Amit Shah: విజయవంతంగా అమిత్ షా మిషన్ కాశ్మీర్.. ప్రజల్లో..సైనికుల్లో ఆత్మవిశ్వాసాన్ని నింపిన హోంమంత్రి పర్యటన!
కేంద్ర హోంమంత్రి అమిత్ షా మూడురోజుల పాటు కాశ్మీర్ లో పర్యటించారు. మామూలుగా అయితే ఇటువంటి పర్యటనల గురించి ఎక్కువగా చెప్పుకోవలసిన అవసరం ఉండదు. కానీ, జమ్మూ కాశ్మీర్ లో దేశ హోంమంత్రి ఒకరు మూడురోజుల పాటు పర్యటించడం ఇదే మొదటిసారి.
Amit Shah: కేంద్ర హోంమంత్రి అమిత్ షా మూడురోజుల పాటు కాశ్మీర్ లో పర్యటించారు. మామూలుగా అయితే ఇటువంటి పర్యటనల గురించి ఎక్కువగా చెప్పుకోవలసిన అవసరం ఉండదు. కానీ, జమ్మూ కాశ్మీర్ లో దేశ హోంమంత్రి ఒకరు మూడురోజుల పాటు పర్యటించడం ఇదే మొదటిసారి. ఇంతవరకూ ఏ హోంమంత్రి మూడురోజుల పాటు అక్కడ గడపలేదు. అదీకాకుండా అమిత్ షా పర్యటన పూర్తిగా కాశ్మీర్ బోర్డర్‌లో సాగింది. ఆయన తన పర్యటనలో సీఆర్పీఎఫ్ జవాన్లతో కలిసి ఒకరాత్రి గడిపారు. అక్కడే వారి క్యాంపులోనే రాత్రి బస చేశారు. కాశ్మీర్ లోని మన రక్షణ దళాలకు అమిత్ షా పర్యటన మరింత ఉత్సాహాన్నిచ్చిందనడంలో సందేహం లేదు. అంతేకాకుండా కాశ్మీర్ లోని అందమైన పర్యాటక ప్రాంతాలలో కూడా అమిత్ షా పర్యటించారు. అక్కడి స్థానికులతో మాట్లాడారు. ఇటీవల్ ఉగావాదుల భయంతో ఇబ్బంది పడుతున్న పర్యాటక రంగానికి అమిత్ షా పర్యటన మంచి సంకేతాన్నిస్తుంది.
అమిత్ షా కాశ్మీర్ పర్యటన సాగిందిలా..
కేంద్ర హోంమంత్రి అమిత్ షా సోమవారం(అక్తోబర్25) పుల్వామా చేరుకున్నారు. అక్కడ సీఆర్పీఎఫ్ (CRPF) క్యాంపులో సైనికులతో సమావేశమయ్యారు. 2019లో ఉగ్రవాదుల దాడిలో వీరమరణం పొందిన సీఆర్పీఎఫ్ జవాన్లకు నివాళులు అర్పించి, ఈ లెత్‌పోరా అమరవీరుల స్మారక చిహ్నంలో సీఆర్పీఎఫ్ జవాన్లతో కలిసి రాత్రి గడిపారు. హోంమంత్రి అమిత్ షా సోమవారం రాత్రి పుల్వామాలోని సీఆర్పీఎఫ్ క్యాంపులోనే బస చేశారు ఈ సందర్భంగా సైనికుల ఉత్సాహం ఉరకలెత్తింది. ఫిబ్రవరి 14, 2019న పుల్వామాలోని సీఆర్పీఎఫ్ (CRPF) శిబిరంపై తీవ్రవాద దాడి జరిగింది. ఆ దాడిలో 40 మంది సైనికులు అమరులయిన విషయం తెలిసిందే. ఆ తర్వాత పాకిస్థాన్‌లోని బాలాకోట్‌లో భారత్ వైమానిక దాడులు నిర్వహించి పలు ఉగ్రవాద స్థావరాలను ధ్వంసం చేసింది.
పుల్వామా పర్యటనకు ముందు హోంమంత్రి అమిత్ షా శ్రీనగర్‌లోని దాల్ సరస్సు చేరుకున్నారు. ఇక్కడ క్రూయిజ్ ఎక్కి కలర్‌ఫుల్ ప్రోగ్రామ్‌ను ఆస్వాదించారు. ఉగ్రవాదుల భయంతో ఈమధ్య ఇక్కడ విహార యాత్రలు సాగడం లేదు. అందమైన ఆ ప్రదేశంలో మన దేశ హోంమంత్రి క్రూయిజ్ ఎక్కారు. ఇది చాలా ముఖ్యమైన చర్యగా చెప్పొచ్చు. ఎందుకంటే గత కొద్ది రోజులుగా ఉగ్రవాదులు అక్కడ చీకటి అధ్యాయాన్ని ప్రారంభించే కుట్రకు సిద్ధం అయ్యారు. అమిత్ షా పర్యటనతో ఆ కుట్ర భగ్నం అయినట్టే. స్థానికులకు, పర్యాటకులకు ఆత్మవిశ్వసాన్నిచ్చింది ఈ పర్యటన. జమ్మూకశ్మీర్ లెఫ్టినెంట్ గవర్నర్ మనోజ్ సిన్హా కూడా హోంమంత్రితో పాటు హాజరయ్యారు. దాదాపు 45 నిమిషాల పాటు ఇక్కడ జరిగిన బోట్ ఫెస్టివల్‌ను అమిత్ షా ఆస్వాదించారు. ఈ పర్యటన ద్వారా కాశ్మీర్‌ను మార్చాలనే సందేశాన్ని దేశవ్యాప్తంగా పంపారు అమిత్ షా. నిజానికి స్వాతంత్య్రం వచ్చినప్పటి నుంచి జమ్మూ కాశ్మీర్ ఉగ్రదాడులకు గురవుతోంది. పాకిస్తాన్ ప్రేరేపిత ఉగ్రవాద మంటతో కాలిపోతోంది. కానీ ఇప్పుడు జమ్మూ, కాశ్మీర్ పురోగతి యొక్క కథను చెబుతోంది.
తీవ్రవాద బాధిత కుటుంబాల బాధను పంచుకున్న షా..
ఇప్పుడు అమిత్ షా జమ్మూకశ్మీర్ పర్యటనలో అర్థమేంటి అనే ప్రశ్న సహజం. ఇప్పటివరకూ భారత హోంమంత్రి చేసిన సుదీర్ఘమైన కాశ్మీరీ పర్యటన ఇదే. 2019 ఆగస్టులో జమ్మూ కాశ్మీర్‌కు ప్రత్యేక ప్రతిపత్తిని కల్పించే ఆర్టికల్ 370 రద్దు తర్వాత అమిత్ షా జమ్మూ కాశ్మీర్‌కు ఇది మొదటి పర్యటన, కేంద్ర హోం మంత్రిగా ఇది రెండవ పర్యటన.
జమ్మూకశ్మీర్‌లోని గందర్‌బల్ జిల్లాలో ఉన్న ఖీర్ భవానీ ఆలయంలో అమిత్ షా సోమవారం ప్రార్థనలు చేశారు. సాంప్రదాయ కాశ్మీరీ ఫిరాన్ దుస్తులు ధరించి, షా పోప్లర్ చెట్ల చుట్టూ ఉన్న ఆలయ సముదాయంలో చాలా సమయం గడిపాడు. ఆదివారం సాయంత్రం పాక్ సరిహద్దుకు చేరుకున్న అమిత్ షా.. విధుల్లో ఉన్న సైనికులను కలుసుకుని వారిని ప్రోత్సహించారు. దానికి ఒక రోజు ముందు, అతను ఉగ్రవాదంతో బాధపడుతున్న కుటుంబం బాధను పంచుకున్నాడు. ఇది కాకుండా, ఉగ్రవాదాన్ని మట్టుపెట్టే ప్రణాళికలకు ఊతం ఇవ్వడానికి హోంమంత్రి ప్రయత్నించారు. అభివృద్ధి పునాదిని బలోపేతం చేసే పలు పథకాలకు శంకుస్థాపన చేశారు. అమిత్ షా జమ్మూ కాశ్మీర్ పర్యటన భారత్ నుంచి పాకిస్తాన్ వరకు ఉన్న ఉగ్రవాదులలో భయాందోళనలు సృష్టించింది.
బహిరంగ సభలో బుల్లెట్ ప్రూఫ్ గ్లాస్‌ను షా పోడియం నుంచి తొలగించారు
ఇదీ కాశ్మీర్ విషయంలో మారుతున్న ప్రభుత్వ వైఖరి. ఇది మారుతున్న ఆలోచనల ఫలితం, అందుకే దేశంలోని అత్యంత శక్తివంతమైన మంత్రి ప్రోటోకాల్‌ను ఉల్లంఘించి, కాశ్మీర్‌ను కౌగిలించుకుంటూ షేర్ కాశ్మీర్ ఇంటర్నేషనల్ కన్వెన్షన్ సెంటర్ అంటే శ్రీనగర్‌లోని ఎస్కేఐసీసీ (SKICC) వద్ద కాశ్మీరీ ప్రజలతో కరచాలనం చేశారు. హోంమంత్రి కశ్మీర్ ప్రజలతో కరచాలనం చేయడమే కాకుండా, ఎస్కేఐసీసీ బహిరంగ సభలో పోడియం నుండి బుల్లెట్ ప్రూఫ్ అద్దాన్ని తొలగించారు. ఈ చర్యతో నేరుగా కాశ్మీరీల హృదయాలను గెలిచారు షా.
శ్రీనగర్‌లోని ఎస్‌కేఐసీసీలో సుమారు 25 నిమిషాల పాటు జరిగిన బహిరంగ సభలో అమిత్ షా ప్రసంగించారు. ప్రధాని మోదీ మనసులో కశ్మీర్ స్థానాన్ని ప్రస్తావించారు. కేవలం మూడేళ్లలో కాశ్మీర్‌లో అటువంటి అభివృద్ధి పరంపరను గీస్తానని… ఇది ఒక ఉదాహరణగా మారుతుందని హామీ ఇచ్చారు. మోదీజీ హృదయంలో కశ్మీర్ నివసిస్తోంది, జమ్మూ కాశ్మీర్ అభివృద్ధిలో కొత్త శిఖరాలకు చేరుకుంటుందని నేను మీకు హామీ ఇవ్వాలనుకుంటున్నాను.” అని అమిత్ షా చెప్పారు.
ఆర్టికల్ 370 రద్దు తర్వాత, ఉగ్రవాదులు మరోసారి కాశ్మీర్‌ను ఉగ్రదాడులతో కల్లోల పరిచే కుట్ర పన్నుతున్న సమయంలో హోంమంత్రి అమిత్ షా మొదటిసారి కాశ్మీర్‌కు చేరుకున్నారు. అలాంటి వాతావరణంలో ఇప్పుడు కొత్త భారత్ కశ్మీర్ పురోగతిని అడ్డుకునే వారిని క్షమించదని షా స్పష్టం చేశారు. కశ్మీర్‌తో మాట్లాడిన హోంమంత్రి ఉగ్రవాదాన్ని ఓడించడం నుండి తల ఎత్తుకుని నిలబడటం వరకు అభివృద్ధి గురించి మాట్లాడారు. వేర్పాటువాదం, ఉగ్రవాదం మంటల్లో కాలిపోయిన జమ్మూకశ్మీర్‌లో మళ్లీ ప్రజారంజక పాలనను ప్రభుత్వం ప్రకటించింది.
అమిత్ షా మిషన్ కాశ్మీర్ మూడు లక్ష్యాలు
సరళంగా చెప్పాలంటే, అమిత్ షా మిషన్ కాశ్మీర్‌ను మనం అర్థం చేసుకుంటే, దానికి మూడు లక్ష్యాలు ఉన్నాయి- ముందుగా, భద్రతా దళాల నైతికతను పెంచడం. రెండవది, కాశ్మీర్ యువత విశ్వాసాన్ని పొందడం..మూడవది, కొత్త జమ్మూ కాశ్మీర్‌ను నిర్మించడం. అందుకే జమ్మూకశ్మీర్‌లో శాంతి నెలకొంటుందని, భయపడవద్దని శ్రీనగర్ వేదికపై నుంచి అమిత్ షా ప్రకటించారు. లోయలో ఉగ్రవాదం తుడిచిపెట్టుకుపోతుంది. దేశ అభివృద్ధిలో జమ్మూ కాశ్మీర్ ముఖ్యమైన పాత్ర పోషిస్తుంది.
దేశంలోని చిట్ట చివరి గ్రామంలో హోం మంత్రి!
ప్రభుత్వం మారుతున్న ఆలోచనల ఫలితమే అమిత్ షా పాకిస్థాన్ సరిహద్దులో నిలబడిన సైనికుల మధ్యకు చేరుకుంది. అలాగే బంకర్‌ను పరిశీలించి, అంతర్జాతీయ సరిహద్దులోని చివరి గ్రామంలోని ప్రజలను కూడా కలిశారు. జమ్మూ కాశ్మీర్ పర్యటనలో భాగంగా రెండో రోజు అమిత్ షా మక్వాల్ సరిహద్దుకు చేరుకుని దేశ కాపలాదారులను ప్రోత్సహించారు. అంతర్జాతీయ సరిహద్దులో శత్రువుల కుట్రలను తిప్పికొట్టేందుకు మక్వాల్‌లో సిద్ధం చేసిన 5.3 కి.మీ పొడవునా స్మార్ట్ ఫెన్సింగ్‌ను పరిశీలించిన షా, సైనికుల బంకర్‌కు కూడా వెళ్లి, బంకర్ నిర్మాణం మరియు అక్కడ సైనికులకు అందుబాటులో ఉన్న సౌకర్యాలను కూడా అడిగి తెలుసుకున్నారు.
సరిహద్దులోని సైనికులను ప్రోత్సహించిన అనంతరం లెఫ్టినెంట్ గవర్నర్ మనోజ్ సిన్హాతో కలిసి అమిత్ షా మక్వాల్ సరిహద్దులోని చివరి గ్రామానికి చేరుకున్నారు. అక్కడ గ్రామస్తులను కలుసుకుని, వారితో టీ తాగి, మంచం మీద కూర్చుని మాట్లాడాడు. ఈ సమయంలో, అమిత్ షా తన మొబైల్ నంబర్‌ను గ్రామస్థుడికి ఇచ్చి, అతని ఫోన్ నంబర్‌ను ఆయన తీసుకున్నారు. అవసరమైతే కాల్ చేయమని కోరారు. మొత్తమ్మీద అమిత్ షా కాశ్మీర్ పర్యటన ఇటు ప్రజల్లో.. అటు రక్షణ దళాల్లో ఆత్మవిశ్వాసాన్ని పెంపొందించిందని చెప్పొచ్చు.
ఇవి కూడా చదవండి: Amit Shah: జమ్ము కశ్మీర్‌లో అమిత్ షా సాహస నిర్ణయం.. బుల్లెట్ ప్రూఫ్ షీల్డ్ తొలిగింపు..
Ind vs Pak T20 Match : విజయగర్వంతో ఎగిరెగిరి పడుతున్న పాక్.. నోటి దూలతో రెచ్చిపోయిన పాక్ మంత్రి..
Madhavan: కొడుకును ఇలా పెంచాలి.. మాధవన్‌పై ప్రముఖుల ప్రశంసలు.. ఎందుకో తెలుసా..