kitchen Hacks: వర్షాకాలంలో మసాలాదినుసులు చెడిపోకుండా నిల్వ చేయాలా.. ఈ సింపుల్ టిప్స్ మీ కోసం
చాలా మంది ప్రజలు ప్రతిరోజూ ఉపయోగించే మసాలా దినుసులను తక్కువ పరిమాణంలో పోపుల పెట్టేలో నిల్వ చేస్తారు. మిగిలిన మసాలా దినుసులను ప్లాస్టిక్ లేదా స్టీల్ కంటైనర్లలో నిల్వ చేస్తారు. అటువంటి పరిస్థితిలో ప్రతిరోజూ అన్ని రకాల మసాలా దినుసులను ఉపయోగించరు. అయితే వాడని మసాలా వస్తువులు చెడిపోతాయనే భయం చాలా మందిలో ఉంటుంది. వర్షాకాలంలో మసాలా దినుసులు పాడవకుండా ఎలా జాగ్రత్తపడాలో ఈ రోజు తెలుసుకుందాం..
వర్షాకాలంలో ఆరోగ్యంతో పాటు ప్రతి విషయంలోనూ జాగ్రత్తలు తీసుకోవాలి. ఈ సీజన్‌లో వాతావరణంలో తేమతో నిండి ఉంటుంది. దీంతో ఇంట్లో వస్తువులతో పాటు వంటగదిలోని మసాలా దినుసుల వరకు అన్ని విషయాల్లోనూ జాగ్రత్తలు తీసుకోవడం చాలా ముఖ్యం. వంటగదిలో ఉండే మసాలా దినుసులు చాలా సులభంగా పాడైపోతాయి. కీటకాలు సోకిన తర్వాత సుగంధ ద్రవ్యాలను ఉపయోగించలేరు. చాలా మంది ప్రజలు ప్రతిరోజూ ఉపయోగించే మసాలా దినుసులను తక్కువ పరిమాణంలో పోపుల పెట్టేలో నిల్వ చేస్తారు.
మిగిలిన మసాలా దినుసులను ప్లాస్టిక్ లేదా స్టీల్ కంటైనర్లలో నిల్వ చేస్తారు. అటువంటి పరిస్థితిలో ప్రతిరోజూ అన్ని రకాల మసాలా దినుసులను ఉపయోగించరు. అయితే వాడని మసాలా వస్తువులు చెడిపోతాయనే భయం చాలా మందిలో ఉంటుంది. వర్షాకాలంలో మసాలా దినుసులు పాడవకుండా ఎలా జాగ్రత్తపడాలో ఈ రోజు తెలుసుకుందాం..
ఎండలో మసాలా దినుసులను పెట్టండి
వర్షాకాలంలో తేమ ఎక్కువగా ఉంటుంది. దీని కారణంగా సుగంధ ద్రవ్యాలు కూడా తేమగా మారుతాయి. దీని కారణంగా మాసాలా దినుసులు ముద్దగా మారతాయి. అందువల్ల వర్షాకాలంలో సుగంధ ద్రవ్యాలను ఎండలో పెట్టుకోండి. అయితే దీని కోసం మసాలా దినుసులు బయటకు తీసి ఎండలో పెట్టాల్సిన అవసరం లేదు. సుగంధ ద్రవ్యాలతో గాజు పాత్రలను నేరుగా ఎండలో ఉంచండి. దీని వల్ల వాటి రుచి చెడిపోదు. అదే సముయంలో తేమ కూడా పోతుంది.
గాజు కంటైనర్లో నిల్వ చేయండి
చాలా ఇళ్లలో సుగంధ ద్రవ్యాలు ప్లాస్టిక్ లేదా స్టీల్ కంటైనర్లలో ఉంచబడతాయి. అయితే వర్షాకాలంలో మాత్రం ప్లాస్టిక్, స్టీలు పాత్రలకు బదులు గాజు సీసాల్లో ఉంచడం మంచిది. ఎందుకంటే మసాలాలలో తేమ ఉంటే వాటిని సులభంగా ఎండలో పెట్టుకోవచ్చు
తాజా సుగంధ ద్రవ్యాలు ఉపయోగించండి
వర్షాకాలంలో మసాలా పొడికి బదులుగా మసాలాలను వేటికి అవే ఉపయోగించండి. మసాలా పొడి వర్షాలకు త్వరగా పాడవుతుంది. కనుక వర్షాకాలంలో నిల్వ చేసిన మసాలా పొడి కంటే ఎప్పుడు అవసరం అయితే అప్పుడు మసాలా దినుసులను ఉపయోగించి మసాలా పొడిని తయరు చేసుకోండి. ఇలా ఉపయోగించడం మంచిది.
మసాలా దినుసులను ఒక్కసారి వేడి చేయండి
మసాలాలు చెడిపోకుండా ఉండాలంటే వాటిని లైట్ గా రోస్ట్ చేసి పక్కన పెట్టుకోవాలి. పాన్ లేదా బాణలిలో తక్కువ మంటపై వేయించండి. పాన్ వేడి ఎక్కిన తర్వాత అందులో మసాలా దినుసులు వేసి కొద్దిగా వేడెక్కిన తర్వాత ఒక ప్లేట్ లోకి తీసుకుని చల్లారిన తర్వాత గాజు కంటైనర్ లో నిల్వ చేసుకోండి. ఇలా చేయడం వల్ల మసాలా దినుసుల్లోకి క్రిములు ప్రవేశించవు. అంతేకాదు మసాలా దినుసుల రుచి, రంగు కూడా పోదు.
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)