LIC‌ News: ఎల్‌ఐసీలో ఐదేళ్ల గరిష్ఠ స్థాయిలో డెత్ క్లైమ్స్.. కోవిడ్ సెకండ్ వేవ్ కారణమా? ఎన్ని క్లైమ్స్ వచ్చాయంటే..

కోవిడ్ సెకండ్ వేవ్ నేపథ్యంలో భారత జీవిత బీమా సంస్థ (LIC)కి డెత్ క్లైమ్స్ భారీగా పెరిగాయి. మునుపటి ఆర్థిక సంవత్సరంతో పోల్చితే 2020-21 సంవత్సరంలో డెత్ క్లైమ్స్ ఏకంగా 17 శాతం పెరిగినట్లు ఆ సంస్థ వెల్లడించింది. ఈ సంఖ్య గత ఐదేళ్ల కాలంలోనే గరిష్ఠ స్థాయిలో ఉన్నట్లు వెల్లడించింది. 2019-20 ఆర్థిక సంవత్సరంలో ఎల్‌ఐసీకి 9.75 లక్షల డెత్ క్లైమ్స్ రాగా..2020-21 ఆర్థిక సంవత్సరంలో ఏకంగా 11.47 లక్షల డెత్ క్లైమ్స్ వచ్చాయని తెలిపింది. మునుపటి సంవత్సరపు క్లైమ్స్‌ను కూడా కలుపుకుని మొత్తం 11.42 డెత్ క్లైమ్స్‌ను సెటిల్ చేసినట్లు వెల్లడించింది.

2020-21 ఆర్థిక సంవత్సరంలో మొత్తం రూ.24,195.01 కోట్ల డెత్ క్లైమ్స్ పాలసీదారుల నామినీలకు చెల్లించినట్లు వివరించింది. అంతకు ముందు ఆర్థిక సంవత్సరంలో డెత్ క్లైమ్స్ కింద ఎల్ఐసీ రూ.17.419.57 కోట్లు చెల్లించింది. కాగా ఆ సంవత్సరంలో 9.32 లక్షల క్లైమ్స్‌ను ఎల్ఐసీ సెటిల్ చేసింది.

2020 జూన్ 30తో ముగిసిన గత ఆర్థిక సంవత్సరపు తొలి త్రైమాసంలో డెత్ క్లైమ్స్ అత్యధికంగా వచ్చాయి. ఆ సమయంలో సెకండ్ వేవ్ కారణంగా దేశంలో భారీ సంఖ్యలో మరణాలు సంభవించడం తెలిసిందే. కరోనా సెకండ్ వేవ్ కారణంగానే ఎల్‌ఐసీకి డెత్ క్లైమ్స్ మునుపెన్నడూ లేని స్థాయిలో పెరిగినట్లు తెలుస్తోంది. అయితే పాలసీదారులు ఏ కారణాలతో అత్యధికంగా మరణించారు? డెత్ క్లైమ్స్ పెరగడానికి కారణాలు ఏంటో? ఎల్ఐసీ వెల్లడించలేదు. అటు ప్రైవేటు బీమా సంస్థలు సైతం 2020-21 ఆర్థిక సంవత్సరపు తొలి త్రైమాసంలో డెత్ క్లైమ్స్ దాదాపు రెండింతలు పెరిగినట్లు వెల్లడించాయి.

Also Read..

థర్డ్‌ వేవ్ ప్రభావమేనా..? పిల్లలపై కరోనా పంజా.. ఆ నగరంలోని తల్లిదండ్రుల్లో ఆందోళన

దేశంలో స్వల్పంగా తగ్గిన కరోనా కేసులు.. నిన్న ఎంతమంది మరణించారంటే..?