన్‌ పడితే…అదే రోజు కమలంతో దోస్తీకి పవన్‌ కటీఫ్‌ చెబుతారని సమాచారం. దీంతో ఇప్పుడు బీజేపీ,జనసేన బంధానికి మార్చి 13 డెడ్‌లైన్‌గా చెబుతున్నారు. మొత్తానికి ఇప్పుడు బీజేపీకి జగన్‌ రాజ్యసభ సీటు ఇస్తారా? ఆ సీటు ఇచ్చిన వెంటనే పవన్‌ దోస్తీకి కటీఫ్‌ చెబుతారా? అనేది ఇప్పుడు ఏపీ రాజకీయాల్లో ఆసక్తికరంగా మారింది.

ఇదీ చదవండి: మళ్ళీ తెరమీదికి గ్రేటర్ రాయలసీమ.. గంగుల ఉద్యమం

Related Tags