Viral Video: చిన్నారి బాలిక శరీరంపై రామ్, రాధా పేర్లు .. వైద్యులకు షాక్.. దైవానుగ్రహము అంటున్న తాత

సృష్టిలో ఎన్నో వింతలూ.. విశేషాలు.. ఆధునిక కాలంలో కూడా సైన్స్ కు, వైద్యులకు సవాల్ విసురుతూ తరచుగా వింత ఘటనలు వెలుగులోకి వస్తూనే ఉన్నాయి. తాజాగా ఉత్తరప్రదేశ్‌లోని హర్దోయ్‌లో ఓ ఆశ్చర్యకరమైన సంఘటన వెలుగులోకి వచ్చింది. 8 ఏళ్ల బాలిక శరీరంపై రాధే-రాధే, రామ్-రామ్ అనే పదాలు  స్వయంచాలకంగా ఉద్భవించాయి. ఇది చూసి బాలిక కుటుంబ సభ్యులే కాదు వైద్యులు సైతం ఆశ్చర్యానికి గురవుతున్నారు. ఇలా ఎందుకు జరుగుతుందో ఇప్పటి వరకు ఎవరికీ అర్థం కాలేదు. కొందరు దీన్ని అద్భుతం అని.. మరికొందరు దైవానుగ్రహం అని అంటున్నారు. అయితే దేవుడిని పూజించడం అంటే చిన్నారి బాలికకు చాలా ఇష్టం అని బాలిక తండ్రి చెప్పాడు. అందుకే ఇలా జరుగుతోందని అంటున్నారు.

హర్దోయ్‌లోని మధోగంజ్ బ్లాక్‌లోని సహిజన్ గ్రామంలో నివసిస్తున్న రైతు దేవేంద్ర కుమార్తె ఎనిమిదేళ్ల సాక్షి శరీరంపై గత 15-20 రోజులుగా దైవ నామాలు వెలువడుతున్నాయి. హిందీ భాషలో ఉద్భవిస్తున్న ఈ పేర్లను స్పష్టంగా చదవవచ్చు. ఇది చూసిన కుటుంబ సభ్యులు మొదట్లో పట్టించుకోలేదు. తర్వాత గుర్తించి  బాలికను ఆస్పత్రికి తరలించారు. ఇది చూసి డాక్టర్లు కూడా ఆశ్చర్యపోయారు. అయితే బాలిక సమస్యకు  పరిష్కారం వైద్యులు కూడా చూపలేకపోయారని కుటుంబ సభ్యులు తెలిపారు.

ఇవి కూడా చదవండి

బాణాసంచా నిషేధంపై దాఖలైన పిటిషన్లు.. నేడు సుప్రీంకోర్టులో విచారణ

దేశంలో ఈ ప్రదేశాల్లో దీపావళి వేడుకలు వెరీ వెరీ స్పెషల్, ఎందుకంటే

మొబైల్ ఫోన్ ఉపయోగించవద్దన్న తల్లిదండ్రులు.. ఉరి వేసుకున్న కొడుకు

స్వీయ సంరక్షణ పక్కన పెట్టి ఇతర పనులపై దృష్టి పెట్టె వ్యక్తులు..

వైద్య శాస్త్రంలో ఇప్పటి వరకూ జరిగిన ఘటనలు ఏమీ నమోదు కాలేదని వైద్యులు చెబుతున్నారు.  ఆస్పత్రి నుంచి ఇంటికి వచ్చిన తర్వాత సాక్షి ఫోటోలు, వీడియోలు సోషల్ మీడియాలో వైరల్ అవుతున్నాయి. ఇక్కడ, సాక్షి శరీరంపై అకస్మాత్తుగా హిందూ దేవుళ్లు , దేవతల పేర్లు హిందిలో కనిపించడంతో ఆశ్చర్యపోతున్నారు.

అయితే తన కూతురు పరిస్థితిపై రైతు దేవేంద్ర ఆందోళన వ్యకం చేస్తున్నారు. ఇలా ఒకటి రెండు రోజులు కాదు 15-20 రోజులుగా జరుగుతోందని అన్నారు. అకస్మాత్తుగా సాక్షి చేతులు, కాళ్ళు, కడుపు, వీపుపై దైవ నామాలు కనిపించడం ప్రారంభించాయి. ఈ విషయం తెలిసి కుటుంబ సభ్యులు కలత చెందడమే కాకుండా, బాలిక పాఠశాల సహ విద్యార్థులు, ఉపాధ్యాయులు, గ్రామ ప్రజలు , ఆసుపత్రి వైద్యులు కూడా షాక్ అయ్యారు.

బాలికను పరీక్షించిన పిహెచ్‌సి వైద్యుడు సంజయ్ బాలికను వైద్య కళాశాలకు తీసుకెళ్లాలని సూచించారు. ఇలాంటి సంఘటన ఇంతకు ముందెన్నడూ చూడలేదని, వినలేదని డాక్టర్ సంజయ్ తెలిపారు. మరోవైపు, తన మనవరాలకి దైవం అంటే భయం భక్తి అన్నీ ఉన్నాయని.. పూజ బాగా చేస్తుందని సాక్షి  తాతగారు  శివబాలాక్ చెప్పారు. తమ కుటుంబం మొత్తం దైవ భక్తులే అని చెప్పారు. అందుకనే తన మనవరాలు  శరీరంపై ఇలాంటి అద్భుతాలు జరగడం దైవానుగ్రహం వల్లే జరిగే అవకాశం ఉందని రామయ్య ఆశీర్వాదం లభించిందని చెబుతున్నారు.

మరిన్ని జాతీయ వార్తల కోసం ఇక్కడ క్లిక్ చేయండి..