TN New CM : సీఎంగా విజయ్‌.. మంత్రులుగా ప్రమాణస్వీకారం చేసే ఎమ్మెల్యేలు వీరే!

అరవగోలకు ఎండ్ కార్డు పడింది. ఎట్టకేలకు గవర్నర్ నుంచి టీవీకే ప్రభుత్వ ఏర్పాటుకు గ్రీన్‌ సిగ్నల్ వచ్చేసింది. ఇంకేముందు ప్రతి నియోజకర్గంలోని టీవీకే పార్టీ కార్యాలయాల్లో సంబరాలు అంబరాన్నంటుతున్నాయ్. ఇవాళ తమ అభిమాన నటుడు, నాయకుడు సీఎంగా ప్రమాణస్వీకారం చేయబోతుండటంతో తమిళనాట అంతా టీవీకే జెండాలు రెపరెపలాడుతున్నాయి. 1967 తర్వాత ఏర్పాటవుతున్న ద్రవిడేతర పార్టీ కావడంతో దేశవ్యాప్తంగా అందరిచూపు తమిళనాడు వైపే ఉంది.

చాలా సస్పెన్స్ తర్వాత టీవీకేకు బేషరతుగా VCK మద్దతిచ్చింది. దీంతో తమిళనాడులో కొత్త ప్రభుత్వ ఏర్పాటు కోసం అవసరమైన 118 మంది సభ్యుల సంఖ్యాబలం టీవీకేకు వచ్చేసింది. TVK 107, కాంగ్రెస్‌కు 5, CPI 2, CPM 2, VCK 2, IUML 2 రెండు సీట్లు. మొత్తం ఐదు పార్టీల మద్దుతో ఇప్పుడు టీవీకే బలం 120కి చేరిపోయిందని విజయ్ గవర్నర్‌కు తెలపడంతో రాజ్యాంగంలోని ఆర్టికల్‌ 164 ప్రకారం విజయ్‌ను సీఎంగా నియమిస్తున్నాన ఆదివారం ఉదయం 10 గంటలకు ప్రమాణ స్వీకారానికి ఏర్పాట్లు చేసుకునేలా గవర్నర్ అనుమతిచ్చారు. అలాగే ఈ నెల 13 నాటికి అసెంబ్లీలో బలనిరూపణ ద్వారా మెజారిటీ చూపాలని సూచించారు.

ప్రభుత్వ ఏర్పాటు గ్రీన్‌ సిగ్నల్ రావడంతో చెన్నైలోని జవహర్‌లాల్‌ నెహ్రూ ఇండోర్‌ స్టేడియంలో విజయ్‌ ప్రమాణ స్వీకార వేడుకకు ఏర్పాట్లు పూర్తి చేశారు. అయితే… డీఎంకే కూటమిలో ఉంటూ ఇప్పటిదాకా పదువులు తీసుకోని కాంగ్రెస్‌ ఈసారి తమిళ కేబినెట్‌లోకి ఎంటరవుతోంది. టీవీకేకి మద్దతిచ్చినప్పుడే కుదిరిన డీల్‌తో కాంగ్రెస్‌కి రెండు మంత్రి పదవులు ఫిక్స్ అయ్యాయ్. దీంతో ఉదయం 10 గంటలకు విజయ్‌తో పాటు తొమ్మిది మంది మంత్రులుగా ప్రమాణస్వీకారం చేస్తుండగా.. అందులో ఒకరు కాంగ్రెస్‌ నుంచి మంత్రిగా ప్రమాణం చేయనున్నారు.

మొత్తంగా.. దేశాన్నే ఆశ్చర్యపరిచారు విజయ్. ఏ పార్టీతోనూ పొత్తు పెట్టు ఒంటరిగానే పోటీ చేసి ద్రవిడ పార్టీలకు దమ్ము చూపించారు. అత్యధిక సీట్లతో సింగిల్ లార్జెస్ట్ పార్టీగా అవతరించి మరో పెద్ద ఆశ్చర్యాన్ని కలిగించారు. విజయ్ తొలి అడుగు, 1967 నుండి తమిళనాడులో కొనసాగుతున్న ద్విముఖ రాజకీయ నిర్మాణాన్ని సమర్థవంతంగా బద్దలుకొట్టింది. 50 ఏళ్ల తర్వాత డీఎంకే, అన్నాడీఎంకే కాకుండా ప్రభుత్వాన్ని ఏర్పాటు చేసిన ఏకైక పార్టీగా టీవీకే నిలిచింది.

మరిన్ని జాతీయ వార్తల కోసం ఇక్కడ క్లిక్ చేయండి.