Breaking News
  • తెలుగు రాష్ట్రాలకు రూ.10లక్షలు విరాళం. మలికిపురం మండలం మట్టపర్రు సొంత గ్రామానికి తనవంతు సహాయంగా 5లక్షలు అందజేత.. తన కుటుంబ సభ్యుల ద్వారా తన గ్రామంలో రేషన్ కార్డులు ఉన్న ప్రతి ఒక్కరికీ వెయ్యి రూపాయల చొప్పున పంపిణీ.. కరోనా వైరస్ బారిన పడకుండా జాగ్రత్తగా ఉండాలని పిలుపు..
  • న్యూఢిల్లీ: కరోనా వైరస్ పై జరుగుతున్న యుద్ధంలో విజయం సాధించాలంటే ప్రజల సహకారం మరింత అవసరమని కేంద్ర హోం శాఖ సహాయ మంత్రి కిషన్ రెడ్డి.
  • కాశ్మీర్ లోయలో ఒక్కరోజులోనే 7 కొత్త కరోనా కేసుల నమోదు. శ్రీనగర్‌లో విదేశాలకు వెళ్లొచ్చిన ముగ్గురికి, మతపరమైన ప్రార్థనలకు హాజరైన నలుగురికి కరోనా పాజిటివ్. పాజిటివ్ కేసుల కాంటాక్ట్ ట్రేసింగ్ మొదలు పెట్టిన అధికారులు.
  • విజయనగరం : టివి9 సమచారంతో స్పందించిన విశాఖ రీజియన్ డిఐజి కాళిదాసు రంగారావు ఏపి చెన్నై బోర్డర్ అధికారులతో పాటు చైన్నై కి చెందిన పోలీస్ ఉన్నతాధికారులతో మాట్లాడిన డిఐజి విజయనగరం జిల్లాకు చెందిన వారికి మౌలిక సదుపాయాలు కల్పించాలని విన్నపం బాధితులతో మాట్లాడిన రంగారావు.
  • సూర్యాపేట: మోతె మండలం రాఘవ పురం,నామవరం గ్రామాల్లో దళిత కాలనిలో ఇంటి ఇంటికి తిరిగి కూరగాయలు పంపిణీ చేసిన ఎంపీపీ మీ ఆశా శ్రీకాంత్ రెడ్డి. పంచిన ఎంపీపీ ఆశశ్రీకాంత్ రెడ్డి, పాల్గొన్న సర్పంచ్ లు,ఆశా వర్కర్లు, పోలీస్ సిబ్బంది.
  • కరోనా మహమ్మారి ప్రభావం వివిధ రంగాలపై తీవ్రంగా పడింది. దీని బారి నుంచి ప్రజలను కాపాడటానికి ఇప్పటికే హీరోల నుంచి సినీ నిర్మాతల నుంచి , దర్శకుల నుంచి విరాళాలు వెల్లువెత్తిన సంగతి తెలిసిందే. ఈ సంక్షోభం నుంచి సినిమా రంగాన్ని బయటపడేయటానికి సినీ ప్రముఖులు కంకణం కట్టుకున్నారు.
  • తెలంగాణలో లాక్‌డౌన్‌ ఉన్నా కొంతమంది ఖాతరు చేయడం లేదు. అడ్డదారుల్లో రాష్ట్ర సరిహద్దులు దాటేందుకు ప్రయత్నిస్తున్నారు. కంటైనర్‌లో వందల మంది ఇతర రాష్ట్రాలకు వెళ్లే ప్రయత్నం చేయగా.. పోలీసులు అడ్డుకున్నారు.
  • కరోనా పిశాచి అంతకంతకూ కోరలు చాస్తూ విలయతాండవం చేస్తోంది.. అగ్రరాజ్యం అమెరికా సైతం కరోనా మహమ్మారికి అడ్డుకట్ట వేయలేకపోతోంది. అక్కడ ఒక్కరోజే 18 వేల కొత్త కేసులు నమోదయ్యాయి.

Amaravati News: జీవో 107పై మడతపేచీ.. టీడీపీ నెక్స్ట్ ప్లాన్ ఇదే

అమరావతి రాజధాని పరిధిలో పేదలకు ఇవ్వతలపెట్టిన ఫ్లాట్లపైనా, అందుకోసం జారీ చేసిన జీవో నెంబర్ 107పైనా తెలుగుదేశం పార్టీ భారీ ప్రచారానికి సిద్దమవుతోంది. ఇందుకోసం మూడురోజుల స్పెషల్ యాక్షన్ ప్లాన్‌ని చంద్రబాబు ఖరారు చేశారు.
tdp opposing new go, Amaravati News: జీవో 107పై మడతపేచీ.. టీడీపీ నెక్స్ట్ ప్లాన్ ఇదే

TDP to highlight GO 107 in praja chytanya yatra: అమరావతి రాజధాని ఏరియాలో ఇళ్ళస్థలాల కేటాయింపుపై ఏపీవ్యాప్తంగా రాజకీయ రగడకు రంగం సిద్దమవుతోంది. రేపట్నించి మూడు రోజుల పాటు ఈ అంశంపై ప్రజా చైతన్య యాత్ర ద్వారా ప్రజలకు తాజా పరిస్థితిని వివరించాలని తెలుగుదేశం పార్టీ బుధవారం నిర్ణయించింది.

మంగళగిరి టీడీపీ రాష్ట్ర కార్యాలయంలో ముఖ్య నేతలతో భేటీ అయ్యారు ఆ పార్టీ జాతీయాధ్యక్షుడు నారా చంద్రబాబునాయుడు. రాజధాని ప్రాంతంలో కృష్ణ, గుంటూరు పేదలకు ఇళ్ల స్థలాల కేటాయిస్తూ ప్రభుత్వం తీసుకొచ్చిన జీవో నెంబర్ 107పై టీడీపీ ముఖ్యనేతల భేటీలో చంద్రబాబు చర్చించారు. రాజధాని ప్రాంతంలో పొరుగు జిల్లాల వారికి స్థలాలు ఇవ్వజూపడం అమరావతిని దెబ్బ తీసేందుకనని టీడీపీ నేతలు అభిప్రాయాలు వ్యక్తి చేశారు.

ఇదీ చదవండి: ట్రంప్ డిన్నర్‌కు జగన్‌ని ఎందుకుపిలవలేదో చెప్పేసిన బొత్స

సిద్ధంగా ఉన్న పేదల గృహాలను లబ్ధిదారులకు ఇవ్వకుండా ప్రభుత్వం ఇప్పుడు స్థలాల అంశాన్ని వ్యూహాత్మకంగా తెరమీదికి తెచ్చిందని టీడీపీ నేతలు భావిస్తున్నారు. ప్రభుత్వ చర్య సీఆర్డీయే చట్టాన్ని ఉల్లంఘించడమేనని సమావేశంలో పలువురు అభిప్రాయం వ్యక్తం చేసినట్లు సమాచారం. రాజధాని నిర్మాణం కోసం సేకరించిన భూమిని వేరే వర్గాలకు ఇవ్వజూపడం న్యాయపరమైన చిక్కులకు దారితీస్తుందని, రాజధానిని కదిలించలేని పరిస్థితి వున్నందునే అమరావతి భూముల విషయంలో ఈ నిర్ణయం తీసుకున్నారని టీడీపీ నేతలు అంటున్నారు.

ఇదీ చదవండి: జగన్ ప్రభుత్వానికి అమరావతి హైకోర్టు షాక్

చంద్రబాబు సారథ్యంలో జరిగిన టీడీపీ కీలక సమావేశం వివరాలను, నిర్ణయాలను మాజీ మంత్రి కొల్లు రవీంద్ర మీడియాకు వెల్లడించారు. వైసీపీ ప్రభుత్వం ఉద్దేశపూర్వకంగా అమరావతిని అల్లరి చేస్తోందని రవీంద్ర అన్నారు. ఫిబ్రవరి 27 నుంచి 3 రోజుల పాటు అమరావతిపై ప్రభుత్వ విధానాలను ప్రజా చైతన్యయాత్ర ద్వారా జనంలోకి తీసుకెళతామని ఆయన తెలిపారు. సాఫీగా జరుగుతున్న పరిపాలనను ముఖ్యమంత్రి జగన్ అయోమయంలోకి నెట్టారని, అందరి ఆమోదంతోనే అమరావతిని రాజధానిగా చంద్రబాబు గతంలో నిర్ణయించారని చెప్పుకొచ్చారాయన.

ఇదీ చదవండి: మళ్ళీ తెరమీదికి గ్రేటర్ రాయలసీమ.. గంగుల ఉద్యమం

అసెంబ్లీ సాక్షిగా అమరావతి రాజధాని అని జగన్ చెప్పారని, ప్రస్తుతం మాట మార్చారని అంటున్న రవీంద్ర, అస్తవ్యస్తమైన వైసీపీ ప్రభుత్వ విధానాలతో పెట్టుబడులు వెనక్కుపోతున్నాయని ఆరోపించారు. అమరావతిపై వైసీపీ మంత్రులు విష ప్రచారం చేశారని, అదానీ, లూలు వంటి సంస్థలను వెళ్లగొట్టి విశాఖపై ప్రేమ ఉందంటే ఎవరు నమ్ముతారని రవీంద్ర ప్రభుత్వాన్ని నిలదీశారు.

ఇదీ చదవండి: చంద్రబాబుకు త్వరలో సతీష్‌రెడ్డి షాక్ 

Related Tags