ఎరుపు డ్రాగన్ ఫ్రూట్ vs తెల్ల డ్రాగన్ ఫ్రూట్… రెండింటిలో ఏది ఆరోగ్యానికి మేలు చేస్తుంది?
ప్రస్తుత కాలంలో సూపర్ఫుడ్గా ప్రాచుర్యం పొందిన పండ్లలో ‘డ్రాగన్ ఫ్రూట్’ ఒకటి. బయట గులాబీ రంగు తొడుగుతో కనిపించే ఈ పండును కోసి చూస్తే.. లోపల ఎరుపు లేదా తెల్లని గుజ్జు నల్లటి గింజలతో దర్శనమిస్తుంది. చూడటానికి ఒకేలా అనిపించినా, పోషకాలు, రుచి మరియు ఆరోగ్య ప్రయోజనాల పరంగా ఈ రెండింటి మధ్య ముఖ్యమైన తేడాలు ఉన్నాయి.
Updated on: Sep 10, 2026 | 8:26 PM
ప్రస్తుత కాలంలో సూపర్ఫుడ్గా ప్రాచుర్యం పొందిన పండ్లలో ‘డ్రాగన్ ఫ్రూట్’ ఒకటి. బయట గులాబీ రంగు తొడుగుతో కనిపించే ఈ పండును కోసి చూస్తే.. లోపల ఎరుపు లేదా తెల్లని గుజ్జు నల్లటి గింజలతో దర్శనమిస్తుంది. చూడటానికి ఒకేలా అనిపించినా, పోషకాలు, రుచి మరియు ఆరోగ్య ప్రయోజనాల పరంగా ఈ రెండింటి మధ్య ముఖ్యమైన తేడాలు ఉన్నాయి.
ఎరుపు రంగు డ్రాగన్ ఫ్రూట్:
ఎరుపు లేదా మెజెంటా రంగు గుజ్జు కలిగిన ఈ పండు చాలా తీపిగా, రుచిగా ఉంటుంది. దీనిలోని గాఢమైన రంగుకు బెటాసైనిన్ అనే శక్తివంతమైన కాంపౌండ్ కారణం. ఇది శరీరంలో ఫ్రీ రాడికల్స్తో పోరాడి, కణాల నష్టాన్ని నివారిస్తుంది. ఇది చెడు కొలెస్ట్రాల్ను తగ్గించడంలో, రక్తనాళాలను ఆరోగ్యంగా ఉంచడంలో తోడ్పడుతుంది. చర్మంపై ముడతలు పడకుండా యవ్వనంగా ఉంచడానికి సహాయపడుతుంది. రక్తహీనత తో బాధపడేవారికి ఎరుపు రకం డ్రాగన్ ఫ్రూట్ తీసుకోవడం వల్ల శరీరంలో ఐరన్ స్థాయిలు వేగంగా పెరుగుతాయి.
తెల్లని డ్రాగన్ ఫ్రూట్:
తెల్లటి గుజ్జు కలిగిన డ్రాగన్ ఫ్రూట్ స్వల్పమైన తీపితో, తేలికపాటి రుచిని కలిగి ఉంటుంది. ఎరుపు రకంతో పోలిస్తే తెల్లటి గుజ్జు ఉన్న పండులో సహజమైన చక్కెర మరియు క్యాలరీలు తక్కువగా ఉంటాయి. బ్లడ్ షుగర్ లెవల్స్ను నియంత్రణలో ఉంచాలనుకునేవారికి, మధుమేహగ్రస్తులకు ఇది సురక్షితమైన ఎంపిక. దీనిలో ఫైబర్, నీటి శాతం ఎక్కువగా ఉండటం వల్ల మలబద్ధకం సమస్యను నివారించి, పేగుల ఆరోగ్యాన్ని మెరుగుపరుస్తుంది.
ఏది ఎంచుకోవాలి?:
మీరు రోగనిరోధక శక్తిని పెంచుకోవాలని, శరీరానికి ఎక్కువ యాంటీఆక్సిడెంట్లు అందాలని కోరుకుంటే ఎరుపు డ్రాగన్ ఫ్రూట్ ఉత్తమమైనది. ఒకవేళ మీరు బరువు తగ్గడానికి డైటింగ్లో ఉన్నట్లయితే లేదా రక్తంలో చక్కెర స్థాయిలను అదుపులో ఉంచుకోవాలనుకుంటే తెల్లటి డ్రాగన్ ఫ్రూట్ ఎంచుకోవడం శ్రేయస్కరం. రెండింటినీ మార్చి మార్చి ఆహారంలో భాగం చేసుకోవడం ద్వారా పరిపూర్ణ పోషకాలను పొందవచ్చు.
