Breaking News
  • టీవీ9 తో DME డా. రమేష్ రెడ్డి. ప్లాస్మా అనేది సంజీవని కాదని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ ఇప్పటికే ప్రకటించింది. ప్లాస్మా ట్రీట్ మెంట్ పై ఐసీఎంఆర్ ఇప్పటివరకు ఫైనల్ రిజల్ట్స్ ని అనౌన్స్ చేయలేదు. కొన్ని ప్రోటోకాల్స్ మాత్రమే ఇచ్చారు. గాంధీ లో 14 కేసులకు ప్లాస్మా ట్రీట్మెంట్ ట్రీట్మెంట్ ఇచ్చాము.. మంచి రిజల్ట్ వచ్చింది. ప్లాస్మా అనేది అవుట్స్టాండింగ్ ట్రీట్మెంట్లో include చేయాలా లేదా అనేది ఐ సి ఎం ఆర్ ఇంకా నిర్ధారించలేదు. ప్లాస్మా డోనర్స్ ముందుకు రావడం మంచి పరిణామం.
  • అమ‌రావ‌తి: రాష్ట్రంలో ఇద్ద‌రు ఐఏఎస్ అధికారుల పోస్టింగుల్లో మార్పులు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ బాధ్య‌త‌ల నుంచి చిన‌వీర‌భ‌ద్రుడుని త‌ప్పించిన ప్ర‌భుత్వం. పాఠ‌శాల విద్యాశాఖ డైరెక్ట‌ర్ గా చిన‌వీర‌భ‌ద్రుడు నియామ‌కం,ప్ర‌స్తుతం ఇంచార్జిగా ఉన్న చిన‌వీర‌భ‌ద్రుడు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ గా కె,వెట్రిసెల్వి నియామకం. ఇంగ్లీష్ మీడియం అమ‌లు ప్రాజెక్ట్ స్పెష‌ల్ ఆఫీస‌ర్ గా వెట్రిసెల్వికి పూర్తి అద‌న‌పు బాధ్య‌త‌లు.
  • ఏపీలో నూతన ఇండస్ట్రియల్ పాలసీ కి శ్రీకారం. ఇప్పటికే నూతన ఇండస్ట్రియల్ పాలసీ ని ఖరారు చేసిన సర్కార్ . సోమవారం పాలసీని లాంచ్ చేయనున్న పరిశ్రమల శాఖ మంత్రి మేకపాటి గౌతమ్ రెడ్డి.
  • ఈ ఏడాది సామూహిక నిమజ్జనం ఉండదు. దశల వారీ నిమజ్జనం. ప్రభుత్వానికి సహకరించాలి... కోవిడ్ నిబంధనలు పాటించాలి. ఎత్తు విషయంలో పోటీలకు పోకుండా.. చిన్న మండపాలు ఏర్పాటు చేసుకోవాలి. -- భాగ్యనగర్ గణేష్ ఉత్సవ సమితి.
  • కడపజిల్లాలో విషాదం. కమలాపురం మండలం యార్రగుడిపాడు గ్రామంలో అక్కచెల్లెళ్ల ఆత్మహత్యల్లో కొత్త కోణం. ముందురోజు ప్రొద్దుటూరులో తండ్రి బాబురెడ్డి చెట్టుకు ఉరేసుకుని ఆత్మహత్య. చనిపోయేముందు సెల్ఫీ వీడియో రికార్డ్ చేసిన బాబు రెడ్డి. తన చావుకు అల్లుడు సురేష్ రెడ్డి కారణమని సెల్ఫీ వీడియోలో చెప్పిన బాబు రెడ్డి. అల్లుడు పై చర్యలు తీసుకోవాలని కోరుతూ..తనకి న్యాయమూర్తి న్యాయం చేయాలని కోరుతూ సెల్ఫీ వీడియో. తన తండ్రి చావుకు కారణం తన భర్తేనని తెలిసి రైలుకింద పది కుమార్తె స్వేతా రెడ్డి ఆత్మహత్య. అక్క చనిపోయిందని చెల్లెలు ఇంజినీరింగ్ విద్యార్థిని సాయి ఆత్మహత్య. ఒకే కుటుంబంలో ముగ్గురు ఆత్మహత్య.
  • మొదలైన హీరో రానా దగ్గుబాటి మిహీక ల వివాహం. వేద మంత్రోచ్ఛారణ మధ్య 8.45 నిమిషాలకు వధువు మిహిక మెడలో తాళి కట్టనున్న వరుడు రానా. రామానాయుడు స్టూడియోలో వివాహ వేడుక . కరోనా నేపథ్యంలో కట్టుదిట్టమైన భద్రతా చర్యలు. స్టూడియోలో ప్రవేశించడానికి మై గేట్ యాప్ ద్వారా అనుమతి. వివాహ వేడుకలో 30మంది కి మించని కుటుంబ సభ్యులు మరియు నాగచైతన్య, సమంత.

ఎట్టకేలకు పోలీసులకు చిక్కిన మోస్ట్‌వాంటెడ్‌ స్మగ్లర్‌

Most Wanted Red Sandal Wood Smuggler Arrested, ఎట్టకేలకు పోలీసులకు చిక్కిన మోస్ట్‌వాంటెడ్‌ స్మగ్లర్‌

అనంతపురం జిల్లాలో మోస్ట్‌వాంటెడ్‌గా స్మగ్లర్‌ ఎట్టకేలకు పోలీసులకు చిక్కాడు. అంతర్‌ రాష్ట్ర ఎర్రచందనం స్మగ్లర్‌ మస్తాన్‌వలితో పాటుగా మరో ఏడుగురిని పోలీసులు అదుపులోకి తీసుకున్నారు. తాడిపత్రి నియోజకవర్గంలోని పెద్దపప్పూరు క్రాస్‌ వద్ద ఎర్రచందనం దుంగలను తరలిస్తున్న ఎనిమిది మందిని పోలీసులు అరెస్ట్‌ చేశారు. వారి వద్ద నుండి రూ. 2,70,000/ల విలువ చేసే ఐదు ఎర్రచందనం దుంగలు, హుండాయ్‌ వెర్నాకారు, ఓ స్కార్పియో, మరో ఐచర్‌ వాహనం, రూ. 25 వేల నగదు, 16 సెల్‌ ఫోన్లను సీజ్‌ చేశారు. వీరిలో పట్టుబడిన వారిలో ప్రధాన సూత్రదారి మస్తాన్‌ వలిపై గతంలో 20 కేసులకు పైగా ఉన్నట్లు డీఎస్పీ శ్రీనివాసులు తెలిపారు. జిల్లా ఎస్పీ సత్య ఏసుబాబు ఆదేశాల మేరకు, తాడిపత్రి డీఎస్పీ శ్రీనివాసులు ఆధ్వర్యంలో పెద్దపప్పూరు రోడ్డు క్రాసింగ్‌లో వాహనాల తనిఖీలు చేపట్టినట్లుగా తెలిపారు. ఈ క్రమంలోనే తాడిపత్తి బస్‌స్టాండ్‌ నుండి పెద్దపప్పూరుకు అతివేగంగా వెల్తున్న ఓ వెర్నాకారు, స్కార్పియో, ఐచర్‌ వాహనాలను పోలీసులు అడ్డుకున్నామని, ఆ వాహనాల్లో ఉన్నవారు తమపై రాళ్లదాడి చేసి పారిపోయే ప్రయత్నం చేస్తుండగా, చాకచక్యంగా వారిని పట్టుకున్నట్లుగా పోలీసు అధికారులు తెలిపారు. మస్తాన్‌ వలి అక్రమంగా సంపాదించిన డబ్బుతో గతంలో ” ప్రేమ ప్రయాణం’ అనే సినిమా నిర్మించాడని, అందులో నటించిన హీరోయిన్‌ నీతు అగర్వాల్‌ను పెళ్లి చేసుకున్నాడని, అయితే, పెళ్లి తర్వాత మస్తాన్‌ అసలు రూపం తెలుసుకున్న ఆమె మస్తాన్‌ను వదిలేసినట్లుగా పోలీసులు మీడియాకు వెల్లడించారు.

Most Wanted Red Sandal Wood Smuggler Arrested, ఎట్టకేలకు పోలీసులకు చిక్కిన మోస్ట్‌వాంటెడ్‌ స్మగ్లర్‌

Related Tags