Independence Day: కొన్ని గంటలే సమయం.. త్రివర్ణ పతాకంతో ఒక సెల్ఫీ… హర్ ఘర్ తిరంగలో భాగం ఎలా అవ్వాలంటే..
'హర్ ఘర్ తిరంగ' ప్రచారంతో ఆగస్టు 15న దేశం తన 79వ స్వాతంత్ర్య దినోత్సవాన్ని జరుపుకోవడానికి సిద్ధంగా ఉంది. అటువంటి పరిస్థితిలో.. మీరు కూడా హర్ ఘర్ తిరంగ ప్రచారంలో పాల్గొనాలనుకుంటే.. మీ ఇంట్లో జాతీయ జెండాను ఎగురవేసి.. ఆ సమయంలో ఒక చిత్రాన్ని తీసుకొని .. ఆ చిత్రాన్ని అప్‌లోడ్ చేయడం ద్వారా మీరు కూడా ఈ ప్రచారంలో చేరవచ్చు.
భారతదేశం తన 79వ స్వాతంత్ర్య దినోత్సవాన్ని ఆగస్టు 15వ తేదీన జరుపుకోవడానికి రెడీ అవుతోంది. ఈ రోజు ప్రతి ఒక్కరూ దేశభక్తితో స్వాతంత్య దినోత్సవ వేడుకలను జరుపుకుంటారు. ఈ ప్రత్యేక దినోత్సవాన్ని జరుపుకునేందుకు సన్నాహాలు చాలా రోజుల ముందు నుంచే ప్రారంభమవుతాయి. స్వాతంత్ర్య దినోత్సవానికి ముందు దేశవ్యాప్తంగా హర్ ఘర్ తిరంగ అభియాన్ నిర్వహిస్తున్నారు. ఈ కార్యక్రమం ఆగస్టు 2 నుంచి ఆగస్టు 15 వరకు కొనసాగుతుంది. ఈ నేపధ్యంలో ఈ కార్యక్రమంలో పాల్గొనేందుకు ఒక్క రోజు మాత్రమే మిగిలి ఉంది. ఆసక్తి ఉన్నవారు ప్రధాని మోడీ పిలుపు మేరకు ఇళ్ళు, కార్యాలయాలు, బహిరంగ ప్రదేశాలలో త్రివర్ణ పతాకాన్ని ఎగురవేస్తున్నారు. నాయకుల నుంచి సామాన్యుల వరకు అందరూ ఈ ప్రచారంలో ఉత్సాహంగా పాల్గొంటున్నారు.
దేశం తన 79వ స్వాతంత్ర్య దినోత్సవాన్ని ఆగస్టు 15న ‘హర్ ఘర్ తిరంగ’ ప్రచారంతో జరుపుకోనుంది. అటువంటి పరిస్థితిలో మీరు కూడా ఈ ప్రచారంలో పాల్గొనాలనుకుంటే మీ ఇంట్లో జాతీయ జెండాను ఎగురవేసి, దానితో ఒక చిత్రాన్ని తీసుకొని ఆ చిత్రాన్ని అప్‌లోడ్ చేసి తద్వారా ఈ ప్రచారంలో చేరవచ్చు. అదెలాగో తెలుసుకుందాం రండి.
‘హర్ ఘర్ తిరంగ’ ప్రచారంలో ఎలా పాల్గొనాలి
1) harghartiranga.com వెబ్‌సైట్‌లోకి లాగిన్ అవ్వండి.
2) మీ పేరు, ఫోన్ నంబర్ , రాష్ట్రం వంటి వ్యక్తిగత వివరాలను పూర్తిచేయండి
3) మీ ఇల్లు, కార్యాలయం, సంస్థ లేదా ఏదైనా అనుకూలమైన ప్రదేశంలో జాతీయ జెండాను ఎగురవేసి..దానితో ఫోటో దిగండి.
4) ఈ ఫోటోను అధికారిక ప్రచార వెబ్‌సైట్‌లో అప్‌లోడ్ చేయండి: harghartiranga.com.
5) రిజిస్ట్రేషన్ తర్వాత ఇందులో పాల్గొన్న వారందరికీ వారి భాగస్వామ్యానికి గుర్తింపుగా ప్రభుత్వం హర్ ఘర్ తిరంగ అనే డిజిటల్ సర్టిఫికేట్తో పాటు ఆప్షనల్ ఇ-కార్డ్‌ను కూడా అందిస్తోంది.
‘త్రివర్ణ పతాకాన్ని ఎగురవేసిన వ్యక్తుల చిత్రాలు’
ఈ ప్రచారంలో పాల్గొనడం గురించి సాంస్కృతిక మంత్రిత్వ శాఖ పోస్ట్ చేసింది. కొన్ని చిత్రాలను పంచుకుంటూ.. మంత్రిత్వ శాఖ ఇలా చెప్పింది, ‘#హర్ ఘర్ తిరంగ ప్రచారం పట్ల ప్రజలకు ఉన్న ఉత్సాహం చూసి మేము చాలా ఉత్సాహంగా ఉన్నాము. కాశ్మీర్ నుంచి లక్షద్వీప్ వరకు, గుజరాత్ నుంచి సిక్కిం వరకు, త్రివర్ణ పతాకాన్ని ఎగురవేస్తున్న వ్యక్తుల చిత్రాలు .. తమ దేశంలో ఉన్న సంబంధాన్ని ప్రతిబింబిస్తున్నాయి.
సంతోషం వ్యక్తం చేసిన ప్రధాని మోడీ
ఈ పోస్ట్‌పై స్పందిస్తూ, ప్రధానమంత్రి నరేంద్ర మోడీ, “భారతదేశం అంతటా #HarGharTirangaలో అపూర్వమైన భాగస్వామ్యాన్ని చూడటం ఆనందంగా ఉంది. ఇది మన ప్రజలను ఏకం చేయడమే కాదు దేశభక్తి స్ఫూర్తిని, త్రివర్ణ పతాకం పట్ల వారి అచంచలమైన గర్వాన్ని ప్రతిబింబిస్తుంది అని అన్నారు.
భారతదేశంలోని హర్ ఘర్ తిరంగ ఉద్యమం బలమైన, దేశవ్యాప్త ఉద్యమంగా మారింది. దీనిలో కుటుంబాలు, విద్యార్థులు, పౌరులు జాతీయ ఐక్యత, గర్వానికి చిహ్నంగా త్రివర్ణ పతాకాన్ని గౌరవిస్తున్నారు. 79వ స్వాతంత్ర్య దినోత్సవం (15 ఆగస్టు 2025) వేడుకల్లో లక్షలాది కుటుంబాలు పాల్గొనడంతో ఈ ఉద్యమం కొత్త శక్తితో జరుపుకుంటున్నారు.
హర్ ఘర్ తిరంగ అంటే ఏమిటి?
ఆజాదీ కా అమృత్ మహోత్సవ్ కింద ప్రారంభించబడిన హర్ ఘర్ తిరంగ ప్రతి భారతీయుడిని ఇంట్లో జాతీయ జెండాను ఎగురవేయమని, విధేయత ప్రమాణం చేయాలని, దేశ సామూహిక గర్వాన్ని ఆస్వాదించమని ఆహ్వానిస్తుంది. రాష్ట్ర ప్రభుత్వాలు, స్వచ్ఛంద సేవకులు, స్థానిక సంస్థల ప్రజా మద్దతుతో సాంస్కృతిక మంత్రిత్వ శాఖ ఈ కార్యక్రమాన్ని నిర్వహిస్తోంది. స్వాతంత్ర్య దినోత్సవాన్ని అందరికీ ఉత్సాహభరితమైన, వ్యక్తిగత వేడుకగా మారుస్తుంది.
మరిన్ని జాతీయ వార్తల కోసం ఇక్కడ క్లిక్ చేయండి..