Heart Health: ఇలా స్నానం చేస్తున్నారా.. మీ గుండెకు డేంజర్ తప్పదు
రోజువారీ జీవితంలో మనం చేసే చిన్న చిన్న పనులు కూడా మన ఆరోగ్యంపై పెద్ద ప్రభావం చూపుతాయి. వాటిలో స్నానం చేసే విధానం కూడా ఒకటి. చాలామంది స్నానం చేసే పద్ధతి సరిగా పాటించకపోవడం వల్ల గుండె సంబంధిత సమస్యలు వచ్చే ప్రమాదం ఉందని వైద్య నిపుణులు హెచ్చరిస్తున్నారు. సరైన పద్ధతిని అనుసరించడం ద్వారా గుండెపోటు వంటి తీవ్రమైన ప్రమాదాల నుంచి మనల్ని మనం కాపాడుకోవచ్చు.
Updated on: Aug 08, 2025 | 2:53 PM
వర్కౌట్ తర్వాత చన్నీటి స్నానం: జిమ్, వ్యాయామం తర్వాత శరీరం వేడిగా ఉంటుంది. అప్పుడు వెంటనే చన్నీటితో స్నానం చేయడం వల్ల కూడా గుండెపై షాక్ తగిలినట్లు అవుతుంది.
శరీరం, నీటి ఉష్ణోగ్రత మధ్య ఉన్న తీవ్రమైన తేడా గుండె పనితీరును ప్రభావితం చేస్తుంది. ముఖ్యంగా అధిక రక్తపోటు ఉన్నవారు, వృద్ధులు, గుండె సంబంధిత సమస్యలు ఉన్నవారు ఈ విషయంలో చాలా జాగ్రత్తగా ఉండాలి.
గుండెను కాపాడే సరైన స్నానం పద్ధతి గుండెను రక్షించుకుంటూ స్నానం చేయడానికి ఈ పద్ధతి పాటించడం ఉత్తమం:
గోరువెచ్చని నీటితో ప్రారంభించండి: మరీ చల్లగా లేదా మరీ వేడిగా ఉండే నీటిని ఉపయోగించకుండా, గోరువెచ్చగా ఉండే నీటితో స్నానం చేయడం వల్ల శరీరానికి ఒక్కసారిగా షాక్ తగలకుండా ఉంటుంది.
క్రమంగా అలవాటు చేయండి: స్నానం ప్రారంభించేటప్పుడు మొదట కాళ్లు, పాదాలపై నీళ్లు పోసుకోండి. ఆ తర్వాత చేతులు, శరీరం మొత్తం తడుపుకోండి. చివరగా తలపై నీళ్లు పోసుకోవాలి. ఇలా చేయడం వల్ల శరీరం నెమ్మదిగా ఉష్ణోగ్రత మార్పులకు అలవాటు పడుతుంది.
ఎక్కువ సమయం వద్దు: గుండె సమస్యలు ఉన్నవారు ఎక్కువ సేపు స్నానం చేయకూడదు. తక్కువ సమయంలోనే స్నానం ముగించడం మంచిది.
సీజన్కు తగ్గట్టు: వేసవిలో శరీర ఉష్ణోగ్రతను తగ్గించడానికి చల్లని నీరు, చలికాలంలో శరీరాన్ని వెచ్చగా ఉంచడానికి గోరువెచ్చని నీరు ఉపయోగించడం మంచిది.
ఈ చిన్నపాటి జాగ్రత్తలు పాటించడం ద్వారా మన గుండెను ఆరోగ్యంగా ఉంచుకోవచ్చు. స్నానం చేసే పద్ధతిని మార్చుకోవడం ద్వారా గుండెపోటు వంటి తీవ్రమైన ఆరోగ్య ప్రమాదాల నుండి మనల్ని మనం కాపాడుకోవచ్చు.
